ԵՐԵՎԱՆ, 3 նոյեմբերի– Sputnik. Տարածքային կառավարման և արտակարգ իրավիճակների նախարարությունը հրապարակել է Տուլայի մոտ տեղի ունեցած պատահարի ութ զոհերից յոթի անունները.
1. Սպարտակ Ցոլակի Նալբանդյան (1947թ.),
2. Գառնիկ Գուրգենի Հակոբյան (1961թ.),
3. Հրաչ Բադալյան,
4. Գագիկ Մանուկյան,
5. Վարուժ Ստեփանյան,
6. Հայկ Ժորայի Հովհաննիսյան (1970թ.)
7. Հակոբ Ալիխանյան։
Երկուշաբթի լույս երեքշաբթի գիշերը Տուլայի մարզում կողաշրջվել է «Մոսկվա–Երևան» ուղևորատար ավտոբուսը, ՃՏՊ–ի հետևանքով մահացել է 8 և տուժել 47 մարդ։
Ողջ գիշեր դեպքի վայրում աշխատել են ԱԻՆ փրկարարներն ու բժիշկների 13 բրիգադները։ Տուժածներին ցուցաբերել են անհրաժեշտ բժշկական և հոգեբանական օգնություն։ Հայտնի է, որ այժմ 12 հոգի գտնվում են ժամանակավոր կացարանում, ևս չորսը` հարազատների մոտ։ Նրանք, ովքեր ավելի ծանր վնասվածքներ են ունեցել, արագ տեղափոխվել են մոտակա հիվանդանոցներ։
Ուղևորները պատմում են, որ ամեն ինչ այնքան արագ է տեղի ունեցել, որ ոչինչ չեն հասցրել հասկանալ։ ՆԳՆ աշխատակիցները դիտարկում են պատահարի երկու վարկած` ավտոբուսի անխափան լինելը և այն, որ վարորդը քնել է ղեկի դիմաց։ Այժմ վթարի վայրում իրականացվող աշխատանքները գրեթե ավարտվել են։
Տուլայի մոտ տեղի ունեցած ՃՏՊ–ի հետևանքով զոհվածներից 7–ի անունները հայտնի են
© МЧС России по Тульской области
Բաժանորդագրվել
Երկուշաբթի լույս երեքշաբթի գիշերը Տուլայի մարզում կողաշրջվել է «Մոսկվա–Երևան» ուղևորատար ավտոբուսը, ՃՏՊ–ի հետևանքով մահացել է 8 և տուժել 47 մարդ
