Утреняя пробежка, бег

Երևանի կիսամարաթոնի հաղթողը միլիոնատեր կդառնա

1994
(Թարմացված է 17:46 12.10.2015)
Հայտնի հայ երգիչ և հեռուստահաղորդավար Արամ МP3–ն նույնպես կմասնակցի RunArm 2015 վազքի կիսամարաթոնին

ԵՐԵՎԱՆ, 25 սեպտեմբերի – Sputnik. Առաջին անգամ Երևանում հոկտեմբերի 4–ին կայանալիք RunArm 2015 վազքի` կանանց և տղամարդկանց 21 մետրանոց կիսամարաթոնի գլխավոր մրցանակը կկազմի 1 միլիոն դրամ (շուրջ 2.1 հազար դոլար)։ Երկրորդ և երրորդ տեղերը զբաղեցրած մասնակիցները կստանան, համապատասխանաբար, 750 հազար դրամ (մոտ 1.5 հազար դոլար) և 500 հազար դրամ (մոտ հազար դոլար)։

2x10,550 կմ հեռավորության էստաֆետի մրցանակակիրները կստանան մոտ 200 հազար դրամ առաջին տեղի համար (400 դոլար), 150 հազար դրամ (300 դոլար)` երկրորդի և 100 հազար դրամ (200 դոլար)` երրորդ տեղի համար։

Հայտնի հայ երգիչ և հեռուստահաղորդավար Արամ МP3–ն նույնպես կմասնակցի RunArm 2015 վազքի կիսամարաթոնին։ «Ես այդքան էլ չեմ սիրում վազել, ինձ ավելի դուր է գալիս հեծանիվ քշել։ Բայց այս կիսամարաթոնին անպայման մասնակցելու եմ», – ասել է Արամ МP3–ը լրագրողներին։

«Երևանի կիսամարաթոն» ծրագրի ղեկավար Անահիտ Ադամյանն իր հերթին նշեց, որ միջոցառումը մի քանի նպատակ ունի։ 

«Ենթադրվում է ամեն տարի Հայաստանում միջազգային խոշոր մարաթոն կազմակերպել։ Կիսամարաթոնը նաև մարզական զբոսաշրջության հայ սիրահարների ուշադրությունը գրավելու և երկրի գրավչությունը բարձրացնելու նպատակ ունի»,– ասել է Ադամյանը։

RunArm 2015 կիսամարաթոնը կանցկացվի «Էրեբունի Երևան 2797» տոնական միջոցառումների շրջանակում։ Միջոցառման նպատակը առողջ կենսակերպ քարոզումն է և երկրում մարզական զբոսաշրջության զարգացումը։ 

Կիսամարաթոնը նախաձեռնել է RunArm կազմակերպությունը Հայաստանի թեթև աթլետիկայի ֆեդերացիայի նախագահ Ռոբերտ Էմմիյանի գլխավորությամբ Սպորտի և երիտասարդության հարցերի նախարարության, Երևանի քաղաքապետարանի և Հայաստանի ազգային օլիմպիական կոմիտեի հովանու ներքո։

Միջոցառման շրջանակում, որը մեկնարկում է Երևանի կենտրոնում Ստեփան Շահումյանի հրապարակից, կկազմակերպվի 21.097 կմ հեռավորության կիսամարաթոն, էստաֆետ (2 x 10,550 կմ), 5 կմ վազք, ինչպես նաև 2.5 կմ վազք 12-15 տարեկան երեխաների համար։

Yerevan RunArm 2015–ի գրանցումը սկսվել է օգոստոսի 10–ին և կտևի մինչև սեպտեմբերի 27–ը։ Բոլոր մասնակիցները կստանան մարզահագուստ և կրծքանշաններ, իսկ հաղթողները կարժանանան դրամական պարգևների։

1994