митинг на площади Свободы в Ереване

Ակտիվիստները կոչ են անում պայքարել Հայաստանի իշխանությունների դեմ

19
Քանի որ մենք պայքարել ենք հետևանքների հետ, այլ ոչ թե պատճառների, մեր շարժումը չէր կարող ավելի ծավալուն լինել։ Պետք է պայքարել ռեժիմի դեմ` որպես էլեկտրաէներգիայի թանկացման սկզբնապատճառի, հայտարարեց շարժման համակարգող խմբի անդամը

ԵՐԵՎԱՆ, հուլիսի 9– Sputnik. Էլեկտրաէներգիայի թանկացման դեմ համակարգող խմբի անդամ Գագիկ Եղիազարյանը հիգշաբթի Երևանի Ազատության հրապարակում ընթացող հանրահավաքում կոչ արեց պայքարել Հայաստանի իշխանությունների դեմ, հաղորդում է Sputnik–ի թղթակիցը։

Երևանի Ազատության հրապարակում հավաքվել է շուրջ հարյուր մարդ, որտեղ պետք է տեղի ունենա «Լուսավորիչ հանրահավաք»։

Ավելի վաղ ցուցարարները հանդես չեն եկել քաղաքական հայտարարություններով, հայտարարելով, որ նրանց պահանջները կրում են բացառապես սոցիալական բնույթ։

«Քանի որ մենք պայքարել ենք հետևանքների, այլ ոչ թե պատճառների դեմ, մեր շարժումը չէր կարող ավելի ծավալուն լինել։ Պետք է պայքարել ռեժիմի դեմ` որպես էլեկտրաէներգիայի թանկացման սկզբնապատճառի»,– հայտարարեց էլեկտրաէներգիայի թանկացման դեմ շարժման համակարգող խմբի անդամ Գագիկ Եղիազարյանը։

Ակտիվիստը նշեց, որ «Ո՛չ թալանին» շարժման փոխարեն պետք է ստեղծել նոր նախաձեռնություն` «Ո՛չ թալանչիներին», որի նպատակը կդառնա գործող իշխանության դեմ պայքարը և տարբեր ցավոտ հարցերի լուծումը։

Առաջին շարքերում հավաքվածներն աջակցեցին Եղիազարյանին հավանության գոչերով, հանրահավաքի մնացած մասնակիցները պասիվ են և չարձագանքեցին Եղիազարյանի ելույթին։

Հունիսի կեսին Հայաստանի հանրային ծառայությունները կարգավորող հանձնաժողովը որոշում ընդունեց 16 տոկոսով բարձրացնել էլեկտրաէներգիայի սակագինը, ընդ որում «Հայաստանի էլեկտրական ցանցեր» ընկերությունն իր հայտում մտադիր էր սակագինը բարձրացնել 40,8 տոկոսով։ Այս ամենը հանգեցրեց բողոքի ակցիայի, որը սկսվեց Երևանում հունիսի 19–ին և հունիսի 22–ին վերածվեց քայլերթի դեպի նախագահի նստավայր` Մարշալ Բաղրամյան պողոտա։

Հունիսի 23–ի գիշերը ոստիկանները հատուկ տեխնիկայի կիրառմամբ ցրեցին ցուցարարներին։ Ոստիկանական բաժանմունքներ տեղափոխվեց գրեթե 240 մարդ, այդ թվում` լրագրողներ։ 25 մարդ դիմեց բուժօգնության։

Օրերս հայկական իշխանություններն առաջարկեցին իրականացնել «Հայաստանի էլեկտրական ցանցեր» ընկերության աուդիտ, իսկ այդ ժամանակահատվածում իշխանությունները կսուբսիդավորեն բարձրացված սակագները։ Դրանից հետո ցուցարարների շարքերը պառակտվեցին, նրանց մի մասը հայտարարեց, որ պատրաստ է դադարեցնել ակցիաները։ Իսկ ցուցարարների մյուս մասը մնաց Բաղրամյան պողոտայում` մեղադրելով առաջին խմբին դավաճանության մեջ։

19