https://arm.sputniknews.ru/20231229/shat-enq-ushanum-pvokhnakharary-manramasnel-e-erb-kavarten-aeki-erku-karevvor-nakhagtsery-70632312.html
«Շատ ենք ուշանում». փոխնախարարը մանրամասնել է` երբ կավարտեն ԱԷԿ–ի երկու կարևոր նախագծերը
«Շատ ենք ուշանում». փոխնախարարը մանրամասնել է` երբ կավարտեն ԱԷԿ–ի երկու կարևոր նախագծերը
Sputnik Արմենիա
ՀՀ տարածքային կառավարման և ենթակառուցվածքների փոխնախարարը մանրամասներ է հայտնել ԱԷԿ–ում նախատեսված նախագծերի վերաբերյալ: 29.12.2023, Sputnik Արմենիա
2023-12-29T16:07+0400
2023-12-29T16:07+0400
2023-12-29T16:07+0400
ատոմակայան
գնել սանոսյան
ռուսաստան
հայաստան
https://cdn.am.sputniknews.ru/img/1589/68/15896828_0:152:1600:1052_1920x0_80_0_0_f83fcb1c9442115aa09f0b5a15ff525a.jpg
ԵՐԵՎԱՆ, 29 դեկտեմբերի – Sputnik. Հայկական ԱԷԿ–ում 2024–2025 թթ. ավարտին կհասցվի երկու կարևոր նախագծի իրականացում։ Այս մասին լրագրողների հետ տերեվերջյան հանդիպման ժամանակ ասաց ՀՀ տարածքային կառավարման և ենթակառուցվածքների փոխնախարար Հակոբ Վարդանյանը։Առաջին նախագիծը նոր բաշխիչ ցանցի կառուցումն է, որտեղի կայանից էլեկտրաէներգիան մատակարարվում է բարձրավոլտ ցանցին։ Հին ցանցը կառուցվել է դեռ 1974 թ., որի մաշվածության պատճառով էլեկտրաէներգիայի մատակարարումը պարբերաբար խափանվում էր, և պատկան մարմինները ստիպված էին լինում ավելի հաճախ վերանորոգել այն։Երկրորդ նախագիծը, ըստ նրա` հովացման աշտարակների վերանորոգումն է: Ատոմակայանում կա չորս հովացման աշտարակ։ Քանի որ կայանի երկու ԱԷԿ բլոկներից միայն մեկն է շահագործվում, հովացման աշտարակներից աշխատում են ոչ թե չորսը, այլ երկուսը: Վերանորոգումից հետո կայանը կաշխատի ավելի մեծ հզորությամբ, քան նախկինում ՝ առանց գերտաքացման վտանգի։«Կառուցապատողը որոշակի ուշացում է թույլ տվել աշխատանքում, բայց կարծում եմ ՝ հաջորդ տարի ամեն ինչ կավարտվի», – վստահեցրեց փոխնախարարը:Նախարար Գնել Սանոսյանն իր հերթին նկատեց, որ նախագծի իրականացումն ուշանում է։ Այս դեպքում նախարարությունը կանգնած է երկընտրանքի առաջ՝ կա՛մ թույլ տալ կապալառուին շարունակել աշխատանքը, կա՛մ նոր մրցույթ հայտարարել։Նշենք, որ հայկական «Մ Գրուպ» ընկերությունը երկու աշտարակների վերանորոգումը պետք է ավարտեր դեռ 2022 թ., սակայն դրանք դեռ ընթացքի մեջ են։Հիշեցնենք, որ Հայկական ԱԷԿ–ի շահագործման ժամկետի երկարաձգման համար վերանորոգումն ավելի վաղ իրականացվել էր ռուսական 270 մլն դոլար վարկի և 30 մլն դոլար դրամաշնորհի միջոցներով: Վարկային ծրագրով նախատեսված աշխատանքների մեծ մասը կատարվել է, սակայն հետո համաձայնագիրը կասեցվել է, և աշխատանքների ֆինանսավորումը շարունակվել է Հայաստանի պետբյուջեի միջոցներով:Այս տարվա դեկտեմբերին «Ռուսատոմ Սերվիսը» և Հայկական ԱԷԿ–ը համաձայնագիր ստորագրեցին, որով ռուսական ընկերությունը կղեկավարի ԱԷԿ–ի շահագործման ժամկետի կրկնակի երկարաձգման աշխատանքները՝ 2026–2036 թթ.:2023 թվականին 803 կմ ճանապարհ է ասֆալտապատվել կամ սալարկվել. Սանոսյան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ատոմակայան, գնել սանոսյան , ռուսաստան, հայաստան
