https://arm.sputniknews.ru/20240423/tvogh-skzbum-baqun-durs-ga-jermuki-takic-ynddimadir-patgamavvory-sahmanazatman-masin-74889401.html
Թող սկզբում Բաքուն դուրս գա Ջերմուկի տակից. ընդդիմադիր պատգամավորը` սահմանազատման մասին
Թող սկզբում Բաքուն դուրս գա Ջերմուկի տակից. ընդդիմադիր պատգամավորը` սահմանազատման մասին
Sputnik Արմենիա
Ադրբեջանի հսկողության տակ ավելի շատ հայկական տարածք կա, քան այն, որը Բաքուն պահանջում է հանձնել իրեն։ 23.04.2024, Sputnik Արմենիա
2024-04-23T15:15+0400
2024-04-23T15:15+0400
2024-04-23T16:15+0400
արթուր խաչատրյան
պատգամավոր
աժ (ազգային ժողով)
դելիմիտացիա
https://cdn.am.sputniknews.ru/img/07e7/09/0b/65625573_0:64:1600:964_1920x0_80_0_0_bf6fe65511672aeac176e949636a3c0b.jpg
ԵՐԵՎԱՆ, 23 ապրիլի – Sputnik. ՀՀ ԱԺ ընդդիմադիր «Հայաստան» խմբակցության պատգամավոր Արթուր Խաչատրյանը կոչ է արել իշխանություններին սահմանազատման շրջանակներում Ադրբեջանից պահանջել վերադարձնել Հայաստանի գրավված ինքնիշխան տարածքները։ՀՀ ԱԺ արտաքին հարաբերությունների հանձնաժողովի նիստում քաղաքական գործիչը հիշեցրեց, որ Ադրբեջանն ավելի շատ հայկական տարածք է օկուպացրել, քան այն, ինչ պահանջում է Հայաստանից: Շեշտեց` պետք է Բաքվից պահանջել հայելային հեռանալ Տավուշի, այդ թվում` Ջողազի ջրամբարից հյուսիս ընկած հատվածներից, հեռանալ Ջերմուկի տակից։ Ըստ Խաչատրյանի` միայն այսպես պետք է գնալ սահմանազատման, այլ ոչ թե ուժային ճնշման տակ տարածքներ զիջել Ադրբեջանին։Ընդդիմադիր պատգամավորի խոսքով` ադրբեջանական ԶՈւ–ն Հայաստանում ավելի քան 200 ք/կմ տարածք է օկուպացրել և այդ տարածքները առաջնային կարգով վերադարձնելու պահանջով հանդես գալու փոխարեն Հայաստանը միակողմանի զիջումների է գնում։Հայաստանի Հանրապետությունն այնքան է, որքան իր զինվորը կարող է կանգնել․ Բագրատ սրբազանՀարակից զեկուցող, ՔՊ–ական պատգամավոր Մարիա Կարապետյանն էլ շեշտեց, որ ՀՀ–ն ունի պետական սահման` 29 743 ք/կմ տարածքով, որից 208 ք/կմ-ն Ադրբեջանն օկուպացրել է ու պետք է վերադարձնի։ Կարապետյանը նշեց, որ հենց նմանատիպ դիրքորոշմամբ պետք է գնահատվեն բոլոր առաջարկներն ու շեշտեց` պետք է դեմ քվեարկել նախագիծը լիագումար նիստ ուղարկելու առաջարկին։«Հայաստան» խմբակցության պատգամավոր Գեղամ Մանուկյանն էլ փորձեց հասկանալ` ինչպես է սահմանազատում իրականացվում երկրում, եթե մինչ օրս Հայաստանի և Ադրբեջանի միջև այդ փաստաթուղթը չի ստորագրվել։ Նա ընդգծեց, որ առհասարակ երկու երկրի միջև սահմանազատում և սահմանագծում իրականացվում է փաստաթղթի ստորագրումից 2 ամիս անց։Մարիա Կարապետյանն ի պատասխան Մանուկյանի հարցերի` մեջբերումներ արեց սահմանազատման և սահմանագծման վերաբերյալ պաշտոնական հաղորդագրությունից։Գեղամ Մանուկյանը շեշտեց` աշխարհում չկա մի երկիր ու նման խելագար կառավարություն, որ օկուպացված տարածքներ ունենա ու սեփական ժողովրդին պատերազմով վախեցնի։Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:Տավուշի սահմանամերձ գյուղերի բնակիչներն ապրիլի 19-ից բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
արթուր խաչատրյան, պատգամավոր, աժ (ազգային ժողով), դելիմիտացիա
արթուր խաչատրյան, պատգամավոր, աժ (ազգային ժողով), դելիմիտացիա
Թող սկզբում Բաքուն դուրս գա Ջերմուկի տակից. ընդդիմադիր պատգամավորը` սահմանազատման մասին
15:15 23.04.2024 (Թարմացված է: 16:15 23.04.2024) Ադրբեջանի հսկողության տակ ավելի շատ հայկական տարածք կա, քան այն, որը Բաքուն պահանջում է հանձնել իրեն։
ԵՐԵՎԱՆ, 23 ապրիլի – Sputnik. ՀՀ ԱԺ ընդդիմադիր «Հայաստան» խմբակցության պատգամավոր Արթուր Խաչատրյանը կոչ է արել իշխանություններին սահմանազատման շրջանակներում Ադրբեջանից պահանջել վերադարձնել Հայաստանի գրավված ինքնիշխան տարածքները։
ՀՀ ԱԺ արտաքին հարաբերությունների հանձնաժողովի նիստում քաղաքական գործիչը հիշեցրեց, որ Ադրբեջանն ավելի շատ հայկական տարածք է օկուպացրել, քան այն, ինչ պահանջում է Հայաստանից: Շեշտեց` պետք է Բաքվից պահանջել հայելային հեռանալ Տավուշի, այդ թվում` Ջողազի ջրամբարից հյուսիս ընկած հատվածներից, հեռանալ Ջերմուկի տակից։ Ըստ Խաչատրյանի` միայն այսպես պետք է գնալ սահմանազատման, այլ ոչ թե ուժային ճնշման տակ տարածքներ զիջել Ադրբեջանին։
Ընդդիմադիր պատգամավորի խոսքով` ադրբեջանական ԶՈւ–ն Հայաստանում ավելի քան 200 ք/կմ տարածք է օկուպացրել և այդ տարածքները առաջնային կարգով վերադարձնելու պահանջով հանդես գալու փոխարեն Հայաստանը միակողմանի զիջումների է գնում։
Հարակից զեկուցող, ՔՊ–ական պատգամավոր Մարիա Կարապետյանն էլ շեշտեց, որ ՀՀ–ն ունի պետական սահման` 29 743 ք/կմ տարածքով, որից 208 ք/կմ-ն Ադրբեջանն օկուպացրել է ու պետք է վերադարձնի։ Կարապետյանը նշեց, որ հենց նմանատիպ դիրքորոշմամբ պետք է գնահատվեն բոլոր առաջարկներն ու շեշտեց` պետք է դեմ քվեարկել նախագիծը լիագումար նիստ ուղարկելու առաջարկին։
«Հայաստան» խմբակցության պատգամավոր Գեղամ Մանուկյանն էլ փորձեց հասկանալ` ինչպես է սահմանազատում իրականացվում երկրում, եթե մինչ օրս Հայաստանի և Ադրբեջանի միջև այդ փաստաթուղթը չի ստորագրվել։ Նա ընդգծեց, որ առհասարակ երկու երկրի միջև սահմանազատում և սահմանագծում իրականացվում է փաստաթղթի ստորագրումից 2 ամիս անց։
Մարիա Կարապետյանն ի պատասխան Մանուկյանի հարցերի` մեջբերումներ արեց սահմանազատման և սահմանագծման վերաբերյալ պաշտոնական հաղորդագրությունից։
«Եթե հետագայում Հայաստանի և Ադրբեջանի միջև խաղաղության և միջպետական հարաբերությունների հաստատման մասին համաձայնագրով կնախատեսվեն այլ կարգավորումներ, ապա կանոնակարգի համապատասխան դրույթները կհամապատասխանեցվեն տվյալ համաձայնագրով սահմանված դրույթներին։ Այսինքն` եթե կնքվի այդ համաձայնագիրը, ինչի հույսը մենք ունենք, այն ավելի բարձր իրավաբանական ուժ կունենա, հետևաբար ստորադաս համաձայնագրերը պետք է համապատասխանեցվեն դրան։ Միևնույն ժամանակ նշվում է, որ կողմերը համաձայնել են նաև, որ մինչև սահմանազատման գործընթացի ամբողջական ավարտն արձանագրությունում նշված սահմանագծի հատվածները կհամարվեն սահմանազատված։ Այսինքն` այսօր կատարված աշխատանքը ջուրը չի նետվի»,– նշեց Կարապետյանը։
Գեղամ Մանուկյանը շեշտեց` աշխարհում չկա մի երկիր ու նման խելագար կառավարություն, որ օկուպացված տարածքներ ունենա ու սեփական ժողովրդին պատերազմով վախեցնի։
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին
պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:
ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:
Տավուշի սահմանամերձ գյուղերի բնակիչներն ապրիլի 19-ից
բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
