https://arm.sputniknews.ru/20240220/pek-ashkhatakicnery-kasharq-en-vercrel-hh-hakakvorupcivon-kvomitei-bacahajtumy-72478717.html
ՊԵԿ աշխատակիցները կաշառք են վերցրել. ՀՀ հակակոռուպցիոն կոմիտեի բացահայտումը
ՊԵԿ աշխատակիցները կաշառք են վերցրել. ՀՀ հակակոռուպցիոն կոմիտեի բացահայտումը
Sputnik Արմենիա
Հակակոռուպցիոն կոմիտեն պարզել է, որ «Բագրատաշեն» մաքսային կետ–բաժնում մի շարք ապօրինություններ են կատարվել։ 20.02.2024, Sputnik Արմենիա
2024-02-20T12:20+0400
2024-02-20T12:20+0400
2024-02-20T12:22+0400
հայաստան
կաշառք
պետական եկամուտների կոմիտե (պեկ)
հակակոռուպցիոն կոմիտե
https://cdn.am.sputniknews.ru/img/484/17/4841730_0:154:1600:1054_1920x0_80_0_0_3f34d026547e1132b94c8a055c56cf0d.jpg
ԵՐԵՎԱՆ, 20 փետրվարի – Sputnik. Բացահայտվել են ՀՀ պետական եկամուտների կոմիտեի պաշտոնատար անձանց կողմից կաշառք ստանալու և պաշտոնեական կեղծիք կատարելու, ինչպես նաև ՊԵԿ նախկին աշխատակցի կողմից ապօրինի վարձատրություն ստանալու դեպքեր։ Տեղեկությունը հայտնում է ՀՀ հակակոռուպցիոն կոմիտեի մամուլի ծառայությունը։«Բագրատաշեն» մաքսային կետ-բաժնի պաշտոնատար անձը ապրանքների ապօրինի ներմուծումը տնտեսվարողին թույլատրելու համար ՊԵԿ նախկին աշխատակից Ն. Մ.-ի օժանդակությամբ Ա. Պ.-ից պահանջել և ստացել է ընդհանուր 400.000 դրամ կաշառք և կատարել պաշտոնեական կեղծիք:Արդյունքում Ն. Մ.-ն դիմել է Բագրատաշենի մաքսակետի գլխավոր մաքսային տեսուչ Գ. Ք.-ին և խնդրել Ա. Պ.-ի կողմից ներմուծված ապրանքների վերաբերյալ կեղծ տեղեկություններ գրանցել, թե իբր դրանք չեն գերազանցում սահմանված չափաքանակները։ Այդպիսով Գ. Ք.-ին դրդել է կատարել պաշտոնեական կեղծիք:Ն. Մ.-ն և Ա. Պ.-ն նաև պայմանավորվածություն են ձեռք բերել Գ. Ք.-ի հետ՝ այդ գործարքները կատարելու համար յուրաքանչյուր ներմուծման ժամանակ մինչև 100.000 ՀՀ դրամ կաշառք տալու վերաբերյալ:Ա. Պ.-ի կողմից մաքսային վճարումներից խուսափելուն աջակցելու նպատակով Գ. Ք.-ն նույն մաքսակետի երկու այլ տեսուչի խնդրել է ներմուծված ավտոպահեստամասերի վերաբերյալ կեղծ տեղեկություններ մտցնել տեղեկատվական համակարգում։Դրանից հետո Գ. Ք.-ն հանդիպել է Ա. Պ.-ին և նրանից անձամբ ստացել 100.000 դրամ կաշառք: Գ. Ք.-ն վերը նշված եղանակով Ա. Պ.-ի կողմից մի շարք այլ դեպքերում նույնպես առանց մաքսազերծման ավտոպահեստամասեր ՀՀ ներմուծելը թույլատրելու դիմաց նրանից ստացել է ևս 300.000 դրամ:Վերը նշված հանցավոր արարքների համար Գ. Ք.-ին մեղադրանք է ներկայացվել կաշառք ստանալու, պաշտոնեական կեղծիք կատարելու և պաշտոնեական կեղծիքին հանցակից լինելու հոդվածներով, Ա. Պ.-ին՝ պաշտոնատար անձի նկատմամբ ունեցած իրական կամ ենթադրյալ ազդեցությունն օգտագործելու նպատակով ապօրինի վարձատրություն տալու և կաշառք տալու հոդվածներով, Ն. Մ.-ին՝ պաշտոնատար անձի նկատմամբ ունեցած իրական կամ ենթադրյալ ազդեցությունն օգտագործելու և կաշառքի միջնորդության հոդվածներով։ Եվս երկու մաքսային տեսուչի մեղադրանք է ներկայացվել պաշտոնեական կեղծիքին հանցակից լինելու հոդվածով:Քրեական վարույթով նախաքննությունն ավարտվել է: Դատախազը հաստատել է մեղադրական եզրակացությունը, և վարույթի նյութերը դատարան են ուղարկվել ըստ էության քննելու համար:ՀՀ սնանկության դատարանի դատավորը կալանավորվել է 150 հազար դոլար կաշառք ստանալու համար
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, կաշառք, պետական եկամուտների կոմիտե (պեկ), հակակոռուպցիոն կոմիտե
