ԵՐԵՎԱՆ, 11 օգոստոսի – Sputnik. Ապատեղեկատվությունը մանիպուլյատիվ տեխնոլոգիաների հիմնական գործիքն է, որի նպատակն է կառավարել հասարակական կարծիքը, «Sputnik-Արմենիա» ռադիոկայանի հետ զրույցում ասել է «Այլատյացության կանխարգելման նախաձեռնություն»  ՀԿ-ի ղեկավար, սոցիոլոգ Արմինե Ադիբեկյանը։

Նրա կարծիքով, հասարակական կարծիքից ելնելով էլ հաճախ կայացվում են քաղաքական որոշումներ: 

«Հետևաբար, եթե ապատեղեկատվության միջոցով  կարողանում ենք փոխել հասարակական կարծիքը, ապա դրանից ելնելով կարող են ռեալ քայլեր արվել, որոնք կարող են հանգեցնել հասարակության համար ոչ ցանկալի, ես կասեի, բավական բացասական արդյունքների»,-ընդգծել է նա:

Սոցիոլոգը շատ կարևորում է այն,  որ մարդը կարողանա տարբերել, թե երբ են իրեն խաբում, և երբ է տեղեկատվությունը համապատասխանում իրականությանը: Բանախոսն այն տեսակետին է, որ ցանկացած անձ, որն առնչվում է տեղեկատվության հետ, պետք է հստակ իմանա, թե որքանով է այն համապատասխանում իրականությանը:

«Կարող է տվյալ վայրկյանին ոչինչ տեղի չունենալ, բայց, իրականում, կամաց-կամաց կաթեցնելով այդ տեղեկությունը, կարող ես շեղել հասարակական կարծիքը  ցանկալի ուղղությամբ: Իրականում, որակյալ ապատեղեկատվությունը հենց այդպես էլ անում է կաթիլ-կաթիլ, քիչ-քիչ, աննկատ և հետո էլ հղում անելով նախորդ ապատեղեկատվությանը՝  այն օրինականացվում է և դառնում մի մեծ, արդեն ճշգրտված տեղեկատվություն, որի հիմքում իրականում ապատեղեկատվություն է»,-պարզաբանել է նա:

Արմինե Ադիբեկյանը մեծ խնդիր է համարում հայրենական լրատվամիջոցների շատ լրագրողների ոչ պրոֆեսիոնալիզմը, հատկապես այն, երբ նրանք բացարձակապես չեն տարանջատում, թե որ և ինչ տեղեկություն կարելի է տալ:

«Կա «քոփի-փեյսթի»-ի տարբերակը, երբ վերցնում ես նյութը և ճշգրտորեն արտատպում ես այն, և կա այդ նույն նյութի մեկնաբանությամբ ներկայացնելու տարբերակը, երբ ներկայացնում ես, թե ինչ է տպագրված տվյալ աղբյուրում և տալիս ես քո բացատրությունները, ինչն ընդունելի և ընդունված տարբերակ է», — մեկնաբանել է բանախոսը եւ որպես վառ օրինակ ներկայացրել ադրբեջանական մամուլից արտատպվող տեղեկությունները:

«Ադրբեջանական մամուլից հաճախ վերցնում են նրանց քարոզչական տեքստը, որը քիչ է որ իրականությանը չի համապատասխանում, դեռ մի բան էլ վնասում է Հայաստանի շահերին:  Վերցնում,  թարգմանում և տեղադրում կայքում՝ պատճառաբանելով, թե Հայաստանի հասարակությունն իրավունք ունի տեղեկատվական հասանելության: Եվ Հայաստանի Հանրապետության քաղաքացին կարդում է, որ Ադրբեջանը մի սարսափելի ուժի տեր երկիր է, որը եթե ոչ այսօր, ապա վաղը պատերազմ է սկսելու Հայաստանի դեմ և  ջնջելու է  մեզ աշխարհի երեսից: Սա զուտ պրոֆեսիոնալիզմի տեսանկյունից անընդունելի վարքագիծ է»,-շեշտադրել է նա:

Զարգացած երկրների լրատվամիջոցներն ունեն մի կարևոր չափանիշ` ընթերցողի վստահությունը: Ադիբեկյանը համոզված է, որ այդ լրատվամիջոցներն իրենց երբևէ թույլ չեն տալիս գրել մի կասկածելի բան, եթե այն կարող է վնասել թերթի վարկանիշին:

«Հայաստանում դա չի գործում, որովհետև նույն թերթը կարող է շատ լուրջ հաղորդագրություն տարածել և երկու էջ ներքևում տպել դեղնագույն, անվայել մի նյութ»,-ընդգծել է Արմինե Ադիբեկյանը:

Արցախում ռուսական խաղաղապահ զորախմբի մարդասիրական արձագանքման կենտրոնը շարունակում է քաղաքացիների ընդունելությունը: Ստեղծվել է «թեժ գիծ»՝ Արցախում հակամարտության մասնակիցների, անհայտ կորածների մասին տեղեկություններ հավաքելու համար: Տեղեկությունը հայտնում է Ռուսաստանի պաշտպանության նախարարությունը։

© Photo : Facebook / ԱՀ Արտակարգ իրավիճակների պետական ծառայություն

Ադրբեջանի փոխանցած 106 մարմիններն անճանաչելի են

«Նրանց որոնումն իրականացվում է ռուս խաղաղապահ զորախմբի զինծառայողների կողմից՝ Կարմիր խաչի միջազգային կոմիտեի, ադրբեջանական ու հայկական կողմերի ներկայացուցիչների հետ համագործակցությամբ։ Ընդհանուր առմամբ, օգնության համար քաղաքացիների ընդունելության կետ է դիմել շուրջ 2,5 հազար մարդ, այդ թվում 600 – ը՝ «թեժ գծի» հեռախոսով», - նշված է հաղորդագրության մեջ:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Քանի՞ ջոկատ է մասնակցում աճյունների որոնման աշխատանքներին