акция протест активисты площадь Республики митинг

Ցուցարարները ցանկանում են նստացույց կազմակերպել Բաղրամյան պողոտայում

441
(Թարմացված է 20:42 11.09.2015)
Հանրահավաքը սկսվել է Ազատության հրապարակում «Ո′չ թալանին» խմբի նախաձեռնությամբ, այնուհետև սկսվել է քայլերթը

ԵՐԵՎԱՆ, 11 սեպտեմբերի– Sputnik. Երևանում էլեկտրաէներգիայի թանկացման դեմ անցկացվող հերթական հանրահավաքի մասնակիցները մտադիր են նստացույց կազմակերպել Բաղրամյան պողոտայում, հաղորդում է Sputnik Արմենիա պորտալի թղթակիցը դեպքի վայրից։

Մի քանի տասնյակ մարդիկ նստել են Բաղրամյան պողոտայի նույն հատվածում, որտեղ մոտ երկու ամիս առաջ բողոքի շուրջօրյա ակցիա էր կազմակերպվել, իսկ Բաղրամյան պողոտան ավելի քան երկու շաբաթ փակ էր։

Հանրահավաքը սկսվել է Ազատության հրապարակում «Ո′չ թալանին» խմբի նախաձեռնությամբ, այնուհետև մարդիկ, չնայած ոստիկանության նախազգուշացումներին, շարժվել են դեպի Բաղրամյան պողոտան։

Ճանապարհին իրավապահ մարմինների և ցուցարարների միջև քաշքշուկ է տեղի ունեցել, ինչից հետո մարդիկ վազել են դեպի պողոտա։

Sputnik Արմենիա պորտալի թղթակցի գնահատմամբ` Բաղրամյան պողոտայում և հարակից փողոցներում հավաքվել է շուրջ 300–400 մարդ։

441