https://arm.sputniknews.ru/20240122/erevani-avaganu-ynddimadir-andami-arevangman-hamar-qreakan-varujt-e-nakhadzernvel-qk-71384467.html
Երևանի ավագանու ընդդիմադիր անդամի առևանգման համար քրեական վարույթ է նախաձեռնվել. ՔԿ
Երևանի ավագանու ընդդիմադիր անդամի առևանգման համար քրեական վարույթ է նախաձեռնվել. ՔԿ
Sputnik Արմենիա
ՀՀ ոստիկանությանը տրվել է համապատասխան հանձնարարություն քննությանը հետաքրքրող մի շարք հանգամանքներ պարզելու և վարույթն իրականացնող մարմնին ներկայացնելու համար։ 22.01.2024, Sputnik Արմենիա
2024-01-22T15:59+0400
2024-01-22T15:59+0400
2024-01-22T16:26+0400
քրեական գործ
«մայր հայաստան» ժողովրդական շարժում
երևանի ավագանի
առևանգում
ընդդիմություն
https://cdn.am.sputniknews.ru/img/07e8/01/16/71387534_0:0:1600:900_1920x0_80_0_0_d5a30642655fa9039a52cb3ae15b7812.jpg
ԵՐԵՎԱՆ, 22 հունվարի - Sputnik. Քրեական վարույթ է նախաձեռնվել Երևանի ավագանու ընդդիմադիր «Մայր Հայաստան» դաշինքի անդամ Նարինե Հայրապետյանի առևանգման համար։ Sputnik Արմենիայի հետ զրույցում այդ մասին հայտնեց ՀՀ քննչական կոմիտեի մամուլի խոսնակ Գոռ Աբրահամյանը։Ավելի վաղ «Մայր Հայաստան» դաշինքը հայտարարություն էր տարածել` նշելով, որ Նարինե Հայրապետյանը ենթարկվել է առևանգման։Նա ավելացրեց, որ իրականացվում են քննչական, վարութային ակտիվ գործողություններ՝ հաղորդման մեջ նշված տեղեկությունները քրեական վարույթի շրջանակներում համակողմանի ստուգելու, իրականությունը պարզելու նպատակով։Բացի այդ, ոստիկանությանը տրվել է համապատասխան հանձնարարություն՝ քննությանը հետաքրքրող մի շարք հանգամանքներ օպերատիվ–հետախուզական միջոցառումներով պարզելու և վարույթն իրականացնող մարմնին ներկայացնելու վերաբերյալ։Իսկ դաշինքի ղեկավար Անդրանիկ Թևանյանը հայտնել էր, որ «Մայր Հայաստան» դաշինքի անդամ Նարինե Հայրապետյանն այս պահին Հայաստանում չէ, իսկ նրա հեռախոսը գտնվում է իրավապահների մոտ։ Նրա պատմելով՝ առևանգած տղամարդը 60–65 տարեկան է եղել, որին չի ճանաչել: Տղամարդը սպառնալիքներ է հնչեցրել, ասել է՝ չափերիդ մեջ կմնաս, խելոք կպահես քեզ: Դրանից հետո Նարինե Հայրապետյանին հետ է տարել Աբովյան փողոց, իջեցրել մեքենայից և հեռացել:
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
քրեական գործ, «մայր հայաստան» ժողովրդական շարժում, երևանի ավագանի, առևանգում, ընդդիմություն
քրեական գործ, «մայր հայաստան» ժողովրդական շարժում, երևանի ավագանի, առևանգում, ընդդիմություն
Երևանի ավագանու ընդդիմադիր անդամի առևանգման համար քրեական վարույթ է նախաձեռնվել. ՔԿ
15:59 22.01.2024 (Թարմացված է: 16:26 22.01.2024) ՀՀ ոստիկանությանը տրվել է համապատասխան հանձնարարություն քննությանը հետաքրքրող մի շարք հանգամանքներ պարզելու և վարույթն իրականացնող մարմնին ներկայացնելու համար։
ԵՐԵՎԱՆ, 22 հունվարի - Sputnik. Քրեական վարույթ է նախաձեռնվել Երևանի ավագանու ընդդիմադիր «Մայր Հայաստան» դաշինքի անդամ Նարինե Հայրապետյանի առևանգման համար։
Sputnik Արմենիայի հետ զրույցում այդ մասին հայտնեց ՀՀ քննչական կոմիտեի մամուլի խոսնակ Գոռ Աբրահամյանը։
Ավելի վաղ «Մայր Հայաստան» դաշինքը հայտարարություն էր տարածել` նշելով, որ Նարինե Հայրապետյանը ենթարկվել է առևանգման։
«Հունվարի 17–ին Նարինե Հայրապետյանից հաղորդում ենք ստացել այն մասին, որ հունվարի 15–ին նրան առևանգել են։ Նույն օրը` հունվարի 17–ին, քրեական վարույթ է նախաձեռնվել մի խումբ անձանց կողմից անձին առևանգելու հանցակազմով»,– նշեց Աբրահամյանը։
Նա ավելացրեց, որ իրականացվում են քննչական, վարութային ակտիվ գործողություններ՝ հաղորդման մեջ նշված տեղեկությունները քրեական վարույթի շրջանակներում համակողմանի ստուգելու, իրականությունը պարզելու նպատակով։
Բացի այդ, ոստիկանությանը տրվել է համապատասխան հանձնարարություն՝ քննությանը հետաքրքրող մի շարք հանգամանքներ օպերատիվ–հետախուզական միջոցառումներով պարզելու և վարույթն իրականացնող մարմնին ներկայացնելու վերաբերյալ։
Երևանի ավագանու «Մայր Հայաստան» խմբակցության ղեկավար Մանուկ Սուքիասյանն իր հերթին հայտարարել էր, որ առևանգիչներն, ըստ Նարինե Հայրապետյանի, ներկայացրել էին վերջինիս հասարակական–քաղաքական գործունեության վերաբերյալ պահանջներ և զգուշացումներ։
Իսկ դաշինքի ղեկավար Անդրանիկ Թևանյանը հայտնել էր, որ «Մայր Հայաստան» դաշինքի անդամ Նարինե Հայրապետյանն այս պահին Հայաստանում չէ, իսկ նրա հեռախոսը գտնվում է իրավապահների մոտ։ Նրա պատմելով՝ առևանգած տղամարդը 60–65 տարեկան է եղել, որին չի ճանաչել: Տղամարդը սպառնալիքներ է հնչեցրել, ասել է՝ չափերիդ մեջ կմնաս, խելոք կպահես քեզ: Դրանից հետո Նարինե Հայրապետյանին հետ է տարել Աբովյան փողոց, իջեցրել մեքենայից և հեռացել:
