Ани Маджнунян

Հայտնի էքստրասենսի սպանության մեջ կասկածվողը չի ընդունում իր մեղքը

2019
Մուշեղ Մխիթարյանը, ով մեղադրվում է հայտնի էքստրասենս «Վեցերորդ զգայարան» հեռուստածրագրի մասնակից Անի Մաջնունյանի սպանության մեջ, չի ճանաչում իր նկատմամբ առաջադրված մեղադրանքը

ԵՐԵՎԱՆ, 10 օգոստոսի–Sputnik. Մուշեղ Մխիթարյանը, ով մեղադրվում է հայտնի էքստրասենս «Վեցերորդ զգայարան» հայտնի հեռուստածրագրի մասնակից Անի Մաջնունյանի սպանության մեջ, չի ընդունում իր նկատմամբ առաջադրված մեղադրանքը, հաղորդում է «Փաստինֆո» իրավական տեղեկատվության գործակալությունը։

Նախօրեին ՀՀ քննչական կոմիտեի մամուլի ծառայությունը տեղեկացրել էր, որ քննիչներին հաջողվել է պարզել Մաջնունյանի սպանության հանգամանքներն ու դրդապատճառները։ Ստացված ապացույցների հիման վրա Երևանի 20–ամյա բնակիչ Մուշեղ Մխիթարյանին առաջադրվել է մեղադրանք ՔՕ 104–րդ հոդվածի երկրորդ մասի ութերորդ կետի հատկանիշներով (սպանություն` զուգորդված թալանով)։

Դատարանն արդեն բավարարել է կասկածյալին կալանավորելու մասին քննիչի ներկայացրած միջնորդությունը։ «Վեցերորդ զգայարան» հայտնի շոուի մասնակից, 55–ամյա Անի Մաջնունյանին օգոստոսի 5–ին սեփական բնակարանում սպանված էին գտել։ Մաջնունյանի մարմնի վրա դատաբժշկական փորձագետները գտել էին 58 վնասվածք։

Սպանված կնոջ բնակարանը տակնուվրա էր արված, տարբեր կողմեր էին նետված կահույքի դարակները, հագուստը և այլ իրեր թափթփված էին սենյակով մեկ:

Մաջնունյանը հայտնի հիրոմանտ էր, գուշակ, զբաղվում էր այլընտրանքային բժշկությամբ։

Փաստի առթիվ Երևանի Աջափնյակ և Դավիթաշեն վարչական շրջանների քննչական բաժնում հարուցվել է քրեական գործ ՀՀ ՔՕ 104–րդ հոդվածի երկրորդ մասի ութերորդ կետի հատկանիշներով (սպանություն` զուգորդված թալանով)։

2019