https://arm.sputniknews.ru/20240425/verj-zijumnerin-hh-karavarutjan-shenqi-mvot-bvoghvoqi-akcia-e-74999585.html
Վե՛րջ զիջումներին. ՀՀ կառավարության շենքի մոտ բողոքի ակցիա է
Վե՛րջ զիջումներին. ՀՀ կառավարության շենքի մոտ բողոքի ակցիա է
Sputnik Արմենիա
Ակցիայի մասնակիցները վստահ են, որ ՀՀ իշխանությունը բանակցությունների անվան տակ այժմ հայ ժողովրդի շահերից չբխող որոշումներ է կայացնում։ 25.04.2024, Sputnik Արմենիա
2024-04-25T13:25+0400
2024-04-25T13:25+0400
2024-04-25T13:30+0400
վահագն չախալյան
հհ կառավարություն
բողոքի ակցիա
տավուշ
դելիմիտացիա
հայաստան
հայ-ադրբեջանական
ադրբեջան
https://cdn.am.sputniknews.ru/img/07e8/04/16/74853264_0:0:1600:901_1920x0_80_0_0_84ed2e9fcd6bf150e237411700aeefbc.jpg
ԵՐԵՎԱՆ, 25 ապրիլի – Sputnik. Հասարակական գործիչ Վահագն Չախալյանի նախաձեռնած «Կամք» շարժման անդամները բողոքի ակցիա են անում ՀՀ կառավարության շենքի դիմաց։ Նրանք պահանջում են վերջ տալ Տավուշի մարզում զիջումներին։Նրա խոսքով` հայ ժողովրդի խնդիրն այն է, որ այժմ չկա համախմբում, ինչից էլ օգտվում է ՀՀ վարչապետ Նիկոլ Փաշինյանը։Չախալյանն ընդգծեց, որ ՀՀ իշխանությունը բանակցությունների անվան տակ այժմ հայ ժողովրդի շահերից չբխող որոշումներ է կայացնում։ Նա վստահ է, որ Փաշինյանը անկեղծ չէ ժողովրդի հետ։«Ասեմ ավելին` Ալիևն այժմ հայ ժողովրդիի հետ ավելի ազնիվ է, բացահայտ ասում են` ինչ են ուզում»,–ասաց նա։Նշենք, որ ակցիայի ընթացքում կառավարության շենքից դուրս եկավ ՀՀ ՄԻՊ Անահիտ Մանասյանը։ Ակցիայի մասնակիցները նրան տեսնելով` սկսեցին վանկարկել «ամոթ», քանզի նա ոչ թե ժողովրդի շահերն է պաշտպանում, այլ ՀՀ իշխանության։Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:Տավուշի սահմանամերձ գյուղերի բնակիչներն ապրիլի 19-ից բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։Ապրիլի 23-ին, սակայն, ՀՀ վարչապետ Նիկոլ Փաշինյանը ֆեյսբուքյան էջում մի լուսանկար հրապարակեց` նշելով, որ Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը։
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
վահագն չախալյան, հհ կառավարություն, բողոքի ակցիա, տավուշ, դելիմիտացիա, հայաստան, հայ-ադրբեջանական, ադրբեջան
վահագն չախալյան, հհ կառավարություն, բողոքի ակցիա, տավուշ, դելիմիտացիա, հայաստան, հայ-ադրբեջանական, ադրբեջան
Վե՛րջ զիջումներին. ՀՀ կառավարության շենքի մոտ բողոքի ակցիա է
13:25 25.04.2024 (Թարմացված է: 13:30 25.04.2024) Ակցիայի մասնակիցները վստահ են, որ ՀՀ իշխանությունը բանակցությունների անվան տակ այժմ հայ ժողովրդի շահերից չբխող որոշումներ է կայացնում։
ԵՐԵՎԱՆ, 25 ապրիլի – Sputnik. Հասարակական գործիչ Վահագն Չախալյանի նախաձեռնած «Կամք» շարժման անդամները բողոքի ակցիա են անում ՀՀ կառավարության շենքի դիմաց։ Նրանք պահանջում են վերջ տալ Տավուշի մարզում զիջումներին։
«Մենք այսօր պայքարում ենք, որ Հայաստանի ներկայիս իշխանություններն Արցախը հանձնելուց հետո չգնան տարածքային նոր զիջումների` հիմա էլ Տավուշում»,–ասաց Չախալյանը։
Նրա խոսքով` հայ ժողովրդի խնդիրն այն է, որ այժմ չկա համախմբում, ինչից էլ օգտվում է ՀՀ վարչապետ Նիկոլ Փաշինյանը։
Չախալյանն ընդգծեց, որ ՀՀ իշխանությունը բանակցությունների անվան տակ այժմ հայ ժողովրդի շահերից չբխող որոշումներ է կայացնում։ Նա վստահ է, որ Փաշինյանը անկեղծ չէ ժողովրդի հետ։
«Ասեմ ավելին` Ալիևն այժմ հայ ժողովրդիի հետ ավելի ազնիվ է, բացահայտ ասում են` ինչ են ուզում»,–ասաց նա։
Նշենք, որ ակցիայի ընթացքում կառավարության շենքից դուրս եկավ ՀՀ ՄԻՊ Անահիտ Մանասյանը։ Ակցիայի մասնակիցները նրան տեսնելով` սկսեցին վանկարկել «ամոթ», քանզի նա ոչ թե ժողովրդի շահերն է պաշտպանում, այլ ՀՀ իշխանության։
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին
պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:
ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:
Տավուշի սահմանամերձ գյուղերի բնակիչներն ապրիլի 19-ից
բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
Ապրիլի 23-ին, սակայն, ՀՀ վարչապետ Նիկոլ Փաշինյանը
ֆեյսբուքյան էջում մի լուսանկար հրապարակեց` նշելով, որ Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը։