ատոմակայան, գնել սանոսյան , ռուսաստան, հայաստան
«Շատ ենք ուշանում». փոխնախարարը մանրամասնել է` երբ կավարտեն ԱԷԿ–ի երկու կարևոր նախագծերը
ՀՀ տարածքային կառավարման և ենթակառուցվածքների փոխնախարարը մանրամասներ է հայտնել ԱԷԿ–ում նախատեսված նախագծերի վերաբերյալ:
ԵՐԵՎԱՆ, 29 դեկտեմբերի – Sputnik. Հայկական ԱԷԿ–ում 2024–2025 թթ. ավարտին կհասցվի երկու կարևոր նախագծի իրականացում։ Այս մասին լրագրողների հետ տերեվերջյան հանդիպման ժամանակ ասաց ՀՀ տարածքային կառավարման և ենթակառուցվածքների փոխնախարար Հակոբ Վարդանյանը։
Առաջին նախագիծը նոր բաշխիչ ցանցի կառուցումն է, որտեղի կայանից էլեկտրաէներգիան մատակարարվում է բարձրավոլտ ցանցին։ Հին ցանցը կառուցվել է դեռ 1974 թ., որի մաշվածության պատճառով էլեկտրաէներգիայի մատակարարումը պարբերաբար խափանվում էր, և պատկան մարմինները ստիպված էին լինում ավելի հաճախ վերանորոգել այն։
«Նոր սարքի կառուցման աշխատանքներն ընթանում են ըստ ժամանակացույցի, ավարտը նախատեսված է 2025 թ.։ Ավելացնեմ, որ անկախության տարիների ընթացքում առաջին անգամ մենք զրոյից նման նոր կառույց ենք կառուցում»,– նշեց Վարդանյանը։
Երկրորդ նախագիծը, ըստ նրա` հովացման աշտարակների վերանորոգումն է: Ատոմակայանում կա չորս հովացման աշտարակ։ Քանի որ կայանի երկու ԱԷԿ բլոկներից միայն մեկն է շահագործվում, հովացման աշտարակներից աշխատում են ոչ թե չորսը, այլ երկուսը: Վերանորոգումից հետո կայանը կաշխատի ավելի մեծ հզորությամբ, քան նախկինում ՝ առանց գերտաքացման վտանգի։
«Կառուցապատողը որոշակի ուշացում է թույլ տվել աշխատանքում, բայց կարծում եմ ՝ հաջորդ տարի ամեն ինչ կավարտվի», – վստահեցրեց փոխնախարարը:
Նախարար Գնել Սանոսյանն իր հերթին նկատեց, որ նախագծի իրականացումն ուշանում է։ Այս դեպքում նախարարությունը կանգնած է երկընտրանքի առաջ՝ կա՛մ թույլ տալ կապալառուին շարունակել աշխատանքը, կա՛մ նոր մրցույթ հայտարարել։
Նշենք, որ հայկական «Մ Գրուպ» ընկերությունը երկու աշտարակների վերանորոգումը պետք է ավարտեր դեռ 2022 թ., սակայն դրանք դեռ ընթացքի մեջ են։
Սանոսյանի խոսքով` նախատեսվում էր 2024 թ. կայանում ևս մի շարք աշխատանքներ կիրականացվեն, որոնց համար կնախատեսվի 4,5 մլրդ դրամի վարկ։
Հիշեցնենք, որ Հայկական ԱԷԿ–ի շահագործման ժամկետի երկարաձգման համար վերանորոգումն ավելի վաղ իրականացվել էր ռուսական 270 մլն դոլար վարկի և 30 մլն դոլար դրամաշնորհի միջոցներով: Վարկային ծրագրով նախատեսված աշխատանքների մեծ մասը կատարվել է, սակայն հետո համաձայնագիրը կասեցվել է, և աշխատանքների ֆինանսավորումը շարունակվել է Հայաստանի պետբյուջեի միջոցներով:
Այս տարվա դեկտեմբերին «Ռուսատոմ Սերվիսը» և Հայկական ԱԷԿ–ը համաձայնագիր ստորագրեցին, որով ռուսական ընկերությունը կղեկավարի ԱԷԿ–ի շահագործման ժամկետի կրկնակի երկարաձգման աշխատանքները՝ 2026–2036 թթ.:
