https://arm.sputniknews.ru/20240314/ejmiatsni-qaghaqapeti-skesuri-tneri-biznesi-gvortsvov-nvor-qreakan-varujt-e-nakhadzernvel-73351258.html
Էջմիածնի քաղաքապետի սկեսուրի «տների բիզնեսի գործով» նոր քրեական վարույթ է նախաձեռնվել. ԶԼՄ
Էջմիածնի քաղաքապետի սկեսուրի «տների բիզնեսի գործով» նոր քրեական վարույթ է նախաձեռնվել. ԶԼՄ
Sputnik Արմենիա
Դիանա Գասպարյանը հարցաքննվել է ապօրինի շինարարության գործով քրեական վարույթի շրջանակում։ 14.03.2024, Sputnik Արմենիա
2024-03-14T10:42+0400
2024-03-14T10:42+0400
2024-03-14T10:42+0400
հայաստան
դիանա գասպարյան
քրեական գործ
https://cdn.am.sputniknews.ru/img/1391/90/13919023_0:83:1601:983_1920x0_80_0_0_6fcbff4ad60b5f2cb41b3bd3db6b42f6.jpg
ԵՐԵՎԱՆ, 14 մարտի – Sputnik. ՀՀ Արմավիրի մարզի Վաղարշապատի համայնքապետ Դիանա Գասպարյանի սկեսուրի «տների բիզնեսի գործով» նոր քրեական վարույթ է նախաձեռնվել։ Տեղեկությունը հայտնում է «Հետքը»։Կոռուպցիայի կանխարգելման հանձնաժողովը, ուսումնասիրելով «Հետքի» «Դիանա Գասպարյանի սկեսուրն Էջմիածնում ապօրինի շինարարություն է սկսել» հոդվածը, նյութերն ուղարկել է գլխավոր դատախազություն, որի հիման վրա նախաձեռնվել է քրեական վարույթ և միացվել ավելի վաղ հարուցված քրեական վարույթին։Հակակոռուպցիոն կոմիտեում քննվում է պաշտոնատար անձի կողմից իշխանական կամ ծառայողական լիազորությունները չարաշահելու, ինչպես նաև հայտարարագրում կեղծ տվյալներ ներկայացնելու կամ տվյալները թաքցնելու դրվագներով նախաձեռնված քրեական վարույթը:Ավելի վաղ կայքը գրել էր, որ Դիանա Գասպարյանի ամուսնու ընտանիքն Էջմիածնում առանձնատների կառուցման բիզնես է սկսել։ Այդ նպատակով գործընկերների օգնությամբ ձեռք է բերվել համայնքային հողատարածք, և, չսպասելով թույլտվություններին, հողային և բետոնացման աշխատանքներ են կատարվել։Առուշ Առուշանյանը դիմում է ներկայացրել ՔՊ–ին անդամակցելու համար. ԶԼՄ«Նարե Պլյուս» ՍՊԸ-ին (միակ սեփականատերը Դիանա Գասպարյանի ամուսնու` ավագանու անդամ Արամայիս Միրզոյանի մայրն է) շինարարության 20 թույլտվություն է տրվել բնակելի տներ կառուցելու համար: Հողամասի ընդհանուր մակերեսը կազմում է մոտ 1,2 հեկտար, որը բաժանված է 59 առանձին հողամասերի:Վաղարշապատի ավագանին 2022թ. հունիսի 24-ին արտահերթ նիստով որոշել է կառուցապատման նպատակով աճուրդի հանել վաճառել 0.9 հա մակերեսով համայնքային սեփականությունը։ Մեկնարկային գինը սահմանվել է 51 մլն 975 հազար դրամ (1 քմ` 5775 դրամ)։ Վաճառքն իրականացրել է համայնքապետարանի աճուրդային հանձնաժողովը:Աճուրդի միակ մասնակիցը եղել է Արմավիրի մարզի Արաքս համայնքի ավագանու անդամ Շահեն Շահինյանը, որն էլ շահել է: Դրանից հետո համայնքից գնված հողի սեփականատեր է դարձել Դիանա Գասպարյանի ամուսնու մայրը:Վաղարշապատ համայնքի ղեկավար Դիանա Գասպարյանը հարցաքննվել է քրեական վարույթի շրջանակում։
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, դիանա գասպարյան, քրեական գործ
հայաստան, դիանա գասպարյան, քրեական գործ
Էջմիածնի քաղաքապետի սկեսուրի «տների բիզնեսի գործով» նոր քրեական վարույթ է նախաձեռնվել. ԶԼՄ
Դիանա Գասպարյանը հարցաքննվել է ապօրինի շինարարության գործով քրեական վարույթի շրջանակում։
ԵՐԵՎԱՆ, 14 մարտի – Sputnik. ՀՀ Արմավիրի մարզի Վաղարշապատի համայնքապետ Դիանա Գասպարյանի սկեսուրի «տների բիզնեսի գործով» նոր քրեական վարույթ է նախաձեռնվել։ Տեղեկությունը հայտնում է
«Հետքը»։
Կոռուպցիայի կանխարգելման հանձնաժողովը, ուսումնասիրելով «Հետքի» «Դիանա Գասպարյանի սկեսուրն Էջմիածնում ապօրինի շինարարություն է սկսել» հոդվածը, նյութերն ուղարկել է գլխավոր դատախազություն, որի հիման վրա նախաձեռնվել է քրեական վարույթ և միացվել ավելի վաղ հարուցված քրեական վարույթին։
Հակակոռուպցիոն կոմիտեում քննվում է պաշտոնատար անձի կողմից իշխանական կամ ծառայողական լիազորությունները չարաշահելու, ինչպես նաև հայտարարագրում կեղծ տվյալներ ներկայացնելու կամ տվյալները թաքցնելու դրվագներով նախաձեռնված քրեական վարույթը:
Ավելի վաղ կայքը գրել էր, որ Դիանա Գասպարյանի ամուսնու ընտանիքն Էջմիածնում առանձնատների կառուցման բիզնես է սկսել։ Այդ նպատակով գործընկերների օգնությամբ ձեռք է բերվել համայնքային հողատարածք, և, չսպասելով թույլտվություններին, հողային և բետոնացման աշխատանքներ են կատարվել։
«Նարե Պլյուս» ՍՊԸ-ին (միակ սեփականատերը Դիանա Գասպարյանի ամուսնու` ավագանու անդամ Արամայիս Միրզոյանի մայրն է) շինարարության 20 թույլտվություն է տրվել բնակելի տներ կառուցելու համար: Հողամասի ընդհանուր մակերեսը կազմում է մոտ 1,2 հեկտար, որը բաժանված է 59 առանձին հողամասերի:
Վաղարշապատի ավագանին 2022թ. հունիսի 24-ին արտահերթ նիստով որոշել է կառուցապատման նպատակով աճուրդի հանել վաճառել 0.9 հա մակերեսով համայնքային սեփականությունը։ Մեկնարկային գինը սահմանվել է 51 մլն 975 հազար դրամ (1 քմ` 5775 դրամ)։ Վաճառքն իրականացրել է համայնքապետարանի աճուրդային հանձնաժողովը:
Աճուրդի միակ մասնակիցը եղել է Արմավիրի մարզի Արաքս համայնքի ավագանու անդամ Շահեն Շահինյանը, որն էլ շահել է: Դրանից հետո համայնքից գնված հողի սեփականատեր է դարձել Դիանա Գասպարյանի ամուսնու մայրը:
Վաղարշապատ համայնքի ղեկավար Դիանա Գասպարյանը հարցաքննվել է քրեական վարույթի շրջանակում։
