https://arm.sputniknews.ru/20240107/marikhuanan-vtangavvor-e-hatkapes-derahasneri-hamar-nvor-usumnasirutjun-amn-um-70865924.html
Մարիխուանան վտանգավոր է, հատկապես դեռահասների համար․ նոր ուսումնասիրություն ԱՄՆ-ում
Մարիխուանան վտանգավոր է, հատկապես դեռահասների համար․ նոր ուսումնասիրություն ԱՄՆ-ում
Sputnik Արմենիա
Սելեկցիայի պատճառով այսօրվա մարիխուանան ավելի ուժեղ է, քան նախկինում էր։ Դրա հետևանքով դեռահասների զարգացող ուղեղի վրա այն ավելի շատ է ազդում։ 07.01.2024, Sputnik Արմենիա
2024-01-07T19:07+0400
2024-01-07T19:07+0400
2024-01-07T19:42+0400
մարիխուանա
դեռահաս
ամն
գիտնական
https://cdn.am.sputniknews.ru/img/07e8/01/0a/71021128_0:84:1600:984_1920x0_80_0_0_ab90fe2d23472ee02a5a149087ea8903.jpg
ԵՐԵՎԱՆ, 7 հունվարի - Sputnik. 12-17 տարեկան դեռահասների միայն 35%-ն է «այո» պատասխանել հարցին, թե արդյոք մարիխուանա ծխելը, նույնիսկ ոչ հաճախ (շաբաթական 1 կամ 2 անգամ) լուրջ վտանգներ է ստեղծել առողջության համար։ Այս մասին են վկայում Կախվածության և հոգեկան առողջության ԱՄՆ ազգային վարչակազմի (Substance Abuse and Mental Health Services Administration) անցկացրած հարցման արդյունքները։ Տեղեկությունը հայտնում է Science News-ը։Հատկանշական է, որ այդ ռիսկերը միշտ չէ, որ գիտակցում են այդ երեխաների ծնողները, որոնք կարծում են, թե ավելի լավ է մարիխուանա, քան ծանր թմրանյութեր։ «Խնդիրն այն է, որ այսօրվա մարիխուանան այն չէ, ինչ եղել է նրանց դպրոցական տարիներին«,– նշում է Օքլենդից (Կալիֆոռնիա) Kaiser Permanente հետազոտական կենտրոնի կլինիկական հոգեբան Կելլի Յանգ-Վոլֆը։ Անցած տարիների ընթացքում կանեփը, որը աճեցվում էր մարիխուանայի համար, սելեկցիայի էր ենթարկվում, և այսօր ավելի շատ կաննաբինոիդներ է պարունակում։ 1995 թվականին ԱՄՆ-ում մարիխուանա ստանալու համար աճեցվող կանեփում THC կաննաբինոիդի միջին տոկոսը կազմում էր մոտ 4%, այսօր ծխախոտ կա, որը դրանից պարունակում է 20 և ավելի տոկոս, իսկ վեյփերի համար մարիխուանայի խտանյութերը կարող են մինչև 95% THC պարունակել։Դեռահասի ուեղը մինչև վերջ ձևավորված չէ, և նրանում շարունակում են ձևավորվել նեյրոնների միացություններ, այսինքն` ուղեղը դեռ սովորում է մշակել տեղեկությունը։ THC-ն ազդում է CB1 կոչվող ուղեղի զգայարանների վրա, որոնք մասնակցում են այնպիսի գործընթացներին, ինչպիսիք են հիշողությունն ու մոտիվացիան։ Բացի այդ, ազդեցության գոտում է հայտնվում նախաճակատային կեղևը, ուղեղի բաժին, որը կարևոր դեր է խաղում խնդիրների լուծումների որոնման և հուզական վիճակի կարգավորման հարցում։ Այս եզրահանգումներն են ստացվել և՛ կենդանիների ուղեղի լաբորատոր ուսումնասիրման ժամանակ, և՛ ՄՌՏ-ի ճանապարհով, որն անցկացվել է 14-19 տարեկան մոտ 800 դեռահասների և պատանիների մոտ։ 5 տարուց ավելի մարիխուանա օգտագործողների շրջանում արագացված դիստրոֆիա է նկատվել։«Երեխաներին մարիխուանայի վնասը բացատրել դժվար է նաև այն պատճառով, որ հաճախ այն օգտագործում են նաև նրանց ծնողները, որպես հակադեպրեսանտ»,– նշում է Յանգ-Վոլֆը։ Այնուամենայնիվ, հարցումները ցույց են տալիս, որ երբ թմրանյութի ազդեցությունն անցնում է, ընկճախտը վերադառնում է, ինչն էլ արատավոր կախվածություն է ստեղծում։ՀՀ–ում բժշկական մարիխուանան արգելված է. ԱՄՆ դեսպանատունը նախազգուշացրել է ամերիկացիներին
ամն
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
մարիխուանա, դեռահաս, ամն, գիտնական
մարիխուանա, դեռահաս, ամն, գիտնական
Մարիխուանան վտանգավոր է, հատկապես դեռահասների համար․ նոր ուսումնասիրություն ԱՄՆ-ում
19:07 07.01.2024 (Թարմացված է: 19:42 07.01.2024) Սելեկցիայի պատճառով այսօրվա մարիխուանան ավելի ուժեղ է, քան նախկինում էր։ Դրա հետևանքով դեռահասների զարգացող ուղեղի վրա այն ավելի շատ է ազդում։
ԵՐԵՎԱՆ, 7 հունվարի - Sputnik. 12-17 տարեկան դեռահասների միայն 35%-ն է «այո» պատասխանել հարցին, թե արդյոք մարիխուանա ծխելը, նույնիսկ ոչ հաճախ (շաբաթական 1 կամ 2 անգամ) լուրջ վտանգներ է ստեղծել առողջության համար։ Այս մասին են վկայում Կախվածության և հոգեկան առողջության ԱՄՆ ազգային վարչակազմի (Substance Abuse and Mental Health Services Administration) անցկացրած հարցման արդյունքները։ Տեղեկությունը հայտնում է Science News-ը։
Հատկանշական է, որ այդ ռիսկերը միշտ չէ, որ գիտակցում են այդ երեխաների ծնողները, որոնք կարծում են, թե ավելի լավ է մարիխուանա, քան ծանր թմրանյութեր։ «Խնդիրն այն է, որ այսօրվա մարիխուանան այն չէ, ինչ եղել է նրանց դպրոցական տարիներին«,– նշում է Օքլենդից (Կալիֆոռնիա) Kaiser Permanente հետազոտական կենտրոնի կլինիկական հոգեբան Կելլի Յանգ-Վոլֆը։ Անցած տարիների ընթացքում կանեփը, որը աճեցվում էր մարիխուանայի համար, սելեկցիայի էր ենթարկվում, և այսօր ավելի շատ կաննաբինոիդներ է պարունակում։ 1995 թվականին ԱՄՆ-ում մարիխուանա ստանալու համար աճեցվող կանեփում THC կաննաբինոիդի միջին տոկոսը կազմում էր մոտ 4%, այսօր ծխախոտ կա, որը դրանից պարունակում է 20 և ավելի տոկոս, իսկ վեյփերի համար մարիխուանայի խտանյութերը կարող են մինչև 95% THC պարունակել։
ԱՄՆ-ում մեծահասակներին մարիխուանա օգտագործել թույլատրվում է 4 նահանգներում և Կոլումբիա դաշնային օկրուգում, ևս 14 նահանգներում՝ միայն բժշկական նպատակներով։ «Նման լիբերալ ռեժիմը տպավորություն է ստեղծում, թե մարիխուանան անվնաս է, սակայն իրականում այն կարող է ճակատագրական ազդեցություն ունենալ ուղեղի քիմիական գործընթացների վրա»,- նշում է Վաշինգտոնի համալսարանից (Սիեթլ) Էլիզաբեթ Հեբելը։
Դեռահասի ուեղը մինչև վերջ ձևավորված չէ, և նրանում շարունակում են ձևավորվել նեյրոնների միացություններ, այսինքն` ուղեղը դեռ սովորում է մշակել տեղեկությունը։ THC-ն ազդում է CB1 կոչվող ուղեղի զգայարանների վրա, որոնք մասնակցում են այնպիսի գործընթացներին, ինչպիսիք են հիշողությունն ու մոտիվացիան։ Բացի այդ, ազդեցության գոտում է հայտնվում նախաճակատային կեղևը, ուղեղի բաժին, որը կարևոր դեր է խաղում խնդիրների լուծումների որոնման և հուզական վիճակի կարգավորման հարցում։ Այս եզրահանգումներն են ստացվել և՛ կենդանիների ուղեղի լաբորատոր ուսումնասիրման ժամանակ, և՛ ՄՌՏ-ի ճանապարհով, որն անցկացվել է 14-19 տարեկան մոտ 800 դեռահասների և պատանիների մոտ։ 5 տարուց ավելի մարիխուանա օգտագործողների շրջանում արագացված դիստրոֆիա է նկատվել։
«Երեխաներին մարիխուանայի վնասը բացատրել դժվար է նաև այն պատճառով, որ հաճախ այն օգտագործում են նաև նրանց ծնողները, որպես հակադեպրեսանտ»,– նշում է Յանգ-Վոլֆը։ Այնուամենայնիվ, հարցումները ցույց են տալիս, որ երբ թմրանյութի ազդեցությունն անցնում է, ընկճախտը վերադառնում է, ինչն էլ արատավոր կախվածություն է ստեղծում։
