Арпине Ованнисян

ՀՀ արդարադատության նորանշանակ նախարարը կառավարությունում կներկայացնի Նիկոլ Փաշինյանի օրինագծի մերժումը

325
Նիկոլ Փաշինյանն առաջարկել է, որ տեսանկարահանող կամ լուսանկարահանող սարքերով հայտնաբերված ճանապարհային երթևեկության կանոնների խախտումների համար համեմատաբար հին ու էժանագին ավտոմեքենաների տերերը վճարեն սահմանված տուգանքների կեսը

ԵՐԵՎԱՆ, 9 սեպտեմբերի– Sputnik. ՀՀ արդարադատության նորանշանակ նախարար Արփինե Հովհաննիսյանը վաղն առաջին անգամ ՀՀ արդարադատության նախարարի կարգավիճակով մասնակցելու է ՀՀ կառավարության հերթական նիստին, գրում է «Հայկական ժամանակ» օրաթերթը:

Նախարարի ներկայացնելիք հարցը կառավարության նիստի օրակարգում 5-րդն է: Նա ներկայացնելու է կառավարության որոշման մի նախագիծ, որով բացասական եզրակացություն է տրվելու ԱԺ պատգամավոր Նիկոլ Փաշինյանի ներկայացրած օրենսդրական նախաձեռնությանը:
 
«Փաշինյանն առաջարկել է համապատասխան օրենքներում փոփոխություններ կատարել, որպեսզի տեսանկարահանող կամ լուսանկարահանող սարքերով հայտնաբերված ճանապարհային երթևեկության կանոնների խախտումների համար համեմատաբար հին ու էժանագին ավտոմեքենաների տերերը վճարեն սահմանված տուգանքների կեսը, իսկ թանկարժեք մեքենաների տերերը վճարեն ամբողջությամբ:

Արփինե Հովհաննիսյանի ղեկավարած նախարարությունը բացասական եզրակացություն է տվել այս նախագծին` պատճառաբանելով, որ բոլորը հավասար են օրենքի առաջ և գույքային վիճակից կախված խտրականությունն արգելված է»,-գրում է թերթը:

325