https://arm.sputniknews.ru/20240116/hh-qaghaqacin-bavraji-ancaketum-tsetsi-e-entarkvel-peky-parzabanel-e-mijadepy-71202492.html
ՀՀ քաղաքացին պնդում է, որ Բավրայի անցակետում ծեծի է ենթարկվել. ՊԵԿ–ը պարզաբանել է միջադեպը
ՀՀ քաղաքացին պնդում է, որ Բավրայի անցակետում ծեծի է ենթարկվել. ՊԵԿ–ը պարզաբանել է միջադեպը
Sputnik Արմենիա
ՀՀ քննչական կոմիտեն իր կողմից քրեական վարույթ է նախաձեռնել` վարույթի նյութերը փոխանցելով ՀՀ հակակոռուպցիոն կոմիտեին։ 16.01.2024, Sputnik Արմենիա
2024-01-16T16:45+0400
2024-01-16T16:45+0400
2024-01-16T16:48+0400
բավրա
քաղաքացի
պետական եկամուտների կոմիտե (պեկ)
ծեծ
https://cdn.am.sputniknews.ru/img/2354/03/23540320_0:145:3001:1833_1920x0_80_0_0_7f3deacc0a3e5ec273d9168fa69eb597.jpg
ԵՐԵՎԱՆ, 16 հունվարի – Sputnik. Գյումրիի բնակիչ Լևոն Գասպարյանը հայ–վրացական սահմանի Բավրայի անցակետում ծեծի է ենթարկվել մաքսատան 25 աշխատակիցների կողմից: Այս մասին «Ֆեյսբուքի» իր էջում գրել է իրավապաշտպան Կարապետ Պողոսյանը։Գասպարյանը պատմել է, որ իր կնոջ և 18 տարեկան աղջկա աչքի առաջ նախ հարվածել են իր 65–ամյա հորը, եղբորը, հետո իրեն: Գասպարյանը 3-րդ կարգի հաշմանդամ է: Նրա խոսքով՝ վեճի պատճառը Վրաստանից տանն ուտելու համար բերված 5 կգ պնդուկն է եղել, մաքսատանը իրեն մեղադրել են ապօրինի ներմուծման փորձի համար:ՀՀ ՊԵԿ-ն այս թեմայով պարզաբանում է տարածել` ասելով, որ քաղաքացի Լևոն Գասպարյանը պարբերաբար իրականացնում է սահմանահատումներ Բավրայի սահմանային անցակետով՝ իր հետ անձնական օգտագործման ապրանքների անվան տակ ներմուծելով կենցաղային տարբեր ապրանքներ։ՊԵԿ–ից նաև նշում են, որ շատ հաճախ Գասպարյանը և ուղեկցող անձինք լինում են ոչ սթափ վիճակում՝ դրսևորելով ոչ հարիր և ագրեսիվ վարքագիծ։Նշվում է, որ այդ անձանց կարգի հրավիրելու և իրավիճակը վերահսկելի դարձնելու բազմաթիվ փորձերից հետո ծառայողների կողմից մաքսային հսկողության գոտուց դուրս են հրավիրվել, որի ընթացքում նշված անձը ցուցաբերել է դիմադրություն:ՊԵԿ-ի կողմից ձեռնարկվել են համապատասխան քայլեր՝ ծառայողական քննությամբ դեպքի համակողմանի քննության նպատակով։ՀՀ քննչական կոմիտեի մամուլի խոսնակ Գոռ Աբրահամյանն էլ Sputnik Արմենիայի հետ զրույցում նշեց, որ իրենք հաղորդում են ստացվել պաշտոնատար անձի կողմից քաղաքացու առերևույթ ծեծի ենթարկելու վերաբերյալ։Նախաձեռնվել է քրեական վարույթ ՀՀ քրեական օրենսգրքի 441-րդ հոդվածի 2-րդ մասի 1-ին կետով (պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը)։Վարույթի նյութերը փոխանցվում է ՀՀ հակակոռուպցիոն կոմիտեին։
բավրա
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
բավրա, քաղաքացի, պետական եկամուտների կոմիտե (պեկ), ծեծ
բավրա, քաղաքացի, պետական եկամուտների կոմիտե (պեկ), ծեծ
ՀՀ քաղաքացին պնդում է, որ Բավրայի անցակետում ծեծի է ենթարկվել. ՊԵԿ–ը պարզաբանել է միջադեպը
16:45 16.01.2024 (Թարմացված է: 16:48 16.01.2024) ՀՀ քննչական կոմիտեն իր կողմից քրեական վարույթ է նախաձեռնել` վարույթի նյութերը փոխանցելով ՀՀ հակակոռուպցիոն կոմիտեին։
ԵՐԵՎԱՆ, 16 հունվարի – Sputnik. Գյումրիի բնակիչ Լևոն Գասպարյանը հայ–վրացական սահմանի Բավրայի անցակետում ծեծի է ենթարկվել մաքսատան 25 աշխատակիցների կողմից: Այս մասին «
Ֆեյսբուքի» իր էջում գրել է իրավապաշտպան Կարապետ Պողոսյանը։
Գասպարյանը պատմել է, որ իր կնոջ և 18 տարեկան աղջկա աչքի առաջ նախ հարվածել են իր 65–ամյա հորը, եղբորը, հետո իրեն: Գասպարյանը 3-րդ կարգի հաշմանդամ է: Նրա խոսքով՝ վեճի պատճառը Վրաստանից տանն ուտելու համար բերված 5 կգ պնդուկն է եղել, մաքսատանը իրեն մեղադրել են ապօրինի ներմուծման փորձի համար:
ՀՀ ՊԵԿ-ն այս թեմայով պարզաբանում է
տարածել` ասելով, որ քաղաքացի Լևոն Գասպարյանը պարբերաբար իրականացնում է սահմանահատումներ Բավրայի սահմանային անցակետով՝ իր հետ անձնական օգտագործման ապրանքների անվան տակ ներմուծելով կենցաղային տարբեր ապրանքներ։
ՊԵԿ–ից նաև նշում են, որ շատ հաճախ Գասպարյանը և ուղեկցող անձինք լինում են ոչ սթափ վիճակում՝ դրսևորելով ոչ հարիր և ագրեսիվ վարքագիծ։
«Նման վարքագիծ վերջիններս դրսևորում են միտումնավոր՝ հայտարարագրման ենթակա ապրանքները քողարկելու նպատակով։ 2024 թ. հունվարի 15–ին վերոնշյալ քաղաքացին և ուղեկցող ևս 7 քաղաքացի՝ որոնցից 2–ը իգական սեռի, մուտք են գործել մաքսային հսկողության գոտի ոչ սթափ վիճակում՝ ոչ ադեկվատ և ագրեսիվ պահվածքով։ Տևական ժամանակ այլ քաղաքացիների ներկայությամբ հնչեցրել են հայհոյանքներ, փորձեր են կատարել վնասել պետական գույքը, խաթարել են մաքսային կետի բնականոն աշխատանքը, չեն ենթարկվել մաքսային ծառայողի օրինական պահանջներին»,– ասված է ՊԵԿ հաղորդագրության մեջ։
Նշվում է, որ այդ անձանց կարգի հրավիրելու և իրավիճակը վերահսկելի դարձնելու բազմաթիվ փորձերից հետո ծառայողների կողմից մաքսային հսկողության գոտուց դուրս են հրավիրվել, որի ընթացքում նշված անձը ցուցաբերել է դիմադրություն:
ՊԵԿ-ի կողմից ձեռնարկվել են համապատասխան քայլեր՝ ծառայողական քննությամբ դեպքի համակողմանի քննության նպատակով։
ՀՀ քննչական կոմիտեի մամուլի խոսնակ Գոռ Աբրահամյանն էլ
Sputnik Արմենիայի հետ զրույցում նշեց, որ իրենք հաղորդում են ստացվել պաշտոնատար անձի կողմից քաղաքացու առերևույթ ծեծի ենթարկելու վերաբերյալ։
Նախաձեռնվել է քրեական վարույթ ՀՀ քրեական օրենսգրքի 441-րդ հոդվածի 2-րդ մասի 1-ին կետով (պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը)։
Վարույթի նյութերը փոխանցվում է ՀՀ հակակոռուպցիոն կոմիտեին։
