Картина Сальвадора Дали Постоянство памяти

Երևանում կցուցադրվեն Սալվադոր Դալիի երկու ստեղծագործությունները

2269
(Թարմացված է 17:26 08.09.2015)
Ցուցահանդեսը կազմակերպվել է «Բարձր արվեստ» կերպարվեստի կենտրոնը` ՀՀ մշակույթի նախարարության աջակցությամբ։ Այն կտևի մինչև հոկտեմբերի 24–ը

ԵՐԵՎԱՆ, 8 սեպտեմբերի– Sputnik. Աշխարհահռչակ նկարիչ Սալվադոր Դալիի երկու աշխատանքները կցուցադրվեն Երևանում նախատեսված ցուցահանդեսի շրջանակում, Sputnik Արմենիա պորտալին տեղեկացրին «Բարձր արվեստ» կերպարվեստի կենտրոնից։

Ինչպես նշեցին մամուլի ծառայությունից, «Մոդեռնից-պոստմոդեռն» խորագրով ցուցահանդեսը կմեկնարկի սեպտեմբերի 11–ին Կոմիտասի թանգարան-ինստիտուտում։

Ցուցահանդեսին ներկայացված են հայտնի հեղինակների աշխատանքներ, որոնք շարքում են Երվանդ Քոչարը, Լևոն Թութունջյանը, Սալվադոր Դալին, Մինաս Ավետիսյանը, ժամանակակիցներից՝ Արա Ալեքյանը, Համլետ Հովսեփյանը, Խաչատուր Մարտիրոսյանը, Աշոտ Հարությունյանը, Ներսես Մելիքյանը, Նարեկ Ավետիսյանը, Մերի Մունը, Գարիկ Կարապետյանը, Արման Համբարձումյանը, Հարություն Զուլումյանը, Նարինե Զոլյանը։

Ցուցադրությունը բաժանված է 8 թեմաների՝ «Սկիզբ»՝ Երվանդ Քոչար, Լևոն Թութունջյան, Սալվադոր Դալի «Ներկան»` Խաչատուր Մարտիրոսյան, Գարիկ Կարապետյան, Արա Հայթայան և Աշոտ Հարությունյան «Մեր հողը»՝ Համլետ Հովսեփյան «Քաղաք»՝ Մերի Մուն «Չսերտած դասեր»՝ Հարություն Զուլումյան, Նարինե Զոլյան «Ադամը դրախտից»՝ Արա Ալեքյան, Ներսես Մելիքյան «Եվաներ»՝ Թառլոյան եղբայրներ «Մինասի աթոռը»՝ Մինաս Ավետիսյան, Նարեկ Ավետիսյան և Արման Համբարձումյան։

Ցուցահանդեսը կազմակերպել է «Բարձր արվեստ» կերպարվեստի կենտրոնը` ՀՀ մշակույթի նախարարության աջակցությամբ, այն կտևի մինչև հոկտեմբերի 24–ը։

2269