https://arm.sputniknews.ru/20240322/emn-navalnii-mahvan-arnchutjamb-patzhamijvocner-e-sahmanel-pashtvonakan-73708217.html
ԵՄ–ն Նավալնիի մահվան առնչությամբ պատժամիջոցներ է սահմանել. պաշտոնական
ԵՄ–ն Նավալնիի մահվան առնչությամբ պատժամիջոցներ է սահմանել. պաշտոնական
Sputnik Արմենիա
Պատժամիջոցների տակ են հայտնվել այն ՔԿՀ–ները, որտեղ պահվել է Նավալնին։ 22.03.2024, Sputnik Արմենիա
2024-03-22T17:48+0400
2024-03-22T17:48+0400
2024-03-22T17:52+0400
եվրամիություն
ալեքսեյ նավալնի
պատժամիջոցներ
https://cdn.am.sputniknews.ru/img/07e5/02/0a/26398207_0:0:1601:901_1920x0_80_0_0_d84f578f012e78b78a253bc1b2bd33f2.jpg
ԵՐԵՎԱՆ, 22 մարտի – Sputnik. Եվրամիությունը շրջանառության մեջ է դրել անհատական պատժամիջոցներ` կապված Ալեքսեյ Նավալնիի մահվան հետ։ Այս մասին ասված է ԵՄ պաշտոնական ամսագրում հրապարակված փաստաթղթում։Նախատեսվում են հետևյալ սահմանափակումները` ֆիզիկական անձանց ուղևորությունների արգելք դեպի ԵՄ երկրներ, ինչպես նաև եվրոպական տարածքում ֆիզանձանց և կազմակերպությունների բոլոր ակտիվների սառեցում:Նոր ցուցակներն ընդգրկվել են եվրոպական պատժամիջոցների ռեժիմում`«աշխարհում մարդու իրավունքների լուրջ խախտումների համար»։ Եվրոպական բարձրաստիճան աղբյուրն ավելի վաղ լրագրողներին հայտնել էր, որ ԵՄ-ն առաջիկայում կարող է հատուկ նոր պատժամիջոցների ռեժիմ ստեղծել Ռուսաստանում մարդու իրավունքների խախտումների համար, որը կկրի Նավալնիի անունը:Ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել էր, որ Մոսկվան Նավալնու մահվան մասին արևմտյան քաղաքական գործիչների հայտարարությունները մերկապարանոց և անթույլատրելի է համարում:Հիշեցնենք` ՌԴ Պատիժների կատարման դաշնային ծառայության Յամալի վարչության տվյալներով՝ փետրվարի 16-ին զբոսանքից հետո Նավալնին վատ է զգացել, կորցրել է գիտակցությունը և մահացել: Նախնական տվյալներով՝ թրոմբ է պոկվել, մահվան ստույգ պատճառները պարզվում են:Լաբիտնանգի քաղաքային հիվանդանոցից ՌԻԱ Նովոստիին հայտնել են, որ 9 րոպեում տեղ հասած շտապօգնության բժիշկներն ավելի քան կես ժամ ապարդյուն փորձել են վերակենդանացնել Նավալնուն: Փաստի առթիվ նախաքննական ստուգում է սկսվել։Նավալնին բանտարկվել էր 2021 թվականին, երբ «Իվ Ռոշեի» գործով նրա պայմանական պատիժը փոխարինվել էր իրական ազատազրկմամբ՝ պայմանական դատապարտման ռեժիմի խախտումների պատճառով։ Այլ քրեական հոդվածներով մի քանի դատավարություններից հետո, այդ թվում՝ ծայրահեղական համայնքի ստեղծում, խարդախություն և դատարանի նկատմամբ անհարգալից վերաբերմունք (վիրավորել էր դատավորին, որը դատում էր նրան պատերազմի վետերանին զրպարտելու համար), բանտարկության վերջնական ժամկետը հասել էր 19 տարվա (հատուկ ռեժիմի գաղութում)։Ալեքսեյ Նավալնուն հուղարկավորել են Մոսկվայի Բորիսովյան գերեզմանատանը
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
եվրամիություն, ալեքսեյ նավալնի, պատժամիջոցներ
եվրամիություն, ալեքսեյ նավալնի, պատժամիջոցներ
ԵՄ–ն Նավալնիի մահվան առնչությամբ պատժամիջոցներ է սահմանել. պաշտոնական
17:48 22.03.2024 (Թարմացված է: 17:52 22.03.2024) Պատժամիջոցների տակ են հայտնվել այն ՔԿՀ–ները, որտեղ պահվել է Նավալնին։
ԵՐԵՎԱՆ, 22 մարտի – Sputnik. Եվրամիությունը շրջանառության մեջ է դրել անհատական պատժամիջոցներ` կապված Ալեքսեյ Նավալնիի մահվան հետ։ Այս մասին ասված է ԵՄ պաշտոնական ամսագրում հրապարակված փաստաթղթում։
Նախատեսվում են հետևյալ սահմանափակումները` ֆիզիկական անձանց ուղևորությունների արգելք դեպի ԵՄ երկրներ, ինչպես նաև եվրոպական տարածքում ֆիզանձանց և կազմակերպությունների բոլոր ակտիվների սառեցում:
Փաստաթղթից հետևում է, որ պատժամիջոցների տակ է հայտնվել 2 կազմակերպություն՝ ԻԿ-3 և ԻԿ-6 ուղղիչ գաղութները (որտեղ պահվել է Ալեքսեյ Նավալնին. խմբ.), ինչպես նաև ավելի քան 30 ֆիզանձինք` ներառյալ դատավորական կորպուսի և գաղութների ղեկավարության ներկայացուցիչները:
Նոր ցուցակներն ընդգրկվել են եվրոպական պատժամիջոցների ռեժիմում`«աշխարհում մարդու իրավունքների լուրջ խախտումների համար»։ Եվրոպական բարձրաստիճան աղբյուրն ավելի վաղ լրագրողներին հայտնել էր, որ ԵՄ-ն առաջիկայում կարող է հատուկ նոր պատժամիջոցների ռեժիմ ստեղծել Ռուսաստանում մարդու իրավունքների խախտումների համար, որը կկրի Նավալնիի անունը:
Ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել էր, որ Մոսկվան Նավալնու մահվան մասին արևմտյան քաղաքական գործիչների հայտարարությունները մերկապարանոց և անթույլատրելի է համարում:
Հիշեցնենք` ՌԴ Պատիժների կատարման դաշնային ծառայության Յամալի վարչության տվյալներով՝ փետրվարի 16-ին զբոսանքից հետո Նավալնին վատ է զգացել, կորցրել է գիտակցությունը և մահացել: Նախնական տվյալներով՝ թրոմբ է պոկվել, մահվան ստույգ պատճառները պարզվում են:
Լաբիտնանգի քաղաքային հիվանդանոցից
ՌԻԱ Նովոստիին հայտնել են, որ 9 րոպեում տեղ հասած շտապօգնության բժիշկներն ավելի քան կես ժամ ապարդյուն փորձել են վերակենդանացնել Նավալնուն: Փաստի առթիվ նախաքննական ստուգում է սկսվել։
Նավալնին բանտարկվել էր 2021 թվականին, երբ «Իվ Ռոշեի» գործով նրա պայմանական պատիժը փոխարինվել էր իրական ազատազրկմամբ՝ պայմանական դատապարտման ռեժիմի խախտումների պատճառով։ Այլ քրեական հոդվածներով մի քանի դատավարություններից հետո, այդ թվում՝ ծայրահեղական համայնքի ստեղծում, խարդախություն և դատարանի նկատմամբ անհարգալից վերաբերմունք (վիրավորել էր դատավորին, որը դատում էր նրան պատերազմի վետերանին զրպարտելու համար), բանտարկության վերջնական ժամկետը հասել էր 19 տարվա (հատուկ ռեժիմի գաղութում)։
