https://arm.sputniknews.ru/20240106/sirvov-kberen-ete-berelu-tegh-lini-fivoletvovvo-gjughum-arajin-angam-kbacvi-mankapartez-70807259.html
Սիրով կբերեն, եթե բերելու տեղ լինի․ Ֆիոլետովո գյուղում առաջին անգամ կբացվի մանկապարտեզ
Սիրով կբերեն, եթե բերելու տեղ լինի․ Ֆիոլետովո գյուղում առաջին անգամ կբացվի մանկապարտեզ
Sputnik Արմենիա
Գյուղում մսուր-մանկապարտեղ դեռ չկա, բայց դպրոցին կից արդեն գործում է նախապատրաստական խումբ՝ 5-6 տարեկան երեխաների համար: Գրեթե բոլոր ծնողները երեխաներին բերում... 06.01.2024, Sputnik Արմենիա
2024-01-06T13:50+0400
2024-01-06T13:50+0400
2024-01-06T13:51+0400
ֆիոլետովո
մանկապարտեզ
հայաստան
մոլոկաններ
https://cdn.am.sputniknews.ru/img/750/55/7505594_0:0:3368:1895_1920x0_80_0_0_d7a41ad20feb0eaa30fbd899b8f0a885.jpg
ԵՐԵՎԱՆ, 5 հունվարի – Sputnik, Արամ Գարեգինյան. ՀՀ Լոռու մարզի մոլոկանների Ֆիոլետովո գյուղի նոր մանկապարտեզը, որի համար կառավարությունը հողամաս է հատկացրել, առաջինը կլինի գյուղի գոյության ողջ ընթացքում: Տեղեկությունը Sputnik Արմենիայի հետ զրույցում հայտնեց գյուղի դպրոցի տնօրեն Արամ Ղազարյանը։Ղազարյանը պարզաբանեց, որ մանկապարտեզի համար նախատեսված 1 300 քմ հողատարածքը հատկացվել է դպրոցին կից տարածքից և կկառուցվի «զրոյից», ոչ թե հնի փոխարեն։ Միևնույն ժամանակ նա նշեց, որ դպրոցին կից գործում է նախապատրաստական խումբ 5-6 տարեկան երեխաների համար, սակայն գրաֆիկը կարճ է՝ առավոտից մինչև կեսօր, ճաշի ընդմիջումով։ Իսկ մանկապարտեզում (որտեղ գործելու է նաև մսուրը) ծնողները կարող են երեխաներին թողնել երկարօրյա գրաֆիկով` կեսօրի քնով և 2–անգամյա սնունդով։«Հարևան գյուղերում՝ Լերմոնտովոյում և Մարգահովիտում, մանկապարտեզներ կան, միայն մենք չենք ունեցել, բայց շուտով կունենանք», - ավելացրեց Ղազարյանը:Մոլոկանների Ֆիոլետովո գյուղում 180–ամյա փայտե տնակի վրա QR կոդով հուշատախտակ է տեղադրվելՆշենք, որ Լերմոնտովո գյուղը նույնպես կարելի է ռուսական անվանել (գյուղի բնակիչների կեսը ռուս են), ուստի տեղի բնակիչները բացառում են ենթադրություններն այն մասին, որ իրենց գյուղը «զրկել են» մանկապարտեզից՝ ելնելով ազգային պատկանելությունից:Ղազարյանն իր հերթին հերքում է այն ենթադրությունները, թե տեղի բնակիչները, իբր, մերժում են նախադպրոցական դաստիարակությունը կրոնական համոզմունքներից ելնելով (քանի որ պատկանում են մոլոկանների հին ծիսականության հոսանքին):Նա ավելացրեց, որ այժմ նախադպրոցական խումբը նախատեսված է 24 երեխայի համար, սակայն անհրաժեշտության դեպքում կարող է ընդլայնվել։Ֆիոլետովո և Լերմոնտովո գյուղերը հիմնադրվել են 1820-ական թվականներին Ռուսաստանից աքսորված հավատացյալ մոլոկանների կողմից (մինչև խորհրդային իշխանությունը դրանք կոչվում էին Նիկիտինո և Վոսկրեսենովկա):Ճի՞շտ է, որ Փաշինյանը պատասխանում է նամակներին. ինչպես հեղափոխությունը շրջանցեց ՖիոլետովոնՆշենք, որ նոր մանկապարտեզի կառուցմանը կաջակցի Հայաստանում «Ռոսսոտրուդնիչեստվո» դաշնային գործակալության ներկայացուցչությունը (հայտնի է նաև որպես Ռուսական տուն):
