Երևանից Վարշավա չվերթերը կվերսկսվեն 2016թ.–ից

158
Չվացուցակի փոփոխության պատճառով LOT–ը երկու ամիս առաջ դադարեցրել էր Երևանի ուղղությամբ իրականացվող չվերթերը

ԵՐԵՎԱՆ, 31 օգոստոսի– Sputnik. Վարշավայից Երևան և հակառակ ուղղությամբ ավիաչվերթերը, որոնք իրականացնում է լեհական LOT ավիաընկերությունը, կվերսկսվեն 2016թ.–ի հունվարի 1–ից, երկուշաբթի հաղորդում է «Արմենիա» միջազգային օդանավակայաններ» ՓԲԸ–ը մամուլի ծառայությունը։

LOT–ը դադարեցրել էր չվերթերը ընթացիկ տարվա հուլիսի 1–ից` չվացուցակի փոփոխության պատճառով։

Մամուլի հաղորդագրության համաձայն, 2016թ.–ի հունվարից LOT–ը կիրականացնի շաբաթական երեք չվերթ` Երևան–Վարշավա երկուշաբթի, չորեքշաբթի և ուրբաթ օրերին, իսկ հակառակ ուղղությամբ` երեքշաբթի, հինգշաբթի և շաբաթ։
 
Բանակցությունների արդյունքում պայմանավորվածություն է ձեռք բերվել ամառային շրջանում չվերթերի հաճախականության ավելացման մասին։

«Արմենիա — միջազգային օդանավակայաններ» ՓԲԸ-ն շահագործում է «Զվարթնոց» օդանավակայանը՝ համատեղ շահագործման պայմանագրի համաձայն, որը հայկական կառավարությունը կնքել էր 2001-ին` 30 տարի ժամկետով։ Ձեռնարկության սեփականատերն է արգենտինական American International Airports ընկերությունը, որը պատկանում է Արգենտինայի քաղաքացի, հայազգի Էդուարդո Էռնեկյանին։

158