Больница

Քննչական կոմիտե. 5 տարեկան աղջիկը մահացել է` իր վրա գցելով հեռուստացույցը

427
Նախնական տվյալով` աղջիկը եղբոր հետ հյուրասենյակում հեռուստացույց է դիտել, իսկ նրանց մայրը գտնվել է խոհանոցում

ԵՐԵՎԱՆ, 27 օգոստոսի– Sputnik. 2015թ.–ի օգոստոսի 25-ին ժամը 17:45-ին «Սուրբ Աստվածամայր» ԲԿ-ից ահազանգ է ստացվել, որ մահացած վիճակում իրենց մոտ է տեղափոխվել  Արարատի մարզի բնակչուհի,  2010թ ծնված աղջիկ երեխա, նշվում է Քննչական կոմիտեի կայքում։
 
Դեպքի առթիվ Մասիսի քննչական բաժնում իրականացվում են անհրաժեշտ գործողություններ՝ երեխայի մահվան հանգամանքները պարզելու ուղղությամբ։
 
Փոքրիկը բնակվել է  մոր, պապիկի և անչափահաս եղբոր հետ, հայրը գտնվում է Ռուսաստանի Դաշնությունում։
 
Նախնական տվյալներով՝ 2015թ.–ի օգոստոսի 25-ին ժամը 14:30-ի սահմաններում, աղջիկը եղբոր հետ հյուրասենյակում հեռուստացույց է դիտել, իսկ նրանց մայրը գտնվել է հյուրասենյակին հարակից խոհանոցում: Այդ ընթացքում փոքրիկը մոտեցել է հեռուստացույցին և այն ձգել դեպի իրեն, որի ընթացքում հեռուստացույցն ընկել է  նրա վրա։ Ստացած մարմնական վնասվածքներից՝  հիվանդանոց տեղափոխվելու ճանապարհին, փոքրիկը մահացել է:
 
Դեպքի վայրի զննությամբ տան հյուրասենյակում հայտնաբերվել է  «PRIMA» տեսակի հեռուստացույց` 60 սմ բարձրությամբ, 65 սմ երկարությամբ և 50 սմ լայնությամբ:
 
Նշանակվել է դիակի դատաբժշկական փորձաքննություն:

427