ֆիոլետովո
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ֆիոլետովո , մանկապարտեզ, հայաստան, մոլոկաններ
ֆիոլետովո , մանկապարտեզ, հայաստան, մոլոկաններ
Սիրով կբերեն, եթե բերելու տեղ լինի․ Ֆիոլետովո գյուղում առաջին անգամ կբացվի մանկապարտեզ
13:50 06.01.2024 (Թարմացված է: 13:51 06.01.2024) Գյուղում մսուր-մանկապարտեղ դեռ չկա, բայց դպրոցին կից արդեն գործում է նախապատրաստական խումբ՝ 5-6 տարեկան երեխաների համար: Գրեթե բոլոր ծնողները երեխաներին բերում են այստեղ, ինչը հերքում է անհիմն լուրերը, թե իբր մոլոկանները մերժում են նախադպրոցական դաստիարակությունը:
ԵՐԵՎԱՆ, 5 հունվարի – Sputnik, Արամ Գարեգինյան. ՀՀ Լոռու մարզի մոլոկանների Ֆիոլետովո գյուղի
նոր մանկապարտեզը, որի համար կառավարությունը հողամաս է հատկացրել, առաջինը կլինի գյուղի գոյության ողջ ընթացքում: Տեղեկությունը
Sputnik Արմենիայի հետ զրույցում հայտնեց գյուղի դպրոցի տնօրեն Արամ Ղազարյանը։
Ղազարյանը պարզաբանեց, որ մանկապարտեզի համար նախատեսված 1 300 քմ հողատարածքը հատկացվել է դպրոցին կից տարածքից և կկառուցվի «զրոյից», ոչ թե հնի փոխարեն։ Միևնույն ժամանակ նա նշեց, որ դպրոցին կից գործում է նախապատրաստական խումբ 5-6 տարեկան երեխաների համար, սակայն գրաֆիկը կարճ է՝ առավոտից մինչև կեսօր, ճաշի ընդմիջումով։ Իսկ մանկապարտեզում (որտեղ գործելու է նաև մսուրը) ծնողները կարող են երեխաներին թողնել երկարօրյա գրաֆիկով` կեսօրի քնով և 2–անգամյա սնունդով։
«Հարևան գյուղերում՝ Լերմոնտովոյում և Մարգահովիտում, մանկապարտեզներ կան, միայն մենք չենք ունեցել, բայց շուտով կունենանք», - ավելացրեց Ղազարյանը:
Նշենք, որ Լերմոնտովո գյուղը նույնպես կարելի է ռուսական անվանել (գյուղի բնակիչների կեսը ռուս են), ուստի տեղի բնակիչները բացառում են ենթադրություններն այն մասին, որ իրենց գյուղը «զրկել են» մանկապարտեզից՝ ելնելով ազգային պատկանելությունից:
Ղազարյանն իր հերթին հերքում է այն ենթադրությունները, թե տեղի բնակիչները, իբր, մերժում են նախադպրոցական դաստիարակությունը կրոնական համոզմունքներից ելնելով (քանի որ պատկանում են մոլոկանների հին ծիսականության հոսանքին):
«Մեր նախապատրաստական խումբ են բերում 5-6 տարեկան երեխաների 90%-ին, ինչու՞ մանկապարտեզ չպետք է տանեն»,- նշեց դպրոցի տնօրենը:
Նա ավելացրեց, որ այժմ նախադպրոցական խումբը նախատեսված է 24 երեխայի համար, սակայն անհրաժեշտության դեպքում կարող է ընդլայնվել։
Ֆիոլետովո և Լերմոնտովո գյուղերը հիմնադրվել են 1820-ական թվականներին Ռուսաստանից աքսորված հավատացյալ մոլոկանների կողմից (մինչև խորհրդային իշխանությունը դրանք կոչվում էին Նիկիտինո և Վոսկրեսենովկա):
Նշենք, որ նոր մանկապարտեզի կառուցմանը կաջակցի Հայաստանում «Ռոսսոտրուդնիչեստվո» դաշնային գործակալության ներկայացուցչությունը (հայտնի է նաև որպես Ռուսական տուն):
