https://arm.sputniknews.ru/20240116/nvor-atvomakajani-steghtsman-hamar-nakh-patshatsh-kadrer-en-petq-pashinjan-71192551.html
Նոր ատոմակայանի ստեղծման համար նախ պատշաճ կադրեր են պետք. Փաշինյան
Նոր ատոմակայանի ստեղծման համար նախ պատշաճ կադրեր են պետք. Փաշինյան
Sputnik Արմենիա
Ըստ Փաշինյանի` նոր ատոմակայանի ստեղծման համար իրականացնող կազմակերպություն հիմնելը ցույց կտա Հայաստանի վճռականությունը, որ իշխանությունը ոչ միայն խոսում է նոր... 16.01.2024, Sputnik Արմենիա
2024-01-16T12:53+0400
2024-01-16T12:53+0400
2024-01-16T12:53+0400
ատոմակայան
հայաստանի ատոմային էլեկտրակայան (աէկ)
նիկոլ փաշինյան
https://cdn.am.sputniknews.ru/img/07e8/01/10/71192365_0:157:1600:1057_1920x0_80_0_0_1270315d29deabadd7d0c03265743108.jpg
ԵՐԵՎԱՆ, 16 հունվարի – Sputnik. Հայաստանում նոր ատոմակայանի ստեղծման համար նախ պատշաճ կադրեր են պետք։ Այս մասին հայտարարել է ՀՀ վարչապետ Նիկոլ Փաշինյանը Միջուկային անվտանգության կարգավորման կոմիտեի 2023թ. գործունեության հաշվետվության քննարկման ժամանակ։Փաշինյանը նշել է, որ նոր ատոմակայանի ստեղծման համար իրականացնող կազմակերպություն է պետք ստեղծել։ Ըստ Փաշինյանի` դա ցույց կտա Հայաստանի վճռականությունը, որ իշխանությունը ոչ միայն խոսում է նոր ատոմակայանի ստեղծման մասին, այլև գնում է այդ ուղղությամբ։Նա ընդգծել է, որ պետք է մտածեն, թե ինչպես խթանեն կանանց ներգրավվածությունն այս բնագավառում, ինչպես նաև անհրաժեշտության դեպքում ժամկետային զինծառայությունից տարկետման որոշում տրամադրեն համապատասխան գիտելիք ունեցող երիտասարդների։Նշվում է, որ քննարկման ընթացքում Փաշինյանին է ներկայացվել է Հայաստանում նոր միջուկային էներգաբլոկ կառուցելու, փոքր մոդուլյար ռեակտորներ տեղակայելու նպատակահարմարության, ինչպես նաև անհրաժեշտ տեխնոլոգիաների ընտրության նպատակով վերլուծություններ իրականացնելու և հետագա քայլերի հաջորդականությունը:Փաշինյանը քաղաքական առումով հետաքրքիր է համարել մոդուլյար ռեակտորների տարբերակը:«Վերջիններիս վթարն ինքը վթարային հակազդման գոտիներ չի պահանջում։ Այսինքն, որ վթար եղավ, մենք հարյուր կիլոմետր շառավղով բնակչությանը պաշտպանելու միջոցներ չենք կիրառելու»,- ասել է նա:Պատասխանատուները նշել են, որ վթարը դասակարգվում է որպես ներքին վթար. արտաքին վթար հասկացությունն այդ ռեակտորների համար վերանում է:Հաշվետվությամբ ներկայացված այլ թեմաների շուրջ ծավալվել է քննարկում, մտքեր են փոխանակվել ատոմային էներգիայի օգտագործման բնագավառի պետական կարգավորման արդյունավետության բարձրացման ուղղությամբ անելիքների շուրջ:Ավելի վաղ հայտնել էինք, որ Հայաստանում նոր ատոմակայանի տարբերակների շարքում լավագույնս մշակվել է խոշոր հզորության ռուսական բլոկի նախագիծը (1000-1200 մեգավատ)։Իրանի ԱԳ նախարարը հերքել է մտավախությունը, թե Մեծամորի ատոմակայանն աղտոտում է Արաքս գետը
