Разгон демонстрантов в Ереване

Ոստիկանությունը Բաղրամյան պողոտան ազատեց ցուցարարներից

763
(Թարմացված է 06:42 12.09.2015)
Երևանի փոխոստիկանապետ Վալերի Օսիպյանը կոչ էր արել ոստիկաններին զգույշ լինել

ԵՐԵՎԱՆ, 12 սեպտեմբերի– Sputnik. Իրավապահ ուժերը մաքրեցին Բաղրամյան պողոտան ցուցարարներից։

Ոստիկանները հեռացրեցին ակցիայի մասնակիցներին փողոցի բանուկ հատվածից։ Երևանի փոխոստիկանապետ Վալերի Օսիպյանը կոչ էր արել ոստիկաններին զգույշ լինել։

Ոստիկանները ցուցարարների ձեռքերը ծալած մեկ առ մեկ հեռացրեցին Բաղրամյան պողոտայից։ Իրավապահ մարմիններ առաջարկեցին լրագրողներին անցնել փողոցի ոչ երթևեկելի հատված

Ավելի վաղ Օսիպյանը դիմել էր ցուցարարներին` կոչ անելով կես ժամում ազատել պողոտան։ Նա նշել էր, որ եթե ոստիկանության պահանջները չկատարվեն նշված ժամկետում, ապա իրավապահ ուժերը ստիպված կլինեն բացել պողոտան հարկադիր միջոցով, այդ թվում` հատուկ միջոցների կիրառմամբ։

Սա էլեկտրաէներգիայի թանկացման դեմ կազմակերպվող բողոքի ակցիայի երկրորդ փուլն էր, որը սկսվել էր հունիսին այն բանից հետո, որ Հայաստանի հանրային ծառայությունները կարգավորող հանձնաժողովը որոշել էր օգոստոսի 1–ից 16 տոկոսով բարձրացնել էլեկտրաէներգիայի սակագինը, իսկ ՀԷՑ–ն առաջարկում էր սակագինը բարձրացնել 40,8 տոկոսով։

Նախօրեի երեկոյան էլեկտրաէներգիայի թանկացման դեմ ակցիայի հարյուրավոր մասնակիցներ փորձ էին կատարել անցնել դեպի Բաղրամյան պողոտայում տեղակայված նախագահական նստավայր, սակայն չեն կարողացել կտրել ոստիկանական շղթան:

Ավելի վաղ ոստիկանության տարածած հայտարարությունում նշվում է, որ ակցիայի մասնակիցները շեղվել են ավելի վաղ հայտարարած շարժման երթուղուց, անօրինական երթ են կազմակերպել դեպի Բաղրամյան պողոտա և ամբողջությամբ փակել են տրանսպորտի երթևեկությունը` անտեսելով իրավապահ ուժերի բազմաթիվ նախազգուշացումները
Փաստաթղթում նշվում է, որ հավաքների իրավունքի իրագործման ցանկացած ձև պետք է համապատասխանի Սահմանադրությանը և «Հավաքների ազատության մասին» օրենքին, իսկ հենց այդ իրավունքը բացարձակ բնույթ չի կրում և կարող է սահմանափակվել քաղաքացիական հասարակությունում հանրային կարգի պահպանման շահերի և սահմանադրական կարգի ու այլ անձանց ազատությունների պաշտպանության շրջանակում, այդ թվում` տրանսպորտային նորմալ երթևեկության ապահովման համար:

Ոստիկանությունում նշեցին, որ Բաղրամյան պողոտայի երկարատև արգելափակումն անօրինական է և խախտում է հասարակության շահերը:

 Ելնելով դրանից` ոստիկանութունը կազմակերպիչներին և մասնակիցներին ժամանակ էր տվել մինչև սեպտեմբերի 12-ի առավոտյան 05:00-ն` իրենց պահանջներն արտահայտելու և Բաղրամյան պողոտան բացելու համար, այն պայմանով, որ հավաքը կշարունակի խաղաղ բնույթ կրել:

763