ԵՐԵՎԱՆ, 16 սեպտեմբերի– Sputnik. Travel.ru զբոսաշրջային ծառայությունը կազմել է 2015թ.–ին ռուս զբոսաշրջիկների մոտ ԱՊՀ երկրներում ամենահայտնի ուղղությունները, որոնց համաձայն Երևանը մտել է ամենահայտնի զբոսաշրջային ուղղությունների հնգյակի մեջ։
Այսպես, զբոսաշրջիկների մոտ ԱՊՀ ամենատարածված երկրների լավագույն հնգյակը գլխավորում է Բելառուսը (բոլոր ուղևորությունների 37 տոկոսը), դրան հետևում է Ուկրաինան (22 տոկոս), Ղազախստանը (16 տոկոս), Ադրբեջանը (9 տոկոս) և Հայաստանը (7 տոկոս)։ ԱՊՀ մնացած երկրներին բաժին է ընկնում մոտավոր արտասահման բոլոր ուղևորությունների 10 տոկոսից պակասը։
Վարկանիշը կազմվել է այս տարի ռուս զբոսաշրջիկների կողմից ԱՊՀ–ում հյուրանոցներ պատվիրելու տվյալներով, որոնք ինքնուրույն են ճանապարհորդում։
Travel.ru–ի տվյալներով` դեպի Հայաստան ռուս զբոսաշրջիկների ուղևորությունների տոմսերի օնլայն պատվերների քանակն անցած տարվա համեմատ աճել է մեկ երրորդով։ Ռուս զբոսաշրջիկներն այս տարի Հայաստանում ճանապարհորդում են միջինում 3,5 օր և հյուրանոցում բնակվելու վրա ծախսում են օրական 65 դոլար։ Համեմատության համար, Բաքվում զբոսաշրջիկները հյուրանոցում մնալու համար միջինում վճարում են օրական 78 դոլար, Կիևում` 87 դոլար, Ալմաթիում` 87 դոլար։ ԱՊՀ–ում ամենաբյուջետային մայրաքաղաքը Բիշքեկում` 30 դոլար, ամենաթանկն Աստանան է` 115 դոլար։
Հատկանշական է նաև, որ Սևանա լիճը հինգերորդ տեղն է ամառային սեզոնի ընթացքում ԱՊՀ երկրներում ռուս զբոսաշրջիկների մոտ ամենահայտնի հանգստավայրերի շարքում։
Ռուսների մոտ հայտնի ԱՊՀ քաղաքների 10–յակի մեջ մտնում են Մինսկը, Կիևը, Ալմաթին, Բաքուն, Երևանը, Աստանան, Վիտեբսկը, Բիշքեկը, Տաշքենդը և Քիշնևը։
Travel.ru–ն առաջատար ռուսական զբոսաշրջային օնլայն ծառայություն է, որը շուկայում աշխատում է ավելի քան 15 տարի։ Ամեն ամիս կայք է այցելում շուրջ 2 միլիոն մարդ։
Հատկանշական է նաև, որ Սևանա լիճը հինգերորդ տեղն է ամառային սեզոնի ընթացքում ԱՊՀ երկրներում ռուս զբոսաշրջիկների մոտ ամենահայտնի հանգստավայրերի շարքում։
Ռուսների մոտ հայտնի ԱՊՀ քաղաքների 10–յակի մեջ մտնում են Մինսկը, Կիևը, Ալմաթին, Բաքուն, Երևանը, Աստանան, Վիտեբսկը, Բիշքեկը, Տաշքենդը և Քիշնևը։
Travel.ru–ն առաջատար ռուսական զբոսաշրջային օնլայն ծառայություն է, որը շուկայում աշխատում է ավելի քան 15 տարի։ Ամեն ամիս կայք է այցելում շուրջ 2 միլիոն մարդ։