https://arm.sputniknews.ru/20240119/mirzvojany-khvorvat-gvortsynkervoj-het--taratsashrjanajin-anvtangutjan-temaner-e-qnnarkel-71319912.html
Միրզոյանը խորվաթ գործընկերոջ հետ տարածաշրջանային անվտանգության թեմաներ է քննարկել
Միրզոյանը խորվաթ գործընկերոջ հետ տարածաշրջանային անվտանգության թեմաներ է քննարկել
Sputnik Արմենիա
ՀՀ ԱԳ նախարարn անդրադարձել է նաև Ադրբեջանի բարձրաստիճան պաշտոնյաների հռետորաբանությանը և հայտարարություններին` նշելով, որ դրանք շարունակում են մարտահրավեր... 19.01.2024, Sputnik Արմենիա
2024-01-19T18:04+0400
2024-01-19T18:04+0400
2024-01-19T18:18+0400
արարատ միրզոյան
խորվաթիա
հայաստան
արտաքին գործերի նախարարություն (ագն)
հհ արտաքին գործերի նախարարություն. ագն
https://cdn.am.sputniknews.ru/img/07e8/01/13/71317473_0:88:1600:989_1920x0_80_0_0_b01fea9fd1cd1aa1f4ee4f45becdac0d.jpg
ԵՐԵՎԱՆ, 19 հունվարի – Sputnik. Խորվաթիա–Հայաստան շփումներում քաղաքական երկխոսության զարգացմանը զուգահեռ տնտեսական ոլորտում առկա է չօգտագործված հսկայական ներուժ։ Այս մասին հայտարարել է ՀՀ ԱԳ նախարար Արարատ Միրզոյանը Խորվաթիայի ԱԳ նախարար Գորդան Գրլիչ Ռադմանի հետ համատեղ ասուլիսի ժամանակ: Տեղեկությունը հայտնում է ՀՀ արտաքին գործերի նախարարության մամուլի ծառայությունը։Նա նաև նշել է, որ համատեղ քննարկել են ՀՀ–ԵՄ գործընկերության հետագա ամրապնդման ուղղությամբ ընթացիկ գործընթացներն ու իրականացվող քայլերը: Ըստ Միրզոյանի` ՀՀ–ԵՄ գործընկերության ընդլայնման մեր հանձնառությունը բխում է երկու երկրների քաղաքացիների համար ավելի լավ և անվտանգ միջավայրի տեսլականից:«Իմ խորվաթ գործընկերոջ հետ դիտարկել ենք Հայաստան–ԵՄ հարաբերությունների ողջ շրջանակը, որն ընդգրկում է մեր ժողովրդավարական բարեփոխումների օրակարգը, մարդկանց միջև շփումները, վիզաների ազատականացման շուրջ երկխոսությունը, տնտեսական համագործակցությունը, ինչպես նաև անվտանգության հարցերը: Այս համատեքստում կցանկանայի ընդգծել, որ Հայաստան–ԵՄ գործընկերությունն ընդլայնվում է նոր ուղղություններով, այն է՝ ԵՄ մշտադիտարկման առաքելությունը ՀՀ-ում և անվտանգային հարցերով երկխոսությունը»,– ասել է Միրզոյանը:Միրզոյանը Խորվաթիայի վարչապետի հետ քննարկել է «Խաղաղության խաչմերուկ» հայեցակարգըԵրկու երկրների արտաքին քաղաքական գերատեսչությունների ղեկավարները մտքեր են փոխանակել նաև միջազգային և տարածաշրջանային անվտանգության թեմաների շուրջ։ՀՀ ԱԳ նախարարը անդրադարձել է Ադրբեջանի բարձրաստիճան պաշտոնյաների հռետորաբանությանը և հայտարարություններին` նշելով, որ դրանք շարունակում են մարտահրավեր նետել միջազգային իրավունքի վրա հիմնված կարգին, Հայաստանի տարածքային ամբողջականությանն ու ինքնիշխանությանը, և, հետևաբար, տարածաշրջանում տևական խաղաղության հեռանկարներին:Նա վստահություն է հայտնել, որ կապուղիները, որոնք կարող են ապաշրջափակվել տարածաշրջանում, հաղորդակցությունները՝ տնտեսական և տրանսպորտային ենթակառուցվածքները, կարող են նաև նպաստել տարածաշրջանում կայուն խաղաղության առաջխաղացմանը։Այս համատեքստում Միրզոյանը հիշեցրել է ՀՀ կառավարության նախաձեռնած «Խաղաղության խաչմերուկի» մասին։ՀՀ ԱԳ նախարարը նաև նշել է, որ 2024 թվականն առանձնահատուկ է երկկողմ հարաբերությունների համար, քանի որ նշում ենք Խորվաթիայի հետ դիվանագիտական հարաբերությունների հաստատման 30–ամյակը:Հիշեցնենք, որ ՀՀ արտաքին գործերի նախարար Արարատ Միրզոյանը Խորվաթիայում է երկօրյա այցով։ Այցի ընթացքում նա հանդիպումներ է ունեցել Խորվաթիայի գործադիր և օրենսդիր մարմինների բարձրաստիճան ներկայացուցիչների հետ։Խորվաթիայի ԱԳ նախարար Գորդան Գրլիչ Ռադմանը պաշտոնական այցով Հայաստանում է եղել նախորդ տարվա փետրվարին:
խորվաթիա
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
արարատ միրզոյան, խորվաթիա, հայաստան, արտաքին գործերի նախարարություն (ագն), հհ արտաքին գործերի նախարարություն. ագն
