https://arm.sputniknews.ru/20240119/general-majvor-grigvori-khachaturvovy-ksharunaki-mnal-azatutjan-mej-71325488.html

Գեներալ-մայոր Գրիգորի Խաչատուրովը կշարունակի մնալ ազատության մեջ

Գեներալ-մայոր Գրիգորի Խաչատուրովը կշարունակի մնալ ազատության մեջ

Sputnik Արմենիա

Խաչատուրովը գրավի դիմաց ազատ էր արձակվել 2023 թ. դեկտեմբերի 2-ին: 19.01.2024, Sputnik Արմենիա

2024-01-19T20:23+0400

2024-01-19T20:23+0400

2024-01-19T20:35+0400

յուրի խաչատուրով

հհ դատախազություն

միջնորդություն

https://cdn.am.sputniknews.ru/img/07e6/05/15/42318440_0:0:1601:901_1920x0_80_0_0_0b23137c2d05601e6b55be34e295538b.jpg

ԵՐԵՎԱՆ, 19 հունվարի, Sputnik. Վճռաբեկ դատարանը վարույթ չի ընդունել ՀՀ գլխավոր դատախազության ներկայացրած բողոքը, որով դատախազությունը պահանջում էր նորից կալանավորել նրան, հայտնում է «Փաստինֆոն»։Նշենք, որ դատախազությունը վճռաբեկ բողոք էր ներկայացրել Գրիգորի Խաչատուրովի կալանավորումը գրավով և վարչական հսկողությամբ փոխարինելու մասին Վերաքննիչ հակակոռուպցիոն դատարանի որոշման դեմ։Հիշեցնենք, Խաչատուրովը գրավի դիմաց ազատ էր արձակվել 2023 թ. դեկտեմբերի 2-ին:2023 թ. փետրվարի 21-ին Գրիգորի Խաչատուրովի նկատմամբ հանրային քրեական հետապնդում հարուցվեց պաշտոնեական դիրքի օգտագործմամբ հանցավոր ճանապարհով ձեռք բերված առանձնապես խոշոր չափերով անշարժ գույքն օրինականացնելու (փողերի լվացման) համար։ Նա ձերբակալվեց։Դատախազությունը միջնորդություն ներկայացրեց նրան կալանավորելու համար։ Սակայն Հակակոռուպցիոն դատարանի դատավոր Տիգրան Դավթյանը մերժեց միջնորդությունը։ Խաչատուրովը նույն օրը դատարանի դահլիճից ազատ արձակվեց։Փետրվարի 24-ին ՀՀ գլխավոր դատախազությունը հատուկ վերանայման բողոք ներկայացրեց ՀՀ վերաքննիչ քրեական դատարան Գրիգորի Խաչատուրովի նկատմամբ խափանման միջոց կալանքի միջնորդությունը մերժելու որոշման դեմ:Մարտի 16-ին Վերաքննիչ դատարանը դատախազության բողոքը քննելուց հետո Գրիգորի Խաչատուրովին կալանավորելու որոշում կայացրեց։

2024

Լուրեր

am_HY

յուրի խաչատուրով, հհ դատախազություն, միջնորդություն