28-я Московская международная книжная выставка-ярмарка

Մոսկվան գրքեր կհավաքի ռուսաց լեզվի ուսուցման հայկական կենտրոնների համար

161
Ռուսաց լեզվի կենտրոնների ավելի արդյունավետ աշխատանքի համար կհավաքվի պատմական, ուսումնական և մեթոդաբանական գրականություն

ԵՐԵՎԱՆ, 8 սեպտեմբերի– Sputnik. Մոսկվայում կկազմակերպվի ակցիա, որի ընթացքում հավաքված գրքերը կուղարկվեն Հայաստանի բոլոր մարզերի ռուսաց լեզվի անվճար ուսուցման կենտրոններին։

Ակցիայի շրջանակում կհավաքվի ռուսալեզու պատմական, ուսումնական և մեթոդաբանական գրականություն ռուսաց լեզվի անվճար ուսուցման կենտրոնների և «Ռուսական գրքի տուն» մշակութային կենտրոնների ավելի արդյունավետ աշխատանքի համար։

Ակցիան անցկացվում է «ԱՊՀ երկրների երիտասարդների միություն» միջտարածաշրջանային հասարակական կազմակերպության նախաձեռնությամբ` Մոսկվայի մարզպետի և կրթության նախարարության աջակցությամբ։

«ԱՊՀ երկրների երիտասարդների միությունը» «Առաջ Ռուսաստան և Հայաստան» հայ–ռուսական բարեգործական հիմնադրամի հետ համատեղ 2011 թ.–ից Երևանում, Արտաշատում և Գյումրիում բացել են «Ռուսական գրքի տուն» մշակութային կենտրոնները։ Ավելի ուշ այդ կենտրոնների հիման վրա բացվել են ռուսաց լեզվի անվճար ուսուցման կենտրոններ։
 
Այս տարի դասընթացներին մասնակցելու հայտ է ներկայացրել ավելի քան 200 հազար մարդ, ինչի կապակցությամբ կենտրոնների և Ռուսական գրքի տների աշխատանքի արդյունավետության բարձրացման համար օգոստոսի 5–ին Հայաստանում մեկնարկել է գիրք հավաքելու ակցիան։

Կենտրոնին անհրաժեշտ է պատմական, ռուսալեզու, ուսումնական և մեթոդաբանական գրականություն։ Գրքեր կհավաքվեն նաև երեխաների համար, որոնք ցանկանում են ՌԴ–ում հայերեն ուսումնասիրել։

161