Города мира. Тегеран

Կուրտով. Իրանը փորձում է ազատվել մեկուսացումից` անդամակցելով ՇՀԿ–ին

6
Իրանագետ Աջար Կուրտովի խոսքով, Իրանը փորձում է հարաբերություններ հաստատել ոչ միայն Մոսկվայի, այլ նաև Հնդկաստանի, Չինաստանի և Թուրքիայի հետ

ԵՐԵՎԱՆ, 10 հուլիսի – Sputnik. Իրանի` Շանհայի համագործակցության կազմակերպության անդամ դառնալու փորձերի նպատակն Արևմուտքի ստեղծած դիվանագիտության տարանջատումը խախտելն է, հայտնեց իրանագետ Աջար Կուրտովը «Sputnik-Արմենիա» ռադիոկայանին տված հարցազրույցում։

«Իրանի անդամակցության գործընթացին պաշտոնական առումով խոչընդոտել են Արևմուտքի պատժամիջոցները։ Ներկայում այդ պատժամիջոցները կարող են չեղյալ հայտարարվել։ Եթե նույնիսկ հանվի Իրանին զենքի մատակարարման արգելքը, կարծում եմ, որ ՇՀԿ–ին Իրանի անդամակցության գործընթացը կարագանա։ Թեև դա դժվար թե կատարվի այս գագաթնաժողովին»,– ասաց Կուրտովը։

Նա ընդգծեց, որ Իրանը հարաբերությունների կարգավորման առումով շեշտը չի դնում միայն Մոսկվայի վրա և փորձում է հարաբերություններ հաստատել Հնդկաստանի, Չինաստանի և Թուրքիայի հետ։

Փորձագետը նշեց, որ Իրանի լիարժեք անդամակցությունը, որը վաղուց ՇՀԿ–ում վաղուց դիտորդի կարգավիճակ ունի, մշտապես տարբեր պատճառներով հետաձգվում է։ Միաժամանակ, Ռուսաստանը հայտարարել է, որ Իրանի լիարժեզ անդամակցության հարցի հետ կապված ոչ մի խնդիր չի տեսնում։

Ամեն դեպքում, ռուս փորձագետի կարծիքով, չնայած ընդհանուր սահմանի բացակայությանը, ռուս–իրանական հարաբերությունները հաջող են զարգանում և

քաղաքական, և առևտրատնտեսական, և ռազմական ուղղություններով։

ՇՀԿ–ի կազմում վեց պետություններ են` Ռուսաստանը, Ղազախստանը, Չինաստանը, Ղրղզստանը, Տաջիկստանը և Ուզբեկստանը, նրանց բնակչության ընդհանուր թիվը Երկրի բնակչության քառորդ մասն է։ ՇՀԿ–ի ակունքները տանում են ռազմական համագործակություն, բայց ավելի ուշ Կազմակերպությունը նաև տնտեսական ազդակ ստացավ։

6