28-я Московская международная книжная выставка-ярмарка

Հայաստանն առանձին տաղավարով կմասնակցի Ֆրանկֆուրտի գրքի միջազգային ցուցահանդես–տոնավաճառին

678
(Թարմացված է 17:52 12.10.2015)
Հայաստանի մասնակցությանը աջակցում են ՀՀ մշակույթի նախարարությունը և Հայոց ցեղասպանության 100-րդ տարելիցի միջոցառումները համակարգող պետական հանձնաժողովը

ԵՐԵՎԱՆ, 12 հոկտեմբերի–Sputnik.  Հայաստանն իր առանձին տաղավարով կմասնակցի հոկտեմբերի 14–18–ը Ֆրանկֆուրտի գրքի միջազգային ցուցահանդես–տոնավաճառին, հաղորդում է ՀՀ մշակույթի նախարարության մամուլի ծառայությունը։

Ըստ հաղորդագրության` Հայաստանի մասնակցությանն աջակցում են ՀՀ մշակույթի նախարարությունը և Հայոց ցեղասպանության 100-րդ տարելիցի միջոցառումները համակարգող պետական հանձնաժողովը։

Ցուցահանդեսում կներկայացվեն վերջին տարիներին Հայաստանում և արտերկրում, մասնավորապես, Գերմանիայում հրատարակված գրքեր, որոնց թվում կլինեն ինչպես պետական պատվերով ու աջակցությամբ, այնպես էլ մասնավոր հրատարակչությունների նախաձեռնությամբ հրատարակված շուրջ 300 անուն գրքեր: Տաղավարի առանձին հատվածում կներկայացվի Հայոց ցեղասպանությանը նվիրված գրականություն:

Ֆրանկֆուրտի գրքի միջազգային ցուցահանդեսի շրջանակում հոկտեմբերի 16-տեղի կունենա Հայոց ցեղասպանության թեմայով հրատարակված գերմանալեզու գրքերի շնորհանդես, որոնց թվում են Միհրան Դաբաղի, Քրիստին Փլաթի «Կորուստ և կտակ. հիշում են ցեղասպանության վերապրածները», Ռոլֆ Հոսֆելդի «Մահ անապատում. Հայոց ցեղասպանություն», Միխայել Հեզեմանի «Հայոց ցեղասպանությունը. Առաջին համաշխարհային պատերազմի մեծագույն հանցագործության մասին Պապական գաղտնի արխիվի չհրապարակված փաստաթղթերով», Յուրգեն Գոթշլիխի «Աջակցություն ցեղասպանությանը. Գերմանիայի դերը հայերի ոչնչացման մեջ», Թոմաս Հարթվիգի «Հայուհին» ստեղծագործությունները:

«Ցուցահանդեսին հայաստանյան պատվիրակության կազմում կմասնակցեն մի շարք հրատարակիչներ և գրական կազմակերպություններ, այդ թվում` «Անտարես», «Զանգակ», «ԵՊՀ» հրատարակչությունները, «Բուկինիստ» գրախանութը, «Առաջին գրական գործակալությունը»», – նշվում է հաղորդագրության մեջ։

678