արարատ միրզոյան, խորվաթիա, հայաստան, արտաքին գործերի նախարարություն (ագն), հհ արտաքին գործերի նախարարություն. ագն
Միրզոյանը խորվաթ գործընկերոջ հետ տարածաշրջանային անվտանգության թեմաներ է քննարկել
18:04 19.01.2024 (Թարմացված է: 18:18 19.01.2024) ՀՀ ԱԳ նախարարn անդրադարձել է նաև Ադրբեջանի բարձրաստիճան պաշտոնյաների հռետորաբանությանը և հայտարարություններին` նշելով, որ դրանք շարունակում են մարտահրավեր նետել ՀՀ տարածքային ամբողջականությանն ու ինքնիշխանությանը:
ԵՐԵՎԱՆ, 19 հունվարի – Sputnik. Խորվաթիա–Հայաստան շփումներում քաղաքական երկխոսության զարգացմանը զուգահեռ տնտեսական ոլորտում առկա է չօգտագործված հսկայական ներուժ։ Այս մասին հայտարարել է ՀՀ ԱԳ նախարար Արարատ Միրզոյանը Խորվաթիայի ԱԳ նախարար Գորդան Գրլիչ Ռադմանի հետ համատեղ ասուլիսի ժամանակ: Տեղեկությունը հայտնում է
ՀՀ արտաքին գործերի նախարարության մամուլի ծառայությունը։
«Մենք շահագրգռված ենք առևտրատնտեսական համագործակցության առաջմղմամբ ու ընդլայնմամբ՝ միտված շոշափելի արդյունքներ արձանագրելուն»,– հայտարարել է Միրզոյանը։
Նա նաև նշել է, որ համատեղ քննարկել են ՀՀ–ԵՄ գործընկերության հետագա ամրապնդման ուղղությամբ ընթացիկ գործընթացներն ու իրականացվող քայլերը: Ըստ Միրզոյանի` ՀՀ–ԵՄ գործընկերության ընդլայնման մեր հանձնառությունը բխում է երկու երկրների քաղաքացիների համար ավելի լավ և անվտանգ միջավայրի տեսլականից:
«Իմ խորվաթ գործընկերոջ հետ դիտարկել ենք Հայաստան–ԵՄ հարաբերությունների ողջ շրջանակը, որն ընդգրկում է մեր ժողովրդավարական բարեփոխումների օրակարգը, մարդկանց միջև շփումները, վիզաների ազատականացման շուրջ երկխոսությունը, տնտեսական համագործակցությունը, ինչպես նաև անվտանգության հարցերը: Այս համատեքստում կցանկանայի ընդգծել, որ Հայաստան–ԵՄ գործընկերությունն ընդլայնվում է նոր ուղղություններով, այն է՝ ԵՄ մշտադիտարկման առաքելությունը ՀՀ-ում և անվտանգային հարցերով երկխոսությունը»,– ասել է Միրզոյանը:
Երկու երկրների արտաքին քաղաքական գերատեսչությունների ղեկավարները մտքեր են փոխանակել նաև միջազգային և տարածաշրջանային անվտանգության թեմաների շուրջ։
ՀՀ ԱԳ նախարարը անդրադարձել է Ադրբեջանի բարձրաստիճան պաշտոնյաների հռետորաբանությանը և հայտարարություններին` նշելով, որ դրանք շարունակում են մարտահրավեր նետել միջազգային իրավունքի վրա հիմնված կարգին, Հայաստանի տարածքային ամբողջականությանն ու ինքնիշխանությանը, և, հետևաբար, տարածաշրջանում տևական խաղաղության հեռանկարներին:
«Հայաստանի դիրքորոշումը շատ հստակ է՝ հիմնված հայտնի սկզբունքների և պայմանավորվածությունների վրա։ Երկրները պետք է ճանաչեն միմյանց տարածքային ամբողջականությունը՝ առանց որևէ երկիմաստության։ Խաղաղության պայմանագիրը պետք է ապահովի հստակ հիմքեր սահմանազատման հետագա գործընթացի համար, որը, մեր համոզմամբ, պետք է իրականացվի համաձայն Ալմա Աթայի հռչակագրի և հիմնված լինի Խորհրդային Միության ամենաթարմ ու օրինական քարտեզների վրա»,– ասել է ՀՀ ԱԳ նախարարը:
Նա վստահություն է հայտնել, որ կապուղիները, որոնք կարող են ապաշրջափակվել տարածաշրջանում, հաղորդակցությունները՝ տնտեսական և տրանսպորտային ենթակառուցվածքները, կարող են նաև նպաստել տարածաշրջանում կայուն խաղաղության առաջխաղացմանը։
Այս համատեքստում Միրզոյանը հիշեցրել է ՀՀ կառավարության նախաձեռնած «Խաղաղության խաչմերուկի» մասին։
ՀՀ ԱԳ նախարարը նաև նշել է, որ 2024 թվականն առանձնահատուկ է երկկողմ հարաբերությունների համար, քանի որ նշում ենք Խորվաթիայի հետ դիվանագիտական հարաբերությունների հաստատման 30–ամյակը:
Հիշեցնենք, որ ՀՀ արտաքին գործերի նախարար Արարատ Միրզոյանը Խորվաթիայում է
երկօրյա այցով։ Այցի ընթացքում նա հանդիպումներ է ունեցել Խորվաթիայի գործադիր և օրենսդիր մարմինների բարձրաստիճան ներկայացուցիչների հետ։
Խորվաթիայի ԱԳ նախարար Գորդան Գրլիչ Ռադմանը պաշտոնական այցով Հայաստանում է եղել նախորդ տարվա փետրվարին:
