ԵՐԵՎԱՆ, 16 սեպտեմբերի – Sputnik. Հայաստանում սպառվող ռուսական գազի դիմաց վճարումները ռուբլով իրականացնելը կարող է օգնել երկրի տնտեսությանը, չորեքշաբթի լրագրողներին ասել է հայկական կառավարության նախագահ Հովիկ Աբրահամյանը։
Նախորդ շաբաթ Եվրասիական միջկառավարական խորհրդի` Բելառուսի Գրոդնոյում անցկացված նիստում Աբրահամյանը ԵՏՄ անդամ երկրներին առաջարկել էր անցնել ապրանքների ռազմավարական ռուբլով առևտրի` առանց դոլարի շաղկապման։
Ինչպես կարծում է Աբրահամյանը, հարցի լուծումը զգալի ժամանակ կպահանջի, սակայն դա արդեն կառավարության գործունեության օրակարգում է։
«Արտարժույթի և ռուբլի–դոլար–դրամ տատանումներն ազդում են երկրի տնտեսության վրա, ինչի կապակցությամբ մենք առաջարկում ենք անցնել ռուբլով վճարումների։ Մենք լավ առաջարկ ունենք, առավել ևս, որ ոչ միայն (Ռուսաստանի) ռազմավարական գործընկերներ ենք, այլ նաև գործընկերներ ԵՏՄ շրջանակում»,– ասել է վարչապետը։
Ռուսաստանը Հայաստանին Վրաստանով ստացվող բնական գազի (տարեկան մոտ 2-2,2 միլիարդ խորանարդ մետր) մենաշնորհային մատակարարն է։ Հայաստանի գազային ենթակառուցվածքը պատկանում է «Գազպրոմ Արմենիա» ՓԲԸ–ին (ռուսական «Գազպրոմի» 100%-նոց դուստր ընկերություն)։
Աբրահամյան. Հայաստանին ձեռնտու է ռուսական գազի համար ռուբլով վճարել
© Photo : Gazprom Armenia official site
Բաժանորդագրվել
Հովիկ Աբրահամյանի խոսքով` ռուբլով ռուսական գազի վճարմանն անցնելու հարցն արդեն կառավարության օրակարգում է
