Анжела Саркисян

Անժելա Սարգսյանի մերկ լուսանկարները տարածած երիտասարդը զղջացել է

5548
(Թարմացված է 17:44 12.10.2015)
Անժելա Սարգսյանի մերկ լուսանկարները հրապարակած 28-ամյա արմավիրցին տուգանվել է 200 000 դրամով

ԵՐԵՎԱՆ, 24 սեպտեմբերի – Sputnik.Դերասանուհի Անժելա Սարգսյանի լուսանկարները տարածելու մեջ մեղադրվող` Արմավիր քաղաքի 28-ամյա բնակիչ Սևակ Հովսեփյանին Արմավիրի մարզի ընդհանուր իրավասության դատարանը մեղավոր է ճանաչել` տուգանելով 200 000 ՀՀ դրամի չափով, հայտնում է DataLex.am կայքը: Սևակ Հովսեփյանի նկատմամբ որպես խափանման միջոց ընտրված չհեռանալու մասին ստորագրությունն անփոփոխ է մնացել մինչև դատավճռի օրինական ուժի մեջ մտնելը։

Ըստ մեղադրական եզրակացության՝ Սևակ Հովսեփյանը հունիսի 19-ին իրեն պատկանող www.hylike.ru կայքում` «18+» անվանումով բաժնում, տեղադրել է «Անժելա Սարգսյանի այն այլասերված լուսանկարները, որը դեռ չեք տեսել /18++/» վերտառությամբ հոդված, որում ներառել է դերասանուհի Անժելա Սարգսյանի 4 պոռնկագրական բնույթի լուսանկարներ:

Սևակ Հովսեփյանին մեղադրանք է առաջադրվել Քրեական օրենսգրքի 263-րդ հոդվածի 1-ին մասով:

Սևակ Հովսեփյանը զղջացել էր իր կատարած հանցանքի համար, իրեն մեղավոր ճանաչել՝ խնդրելով դատարանից մեղմ պատիժ նշանակել իր նկատմամբ։

Սևակ Հովսեփյանն ամուսնացած է, նրա խնամքին են մանկահասակ երեխան և ծնողները, նախկինում դատված չի եղել, մենատնտես է, զբաղվում է հողագործությամբ

Հիշեցնենք, որ Անժելա Սարգսյանի լուսանկարները տարիներ առաջ հրապարակել էր դերասանուհու սիրեկանը: Վերջինս դատապարտվել էր 3 տարի 6 ամսվա ազատազրկման, և արդեն ազատության մեջ է։

5548