ԵՐԵՎԱՆ, 12 հոկտեմբերի– Sputnik. Հայաստանի հավաքականը նախօրեին Ալբանիայի հավաքականի դեմ խաղում Հանրապետական մարզադաշտում ցույց տվեց կամազուրկ ֆուտբոլ, ասաց հավաքականի գլխավոր մարզիչի պաշտոնակատար Սարգիս Հովսեփյանը խաղից հետո տեղի ունեցած մամուլի ասուլիսում։
Ալբանիայի հավաքականը կիրակի իր պատմության մեջ առաջին անգամ ուղեգիր նվաճեց Եվրո-2016թ.–ի եզրափակիչ փուլ` արտագնա խաղում 3։0 հաշվով հաղթանակ տանելով հայկական թիմի նկատմամբ։
«Ամեն ինչում ես եմ մեղավոր։ Այսօր ամեն ինչ վատ էր, շատ վատ։ Դաշտում մենք միայն մեկ թիմ տեսանք։ Մենք կամազուրկ խաղ ցույց տվեցինք։ Պարտության համար մեղքը ես իմ վրա եմ վերցնում»,– հավելեց Հովսեփյանը։
Նա նշեց, որ գլխավոր մարզչի պաշտոնակատարի պաշտոնում իր գործունեության սկզբում հավաքականի խաղում փայլատակումներ են եղել։ «Բայց այսօրվա խաղն ի չիք դարձրեց այս պաշտոնում իմ աշխատանքը։ Ես ավելացնելու ոչինչ չունեմ»,– ասաց Հովսեփյանը` հրաժարվելով պատասխանել լրագրողների հարցերին։
Նա նշեց, որ գլխավոր մարզչի պաշտոնակատարի պաշտոնում իր գործունեության սկզբում հավաքականի խաղում փայլատակումներ են եղել։ «Բայց այսօրվա խաղն ի չիք դարձրեց այս պաշտոնում իմ աշխատանքը։ Ես ավելացնելու ոչինչ չունեմ»,– ասաց Հովսեփյանը` հրաժարվելով պատասխանել լրագրողների հարցերին։