ԵՐԵՎԱՆ, 21 նոյեմբերի — Sputnik, Արման Վանեսքեհյան. Հայկական զորքերի հետախուզության համար ամենամեծ հետաքրքրությունը ներկայացնում էին Նախիջևանի զորավարժությունները, քանի որ այնտեղի տեխնիկան, ի տարբերություն Արցախի սահմանի մոտինի, դեռ նոր պետք է ուսումնասիրվի ու դասակարգվի։
Այդ առումով՝ այն, ինչ տեղի էր ունենում Նախիջևանի զորավարժարաններում, հայկական կողմի համար շատ օգտակար տեղեկություն էր։
Մեր հարևանները ռազմական տեխնիկայից շատ նմուշներ ցուցադրեցին։ Զորավարժանքներին զրահատեխնիկա էր հանվել (այդ թվում՝ տանկեր Տ – 72, ԲՄՊ – 2, ՄՏԼԲ ԶՈւ-23-2Ճ ու հրետանի (Գիացինտ-Բ–152 մմ, Դ – 30 թնդանոթներ և այլն)։
Երկնքում նկատվել են ինչպես ռազմական ինքնաթիռներ (Սու – 25 «Գրաչ»), այնպես էլ բանակային ուղղաթիռներ Մի 24/35։ Ցուցադրվել են նաև զանազան հրթիռային համալիրներ։ Նաև «Գրադ» ու «Սմերչ» հրթիռային համալիրներ…
Մի խոսքով` շատ բան էր դուրս բերվել Նախիջևանի զորավարժարաններ, բայց ակնհայտ է, որ դա ամենը չէր։ Ընդ որում` դուրս էին բերվել, մասնագետների պնդմամբ, հիմնականում, հին բաներ, որոնք ադրբեջանական բանակը ուղղակի ի ցույց էր դրել։
Ինչևիցե, թվարկած տեխնիկան մասնակցել է ռազմավարական կարևոր բարձունքների գրավման ուսումնամարտական գործողությանը։ Այսինքն` կողմնակի դիտորդներին ցուցադրվել է, այսպես ասած, գործի մեջ։
Իրականում` ռազմաուսումնական զորավարժանքներն Նախիջևանում բավականին հաճախ են անցկացվում, ընդ որում՝ նաև այնպես է եղել, որ զորավարժանքները թուրքական բանակի ստորաբաժանումների հետ համատեղ են անցկացվել։ Հավանաբար, ադրբեջանական կողմը Նախիջևանն իր սահմանային պաշտպանության թույլ կողմերից է համարում, քանի որ դրա հետ ընդհանուր սահման չունի։
Իհարկե, Թուրքիայի հետ սահմանը կա, սակայն այն փոքր է՝ մոտ 5–10 կիլոմետր։ Դրա համար էլ «հարևաններն» անհանգստանում են…
