Арпине Ованнисян

Լիբանանյան թերթը Արփինե Հովհաննիսյանին ճանաչել է ամենագեղեցիկ նախարար

1830
(Թարմացված է 15:56 10.09.2015)
Թերթը հրապարակել է Հովհաննիսյանի ֆոտոշարքը, որը վերնագրել է «աշխարհի ամենագեղեցիկ նախարարը», ինչպես նաև նշել նախարարի կենսագրությունից որոշ փաստեր

ԵՐԵՎԱՆ, 10 սեպտեմբերի – Sputnik. Լիբանանի Addiyar թերթը Հայաստանի արդարադատության նորանշանակ նախարար Արփինե Հովհաննիսյանին ճանաչել է աշխարհի ամենագեղեցիկ նախարար։

Թերթը հրապարակել է Հովհաննիսյանի ֆոտոշարքը, որը վերնագրել է «աշխարհի ամենագեղեցիկ նախարարը», ինչպես նաև նշել է նախարարի կենսագրությունից  որոշ փաստեր։

ՀՀ նախագահ Սերժ Սարգսյանը սեպտեմբերի 4-ին հրամանագիր էր ստորագրել` արդարադատության նախարարի պաշտոնում ԱԺ պատգամավոր Արփինե Հովհաննիսյանին նշանակելու մասին։ Հովհաննիսյանն առաջին կինն է, ով զբաղեցրել է Հայաստանի արդարադատության նախարարի պաշտոնը` այդ պաշտոնում  փոխարինելով Հովհաննես Մանուկյանին։

Նոր նախարարն այս տարի 32 տարեկան կդառնա, նա իրավաբանական գիտությունների թեկնածու է և դեռևս ոչ այնքան երկար կարիերայի ընթացքում հասցրել է աշխատել արդարադատության նախարարության աշխատակազմի դատաիրավական բարեփոխումների վարչության քրեակատարողական ծառայության բարեփոխումների բաժնում` որպես առաջատար մասնագետ, զուգահեռ դասավանդել է ԵՊՀ–ի իրավաբանական ֆակուլտետի քաղաքացիական իրավունքի ամբիոնում։

Նա նաև զբաղեցրել է ՀՀ նախագահի աշխատակազմի ղեկավարի օգնականի և Հայաստանի ԱԺ  խոսնակի խորհրդականի պաշտոնները։ 2012 թվականի մայիսի 6-ից Հայաստանի Հանրապետական կուսակցությունից համամասնական ընտրակարգով ընտրվել է որպես ԱԺ պատգամավոր։

1830