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ատոմակայան, հայաստանի ատոմային էլեկտրակայան (աէկ), նիկոլ փաշինյան
ատոմակայան, հայաստանի ատոմային էլեկտրակայան (աէկ), նիկոլ փաշինյան
Նոր ատոմակայանի ստեղծման համար նախ պատշաճ կադրեր են պետք. Փաշինյան
Ըստ Փաշինյանի` նոր ատոմակայանի ստեղծման համար իրականացնող կազմակերպություն հիմնելը ցույց կտա Հայաստանի վճռականությունը, որ իշխանությունը ոչ միայն խոսում է նոր ատոմակայանի ստեղծման մասին, այլև գնում է այդ ուղղությամբ։
ԵՐԵՎԱՆ, 16 հունվարի – Sputnik. Հայաստանում նոր ատոմակայանի ստեղծման համար նախ պատշաճ կադրեր են պետք։ Այս մասին հայտարարել է ՀՀ վարչապետ Նիկոլ Փաշինյանը Միջուկային անվտանգության կարգավորման կոմիտեի 2023թ. գործունեության հաշվետվության քննարկման ժամանակ։
Փաշինյանը նշել է, որ նոր ատոմակայանի ստեղծման համար իրականացնող կազմակերպություն է պետք ստեղծել։ Ըստ Փաշինյանի` դա ցույց կտա Հայաստանի վճռականությունը, որ իշխանությունը ոչ միայն խոսում է նոր ատոմակայանի ստեղծման մասին, այլև գնում է այդ ուղղությամբ։
«Իհարկե, այստեղ, կրկին ինչպես ամեն տեղ, ունենալու ենք ուժեղ կադրային բազա ապահովելու հարցը, որովհետև նոր ատոմակայան կառուցելը մեգանախագիծ է, այդ կազմակերպությունը, ըստ էության, այդ ծրագրի իրականացման գրասենյակ է դառնալու։ Այստեղ մենք պետք է շատ ակտիվ աշխատենք, որպեսզի պատշաճ կադրեր կարողանանք ներգրավել այդ աշխատանքի մեջ»,–ասել է Փաշինյանը։
Նա ընդգծել է, որ պետք է մտածեն, թե ինչպես խթանեն կանանց ներգրավվածությունն այս բնագավառում, ինչպես նաև անհրաժեշտության դեպքում ժամկետային զինծառայությունից տարկետման որոշում տրամադրեն համապատասխան գիտելիք ունեցող երիտասարդների։
Նշվում է, որ քննարկման ընթացքում Փաշինյանին է ներկայացվել է Հայաստանում նոր միջուկային էներգաբլոկ կառուցելու, փոքր մոդուլյար ռեակտորներ տեղակայելու նպատակահարմարության, ինչպես նաև անհրաժեշտ տեխնոլոգիաների ընտրության նպատակով վերլուծություններ իրականացնելու և հետագա քայլերի հաջորդականությունը:
Փաշինյանը քաղաքական առումով հետաքրքիր է համարել մոդուլյար ռեակտորների տարբերակը:
«Վերջիններիս վթարն ինքը վթարային հակազդման գոտիներ չի պահանջում։ Այսինքն, որ վթար եղավ, մենք հարյուր կիլոմետր շառավղով բնակչությանը պաշտպանելու միջոցներ չենք կիրառելու»,- ասել է նա:
Պատասխանատուները նշել են, որ վթարը դասակարգվում է որպես ներքին վթար. արտաքին վթար հասկացությունն այդ ռեակտորների համար վերանում է:
Հաշվետվությամբ ներկայացված այլ թեմաների շուրջ ծավալվել է քննարկում, մտքեր են փոխանակվել ատոմային էներգիայի օգտագործման բնագավառի պետական կարգավորման արդյունավետության բարձրացման ուղղությամբ անելիքների շուրջ:
Ավելի վաղ
հայտնել էինք, որ Հայաստանում նոր ատոմակայանի տարբերակների շարքում լավագույնս մշակվել է խոշոր հզորության ռուսական բլոկի նախագիծը (1000-1200 մեգավատ)։