հայաստան, կաշառք, պետական եկամուտների կոմիտե (պեկ), հակակոռուպցիոն կոմիտե
ՊԵԿ աշխատակիցները կաշառք են վերցրել. ՀՀ հակակոռուպցիոն կոմիտեի բացահայտումը
12:20 20.02.2024 (Թարմացված է: 12:22 20.02.2024) Հակակոռուպցիոն կոմիտեն պարզել է, որ «Բագրատաշեն» մաքսային կետ–բաժնում մի շարք ապօրինություններ են կատարվել։
ԵՐԵՎԱՆ, 20 փետրվարի – Sputnik. Բացահայտվել են ՀՀ պետական եկամուտների կոմիտեի պաշտոնատար անձանց կողմից կաշառք ստանալու և պաշտոնեական կեղծիք կատարելու, ինչպես նաև ՊԵԿ նախկին աշխատակցի կողմից ապօրինի վարձատրություն ստանալու դեպքեր։ Տեղեկությունը հայտնում է
ՀՀ հակակոռուպցիոն կոմիտեի մամուլի ծառայությունը։
«Բագրատաշեն» մաքսային կետ-բաժնի պաշտոնատար անձը ապրանքների ապօրինի ներմուծումը տնտեսվարողին թույլատրելու համար ՊԵԿ նախկին աշխատակից Ն. Մ.-ի օժանդակությամբ Ա. Պ.-ից պահանջել և ստացել է ընդհանուր 400.000 դրամ կաշառք և կատարել պաշտոնեական կեղծիք:
«Պարզվել է` Վրաստանից ավտոպահեստամասերի ներկրմամբ զբաղվող ընկերության տնօրեն Ա. Պ.-ն դիմել է Ն. Մ.-ին՝ խնդրելով աջակցել սահմանված չափաքանակները գերազանցող ավտոպահեստամասերը մաքսային հսկողությունից թաքցնելով ՀՀ ներմուծելու և մաքսային վճարումներից խուսափելու հարցում: Ն. Մ.-ն էլ, որը նախկինում Բագրատաշենի մաքսակետի մաքսային տեսուչն է եղել, Ա. Պ.-ին խոստացել է, որ կաջակցի վերը նշված ապրանքների ապօրինի ներկրման հարցում: Դրա համար Ն. Մ.-ն Ա. Պ.-ից պահանջել և ստացել է 100 000 դրամ»,– ասված է հաղորդագրությունում:
Արդյունքում Ն. Մ.-ն դիմել է Բագրատաշենի մաքսակետի գլխավոր մաքսային տեսուչ Գ. Ք.-ին և խնդրել Ա. Պ.-ի կողմից ներմուծված ապրանքների վերաբերյալ կեղծ տեղեկություններ գրանցել, թե իբր դրանք չեն գերազանցում սահմանված չափաքանակները։ Այդպիսով Գ. Ք.-ին դրդել է կատարել պաշտոնեական կեղծիք:
Ն. Մ.-ն և Ա. Պ.-ն նաև պայմանավորվածություն են ձեռք բերել Գ. Ք.-ի հետ՝ այդ գործարքները կատարելու համար յուրաքանչյուր ներմուծման ժամանակ մինչև 100.000 ՀՀ դրամ կաշառք տալու վերաբերյալ:
Ա. Պ.-ի կողմից մաքսային վճարումներից խուսափելուն աջակցելու նպատակով Գ. Ք.-ն նույն մաքսակետի երկու այլ տեսուչի խնդրել է ներմուծված ավտոպահեստամասերի վերաբերյալ կեղծ տեղեկություններ մտցնել տեղեկատվական համակարգում։
Դրանից հետո Գ. Ք.-ն հանդիպել է Ա. Պ.-ին և նրանից անձամբ ստացել 100.000 դրամ կաշառք: Գ. Ք.-ն վերը նշված եղանակով Ա. Պ.-ի կողմից մի շարք այլ դեպքերում նույնպես առանց մաքսազերծման ավտոպահեստամասեր ՀՀ ներմուծելը թույլատրելու դիմաց նրանից ստացել է ևս 300.000 դրամ:
Վերը նշված հանցավոր արարքների համար Գ. Ք.-ին մեղադրանք է ներկայացվել կաշառք ստանալու, պաշտոնեական կեղծիք կատարելու և պաշտոնեական կեղծիքին հանցակից լինելու հոդվածներով, Ա. Պ.-ին՝ պաշտոնատար անձի նկատմամբ ունեցած իրական կամ ենթադրյալ ազդեցությունն օգտագործելու նպատակով ապօրինի վարձատրություն տալու և կաշառք տալու հոդվածներով, Ն. Մ.-ին՝ պաշտոնատար անձի նկատմամբ ունեցած իրական կամ ենթադրյալ ազդեցությունն օգտագործելու և կաշառքի միջնորդության հոդվածներով։ Եվս երկու մաքսային տեսուչի մեղադրանք է ներկայացվել պաշտոնեական կեղծիքին հանցակից լինելու հոդվածով:
Քրեական վարույթով նախաքննությունն ավարտվել է: Դատախազը հաստատել է մեղադրական եզրակացությունը, և վարույթի նյութերը դատարան են ուղարկվել ըստ էության քննելու համար:
