https://arm.sputniknews.ru/20240424/pvordzelu-enq-mer-mandati-shrjanakum-lutsum-gtnel-mipy-davit-tvonvojani-masin-74941686.html

Փորձելու ենք մեր մանդատի շրջանակում լուծում գտնել. ՄԻՊ–ը` Դավիթ Տոնոյանի մասին

Փորձելու ենք մեր մանդատի շրջանակում լուծում գտնել. ՄԻՊ–ը` Դավիթ Տոնոյանի մասին

Sputnik Արմենիա

Անահիտ Մանասյանը ՀՀ պաշտպանության նախկին նախարարի հետ զրույցի մանրամասները չներկայացրեց` նշելով, որ այն խորհրդապահական նշանակություն ունի։ 24.04.2024, Sputnik Արմենիա

2024-04-24T12:22+0400

2024-04-24T12:22+0400

2024-04-24T12:27+0400

հայաստան

դավիթ տոնոյան

անահիտ մանասյան

https://cdn.am.sputniknews.ru/img/07e6/06/06/42926037_0:0:1600:901_1920x0_80_0_0_60c3c442ba6e303d67c7c55778876832.jpg

ԵՐԵՎԱՆ, 24 ապրիլի – Sputnik. ՀՀ մարդու իրավունքների պաշտպանը չի կարող միջամտել պաշտպանության նախկին նախարար Դավիթ Տոնոյանի դատավարությանը, բայց մանդատի շրջանակում ամեն ինչ անելու է նրա բարձրացրած խնդիրները լուծելու համար։ ՄԻՊ Անահիտ Մանասյանն այս մասին ասաց Ծիծեռնակաբերդի հուշահամալիրում` պատասխանելով լրագրողների հարցերին։Ավելի վաղ հայտնել էինք, որ Մանասյանն այցելել է «Երևան-Կենտրոն» քրեակատարողական հիմնարկ՝ պաշտպանության նախկին նախարար Դավիթ Տոնոյանին տեսակցելու նպատակով:Մանասյանը պատրաստվում է ստացված տեղեկություններն ամբողջականացնել ու ոչ միայն հետազոտություն անցկացնել, այլև ՄԻՊ գործիքակազմով իրենց մանդատի շրջանակում խնդիրները պատշաճ հասցեավորել և փորձել դրանց լուծումներ գտնել։Հիշեցնենք` 2021-ի սեպտեմբերի 30-ին ԱԱԾ-ն հայտնեց, որ Դավիթ Տոնոյանն ու զենքի մատակարարմամբ զբաղվող Դավիթ Գալստյանը ձերբակալվել են առանձնապես խոշոր չափերի հափշտակություն կատարելու կասկածանքով։Նույն օրը ևեթ Տոնոյանն ու Գալստյանը կալանավորվեցին։Այս գործով մեղադրանք է առաջադրվել նաև ԳՇ նախկին պետ Արտակ Դավթյանին, ԳՇ պետի նախկին տեղակալ Ստեփան Գալստյանին, ՀՀ ՊՆ ավիացիայի վարչության ավիացիոն տեխնիկական ունեցվածքի ծառայության պետ Արտյոմ Համբարյանին և ավիացիայի վարչության գլխավոր ինժեներ Վլադիմիր Բաբայանին:Ստեփան Գալստյանը 2023 թվականի դեկտեմբերին ազատ արձակվեց 25 մլն դրամ գրավի դիմաց։

2024

Լուրեր

am_HY

հայաստան, դավիթ տոնոյան, անահիտ մանասյան