https://arm.sputniknews.ru/20240125/inchu-e-eatm-n-merdzenum-kubaji-ev-nikaraguaji-het-71502328.html

Ինչո՞ւ է ԵԱՏՄ-ն մերձենում Կուբայի և Նիկարագուայի հետ

Ինչո՞ւ է ԵԱՏՄ-ն մերձենում Կուբայի և Նիկարագուայի հետ

Sputnik Արմենիա

Լատինական Ամերիիկա ԵՏՀ պատվիրակության հունվարյան այցի արդյունքներով համագործակցության մասին երկու փաստաթուղթ է ստորագրվել։ 25.01.2024, Sputnik Արմենիա

2024-01-25T22:53+0400

2024-01-25T22:53+0400

2024-01-25T22:53+0400

կուբայի հանրապետություն

եվրասիական տնտեսական միություն (եատմ)

եվրասիական տնտեսական հանձնաժողով (ետհ)

նիկարագուա

տնտեսություն

https://cdn.am.sputniknews.ru/img/825/55/8255598_0:0:1600:901_1920x0_80_0_0_dae30f0e669a489bf6f644d2fb6e828f.jpg

Միխայիլ Վորոբյով, SputnikԵվրասիական տնտեսական հանձնաժողովի (ԵՏՀ) պատվիրակությունը հունվարին այցելեց Կուբա և Նիկարագուա։ Լատինամերիկյան գործընկերների հանդիպման արդյունքում այդ երկրների հետ ԵՏՀ համագործակցության մասին փաստաթղթեր են ստորագրվել։ Ինչպես կարող է զարգանել աշխարհագրորեն այդքան հեռու միմյանցից գտնվող տարածաշրջանների համագործակցությունը՝ փորձել է պարզել Sputnik-ը։ԵՏՀ-ի և Կուբայի պայմանավորվածություններըԸնդունված փաստաթղթում խոսվում է դեղերի, բժշկական պարագաների, ագրոարդյունաբերության և բիզնես ձեռնարկությունների ոլորտներում ԵԱՏՄ-ի և Հավանայի համագործակցության զարգացման մասին։ Առաջնահերթ ուղղություններից մեկը ճանաչվել է զբոսաշրջությունը։Կուբան դեղագործական և ընդհանուր առմամբ բժշկական լուրջ ներուժ, զարգացած ագրոարդյունաբերական համալիր ունի, այդ ոլորտները զգալի հետաքրքրություն են ներկայացնում ինչպես ընդհանուր առմամբ ԵԱՏՄ-ի, այնպես էլ դրա անդամ երկրների համար, նշել է ՌԴ կառավարությանն առընթեր Ֆինանսական համալսարանի միջազգային և հանրային իրավունքի ամբիոնի դոցենտ Իգոր Սեմենովսկին։2023 թվականի մայիսին Կուբայում բացեցին ՌԴ-ի օգնությամբ արդիականացված «Խոսե Մարտիի անվան Անտիլյանա դե Ասերո» մետաղագործական կոմբինատի էլեկտրական վառարաններում պողպատի հալեցման արտադրամաս։ Նախագծին մասնակցել է ռուսական ավելի քան 20 մասնագիտական ձեռնարկություն և բարձր տեխնոլոգիական սարքավորումներ արտադրողներ։Օգուտ՝ Կուբայի համարԵԱՏՄ-ն Կուբայի համար հետաքրքիր է արտահանման տեսանկյունից․ այն շուրջ 190 մլն բնակչությամբ և սպառողներով աշխարհի խոշորագոււյն շուկաներից մեկն է, պարզաբանել է Սեմենովսկին։Այսօր Կուբան ԵԱՏՄ երկրներ է մատակարարում հիմնականում ալկոհոլ և ծխախոտ։ Բացի այդ, կղզու հիմնական արտահանման ապրանքներից են նավթամթերքը, շաքարավազը, նիկելը, բժշկական և դեղագործական արտադրանքը։Փորձագետի խոսքով՝ ԵԱՏՄ-ի և նրա մասնակիցների հետ Կուբայի գործընկերային կապերը զգալի հիմք են Ազատության կղզու իշխանությունների համար և աջակցություն՝ հաղթահարելու տնտեսական շրջափակումը։ԵԱՏՄ-ՆիկարագուաՀունվարի 17-ին Մանագուա ԵՏՀ պատվիրակության այցի ընթացքում Նիկարագուայի հետ փոխգործակցության վերաբերյալ ստորագրված հուշագիրը համագործակցություն է ենթադրում մաքսային կարգավորման, ֆինանսական շուկաների, տրանսպորտի, էներգետիկայի, ագրոարդյունաբերության համալիրի, արդյունաբերության և տեղեկատվահաղորդակցման տեխնոլոգիաների հարցում։2023 թվականին Մոսկվան և Մանագուան միջկառավարական համաձայնագիր են ստորագրել խաղաղ ատոմի ոչ էներգետիկ կիրառությունների ոլորտում համագործակցության վերաբերյալ։ Նիկարագուայում գործում է ԳԼՈՆԱՍՍ ցամաքային կայանը։ Բացի այդ այնտեղ գործում է նաև ՌԴ-ի հետ համատեղ Mechnikov կենսատեխնոլոգիական ձեռնարկությունը, որը դեղորայք և պատվաստանյութեր է մատակարարում։ԵՏՀ-ն փոխգործակցում է տարածաշրջանի նաև մյուս երկրների հետ։ Համագործակցության հուշագրեր են կնքվել Չիլիի, Պերուի, Էկվադորի, Արգենտինայի, ինչպես նաև Լատինական Ամերիկայի ինտեգրացիոն միավորումների հետ։

https://arm.sputniknews.ru/20231219/vor-tariqic-ev-vorqan-tvoshak-en-stanum-eatm-erkrneri-bnakichnery-eth-vitshakagrutjun-70222323.html

կուբայի հանրապետություն

նիկարագուա

2024

Լուրեր

am_HY

կուբայի հանրապետություն, եվրասիական տնտեսական միություն (եատմ), եվրասիական տնտեսական հանձնաժողով (ետհ), նիկարագուա, տնտեսություն