Центр по ведению беременности и родов у женщин с сердечно-сосудистыми заболеваниями в ГКБ № 6 Челяюинска

Փորձագետ. Հայաստանն աշխարհում երրորդ տեղն է զբաղեցնում հղիության սելեկտիվ ընդհատման ցուցանիշով

90
(Թարմացված է 15:25 15.07.2015)
Այս խնդրի պատճառները շատ խորն են թաքնված քաղաքացիների մտածելակերպում, կարծում է ՄԱԿ–ի ազգաբնակչության հիմնադրամի հայկական գրասենյակի ներկայացուցիչ Գարիկ Հայրապետյանը։

ԵՐԵՎԱՆ, 15 հուլիսի– Sputnik. Հայաստանը Չինաստանից և Ադրբեջանից հետո աշխարհում երրորդ տեղն է զբաղեցնում հղիության սելեկտիվ ընդհատման ցուցանիշով, չորեքշաբթի լրագրողներին ասաց ՄԱԿ–ի ազգաբնակչության հիմնադրամի հայկական գրասենյակի ներկայացուցիչ Գարիկ Հայրապետյանը։

Նրա խոսքով` այս խնդիրը բավականին բարդ է, և դրա հետևանքները շատ տխուր կլինեն, քանի որ արդեն հիմա Հայաստանում նկատվում է մահացության բարձր մակարդակ։

«Այս խնդրի պատճառները շատ խորը թաքնված են քաղաքացիների մտածելակերպում», – նշեց Հայրապետյանը։

Փորձագետը նշեց, որ Հայաստանն այն քիչ երկրներից է, որտեղ այս խնդիրը քննարկվում է հասարակական մակարդակում։

«Մենք արդեն սկսել ենք ձեռնարկել իրական քայլեր և իրականացնում ենք կոնկրետ գործողություններ։ Միաժամանակ մեզ հաջողվել է դա անել երեք տարում, իսկ այլ երկրներում դրա համար պահանջվում է 15–20 տարի», – ասաց Հայրապետյանը։

ԱՎԾ–ի տվյալներով` Հայաստանում մահացության ցուցանիշը 2015 թ.–ի առաջին եռամսյակում, նախորդ տարվա նույն ժամանակահատվածի համեմատ, նվազել է 2,9 տոկոսով` կազմելով 7 հազար 708 դեպք` 7 հազար 940–ի դիմաց։

ՀՀ առողջապահության նախարարության տվյալներով` հանրապետությունում 100 նորածին աղջիկներին բաժին է հասնում 113 տղա, միաժամանակ նորման 100 աղջկա դիմաց 105–106 տղայի հարաբերակցությունն է։ Նախորդ տարի ծնվել է մոտ 21 000 աղջիկ և 22–23 հազար տղա։ Մասնագետները դա կապում են հղիության սելեկտիվ ընդհատումների հետ։

Մասնագետների կանխատեսումներով` Հայաստանում հղիության սելեկտիվ ընդհատման պատճառով մինչև 2060 թ.–ին կարող է չծնվել մոտ 93 հազար աղջիկ։

ՄԱԿ–ի ազգաբնակչության հիմնադրամի հայկական գրասենյակի անցկացրած նախորդ ուսումնասիրությունները ցույց են տալիս, որ 2006–2011 թ.–ին Հայաստանում մոտ 7200 կին հղիության սելեկտիվ ընդհատում է կատարել։

90
ԱԳՆ

ՀՀ քաղաքացիները հունիսի 1-ից կկարողանան Չինաստան մեկնել սովորական անձնագրով. ԱԳՆ

10
(Թարմացված է 12:39 30.05.2020)
Չինաստան ժամանելուց հետո Հայաստանի քաղաքացիները ստիպված կլինեն 14 օր մեկուսանալ սեփական միջոցների հաշվին։

ԵՐԵՎԱՆ, 30 մայիսի – Sputnik. Մայիսի 31-ին ավարտվում է «ՀՀ կառավարության և ՉԺՀ կառավարության միջև սովորական անձնագրեր կրող անձանց համար մուտքի արտոնագրի պահանջի փոխադարձության սկզբունքով վերացման մասին» համաձայնագրի ժամանակավոր կասեցման ժամկետը, և հունիսի 1-ից սովորական անձնագրեր կրող ՀՀ քաղաքացիները իրավունք կունենան առանց արտոնագրերի ձևակերպման մեկնել Չինաստան: Տեղեկությունը հայտնում է ՀՀ արտգործնախարարությունը։

Միևնույն ժամանակ ԱԳՆ-ն հորդորում է ՀՀ քաղաքացիներին Չինաստան այցելություն ծրագրել միայն խիստ անհետաձգելի դեպքերում:

«Այցելություն ծրագրելու պարագայում Չինաստան մեկնելուց առաջ ՀՀ քաղաքացիները պետք է լրացնեն համապատասխան հայտարարություն առողջական վիճակի վերաբերյալ, ինչպես նաև Չինաստան ժամանելուց հետո անցնեն պարտադիր 14-օրյա կարանտին հատկացված վայրում՝ սեփական միջոցների հաշվին»,– նշված է հաղորդագրության մեջ:

Հիշեցնենք, որ նոր տիպի կորոնավիրուսային համավարակով պայմանավորված` 2020թ. փետրվարի 1–ից մինչ մարտի 31–ը ժամանակավորապես կասեցվել էր «ՀՀ կառավարության և ՉԺՀ կառավարության միջև սովորական անձնագրեր կրող անձանց համար մուտքի արտոնագրի պահանջի փոխադարձության սկզբունքով վերացման մասին» համաձայնագրով սահմանված՝ ՀՀ մուտքի արտոնագրի պահանջի վերացումը Չինաստանի Ժողովրդական Հանրապետության սովորական անձնագրեր կրող անձանց համար։

Չինաստանից մեծ թվով բժշկական պարագաներ ու սարքավորումներ են բերվել

10
թեգերը:
ՀՀ Արտաքին գործերի նախարարություն. ԱԳՆ, Չինաստան, Հայաստան
Ըստ թեմայի
Ու՞մն է Արարատը. Չինաստանից ուղարկած օգնության վրա գրվածը Թուրքիայում աղմուկ է բարձրացել
Երբ կնահանջի COVID-19-ը. Չինաստանի առաջատար համաճարակաբանը խոսել է համավարակի մասին
«Չինաստանը վերահաստատել է, որ հայությունն ու Արարատը համարժեք բանաձևեր են». Մելքոնյան
ԱԻՆ աշխատակից

Սևանում տղամարդն ընկել է մոտ 4 մետր խորությամբ փոսը և մահացել

6
(Թարմացված է 12:23 30.05.2020)
Փրկարարները փոսից հանել են 73–ամյան Սերյոժա Վ․-ի դին և հանձնել շտապօգնության աշխատակիցներին։

ԵՐԵՎԱՆ, 30 մայիսի – Sputnik. Սևան քաղաքի Ցամաքաբերդ թաղամասում քաղաքացին ընկել է մոտ 4 մետր խորությամբ փոսի մեջ և մահացել։ Տեղեկությունը հայտնում է ՀՀ արտակարգ իրավիճակների նախարարությունը։

«Մայիսի 29-ին, ժամը 11։50-ին Ճգնաժամային կառավարման ազգային կենտրոնն ահազանգ է ստացել, որ Սևան քաղաքի Ցամաքաբերդ թաղամասում քաղաքացին ընկել է մոտ 4 մետր խորությամբ փոսը»,– նշված է հաղորդագրության մեջ։

Դեպքի վայր է մեկնել ԱԻՆ ՓԾ Գեղարքունիքի մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Արտակարգ դեպք Երևանում. սննդի կետը միտումնավո՞ր են հրկիզել

Պարզվել է, որ քաղաքացին ընկել է Սոս Մանուկյանի անվան փողոցի տներից մեկի բակի մոտ գտնվող փոսը։

Փրկարարները փոսից հանել են Սերյոժա Վ․-ի դին (ծնված 1947 թ) և հանձնել շտապօգնության աշխատակիցներին։

«Զվարթնոց» օդանավակայանի մոտակայքում շղթայական ավտովթար է տեղի ունեցել

6
թեգերը:
ՀՀ արտակարգ իրավիճակների նախարարություն (ԱԻՆ), Մահ, տղամարդ, Սևան, Հայաստան
թեմա:
Վթար, պատահար, սպանություն, գողություն
Ըստ թեմայի
Էջմիածնում «Lexus»-ը վրաերթի է ենթարկել տատին և 2 թոռներին. վարորդը փախել է
Վրաերթ Կոտայքի մարզում. 75-ամյա տղամարդը մահացել է
Արտառոց դեպք Արմավիրի մարզում. 14–ամյա աղջիկը նետվել է «կարմիր կամրջից»