Национальное собрание РА

Հայաստանում թույլ չեն տա միասեռական ամուսնությունները

1048
(Թարմացված է 16:43 20.06.2017)
Հարցերից մեկը, որը հետաքրքրել է հասարակական կազմակերպությունների ներկայացուցիչներին, դարձել է միասեռական ամուսնությունների և դրանք գրանցելու հնարավորության հարցը

ԵՐԵՎԱՆ, 4 սեպտեմբերի– Sputnik. Հայաստանի խորհրդարանում ուրբաթ տեղի են ունենում խորհրդարանական լսումներ սահմանադրական բարեփոխումների նախագծի շուրջ։ Քննարկմանը մասնակցում են ոչ միայն պատգամավորներ, այլ նաև տարբեր արտախորհրդարանական ուժերի, քաղաքական կուսակցությունների, հասարակական կազմակերպությունների, ազգային փոքրամասնությունների ներկայացուցիչներ, ուսանողներ։

Հարցերից մեկը, որը հետաքրքրել է հասարակական կազմակերպությունների ներկայացուցիչներին, դարձել է միասեռական ամուսնությունների և դրանց գրանցման հնարավորության հարցը, որը, նրանց կարծիքով, նախատեսված է նոր սահմանադրության նախագծում։

Սակայն Հայաստանի Ազգային ժողովում նախագահի ներկայացուցիչ, սահմանադրական բարեփոխումների նախապատրաստման փորձագիտական հանձնաժողովի անդամ և փոփոխությունների հիմնական զեկուցող Վարդան Պողոսյանը շտապել է ցրել հավաքվածների կասկածները։

«Ինչպես գործող սահմանադրությունում, այնպես էլ առաջարկվող բարեփոխումների նախագծում նախատեսված է ամուսնությունների գրանցում միայն տղամարդու և կնոջ միջև։ Մենք այնքան ենք պաշտպանում մեր ընտանիքների շահերը, որ ընտանիքի և նրա պաշտպանության հարցերն ընդգրկված են սահմանադրությունում և գտնվում են պետության հովանու ներքո»,– ասաց Պողոսյանը։

Նա նշեց, որ նոր սահմանադրությունում ներկայացված ոչ մի շտկում հնարավորություն չի տալիս երկրում միասեռական ամուսնությունների գրանցման համար։

1048