Больница

ԱՆ. թունավորված դպրոցականներն ապաքինվում են, սակայն Շիրակում թունավորման նոր դեպքեր են գրանցվել

300
Շիրակի մարզում արձանագրվել են աղիքային թունավորման ախտանիշներով նոր դեպքեր

ԵՐԵՎԱՆ, 11 սեպտեմբերի– Sputnik. Նախօրեին թունավորման ախտանիշներով  հոսպիտալացված դպրոցականների մեծ մասն այժմ ապաքինվում է և դուրս է գրվել հիվանդանոցից։ Այս մասին հայտնում է Հայաստանի առողջապահության նախարարության մամուլի ծառայությունը։

Սեպտեմբերի 10-ին ժամը 11:55-ին առողջապահության նախարարությունն «Արտաշատի ԲԿ-ից» տեղեկություն է ստացել Բաղրամյան գյուղի դպրոցից 7 երեխայի դիմելու վերաբերյալ։

Բոլոր երեխաներն ունեցել են սրտխառնոց, գլխապտույտ, դող, ընդհանուր թուլություն, փորացավ, հաղորդում է առողջապահության նախարարության կայքում: Այժմ 45 հիվանդից 43-ը հոսպիտալացված է, 2-ն ամբուլատոր բուժում է ստանում:

Բոլոր երեխաները դպրոցահասակ են, տարբեր դասարաններից։ Նշում են, որ կերել են դպրոցի բուֆետից գնված նրբերշիկով հոթ-դոգ։ Մի քանիսը նաև տեղեկացնում են, որ վերջինս եղել է քաղցրահամ:

«Երեկ «Արտաշատի ԲԿ» հոսպիտալացված Բաղրամյան գյուղի դպրոցականներն ապաքինվում են։ Նրանց զգալի մասն արդեն դուրս է գրվել։ Այս պահի դրությամբ հիվանդանոցում է գտնվում 5 երեխա։ Նրանցից մեկի վիճակը գնահատվում է միջին ծանրության, մյուսներինը` թեթև»,– ասվում է առողջապահության նախարարության հաղորդագրությունում։Նոր դեպքեր Գյումրիում

Առողջապահության նախարարության մամուլի ծառայությունը հայտնում է, որ երեկ Շիրակի մարզի Անիի տարածաշրջանի Ձիթհանքով համայնքից դպրոցահասակ 2 երեխաների Գյումրու ինֆեկցիոն հիվանդանոց են տեղափոխել։ Անհապաղ իրականացվել են համաճարակաբանական հետազոտություն և բակային համայցեր: Հոսպիտալացվել են ևս 2-ը։

«Հնարավոր է, որ նրանք այսօր դուրս կգրվեն։ Բոլորի վիճակը բավարար է։ Միաժամանակ հայտնաբերվել է աղիքային վարակներին բնորոշ գանգատներով ևս 28 հիվանդ, որոնք գտնվում են ամբուլատոր հսկողության տակ»,– նշվում է հաղորդագրությունում։

Դպրոցում կատարվել են նմուշառում բոլոր կոնտակտավոր երեխաներից, սննդի կառուցահատվածից, խմելու ջրից: Կատարվում են քիմիական և մանրէաբանական լաբորատոր հետազոտություններ, աշխատանքներ են տարվում վարակի աղբյուրը բացահայտելու ուղղությամբ։

300