https://arm.sputniknews.ru/20231214/rusakan-kvoghmn-yndunel-e-hrhi-ardzanagrats-khakhtumneri-pasty-bta-nakhararutjun-70064850.html
Ռուսական կողմն ընդունել է ՀՌՀ–ի արձանագրած խախտումների փաստը. ԲՏԱ նախարարություն
Ռուսական կողմն ընդունել է ՀՌՀ–ի արձանագրած խախտումների փաստը. ԲՏԱ նախարարություն
Sputnik Արմենիա
Պայմանավորվածություն է ձեռք բերվել քայլեր ձեռնարկել համաձայնագրի բոլոր կետերի պատշաճ պահպանման ուղղությամբ: 14.12.2023, Sputnik Արմենիա
2023-12-14T18:50+0400
2023-12-14T18:50+0400
2023-12-14T18:50+0400
հեռուստատեսություն
հեռուստատեսության և ռադիոյի հանձնաժողով (հռահ)
ռուսաստան
խախտում
https://cdn.am.sputniknews.ru/img/07e7/0b/02/68112651_0:0:1600:901_1920x0_80_0_0_cb786151e56646b40587621d34ffe742.jpg
ԵՐԵՎԱՆ, 14 դեկտեմբերի – Sputnik. Հայաստանի հեռուստատեսության և ռադիոյի հանձնաժողովի արձանագրած խախտումների փաստը ռուսական կողմը ընդունել է, ինչի արդյունքում երկու երկրների միջև ստորագրվել է համատեղ հայտարարություն։ Այս մասին հայտնում է ՀՀ ԲՏԱ նախարարությունը։Համատեղ հայտարարությունը ստորագվել է այսօր Երևանում ՀՀ բարձր տեխնոլոգիական արդյունաբերության և ՌԴ թվային զարգացման, կապի և զանգվածային հաղորդակցության նախարարությունների միջև երկկողմ խորհրդակցությունների արդյունքով։Հիշեցնենք` իշխող «Քաղաքացիական պայմանագիր» խմբակցության պատգամավոր Լուսինե Բադալյանը շաբաթներ առաջ հայտարարել էր, որ անհրաժեշտ է անջատել ռուսական հեռուստաալիքները «հակահայկական կոնտենտի» պատճառով, որը վտանգ է ներկայացնում երկրի ազգային անվտանգության համար: Նա նաև նշել էր, որ նման նախաձեռնության քննարկումն անցկացվում է արդեն տևական ժամանակ և քննարկման կդրվի Ազգային ժողովում:Ռուսական հեռուստաալիքների փակման հարց հիմա չի քննարկվում․ ԲՏԱ նախարարՌԴ Դաշնային խորհրդի միջազգային հարցերով կոմիտեի ղեկավար Գրիգորի Կարասինն անդրադարձել էր ՔՊ–ական պատգամավորի հայտարարություններին և ասել, որ համոզված է` ՀՀ–ում նման լցոնումները աջակցություն չեն գտնի և չեն խաթարի երկու ժողովուրդների դարավոր բարեկամության հիմքերը՝ ի շահ ինչ-որ քաղաքական կոնյունկտուրայի։ՀՀ վարչապետ Նիկոլ Փաշինյանը դրանից հետո հայտնել էր հայկական կողմի հրավերի մասին և հույս հայտնել, որ այդ խորհրդակցությունները հնարավորինս արագ տեղի կունենան, որպեսզի հնարավոր լինի հարցերը կարգավորել աշխատանքային, նորմալ, բարեկամական մթնոլորտում։Հավելենք, որ զանգվածային հեռահաղորդակցության ոլորտում համագործակցության մասին համաձայնագիրը Հայաստանի և Ռուսաստանի կառավարությունների միջև գործում է 2020թ․ դեկտեմբերի 30-ից։ Այն կարգավորում է ռուսական ալիքների հեռարձակումը Հայաստանում, հայկական հեռուստաալիքներինը` ՌԴ–ում։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հեռուստատեսություն, հեռուստատեսության և ռադիոյի հանձնաժողով (հռահ), ռուսաստան, խախտում
հեռուստատեսություն, հեռուստատեսության և ռադիոյի հանձնաժողով (հռահ), ռուսաստան, խախտում
Ռուսական կողմն ընդունել է ՀՌՀ–ի արձանագրած խախտումների փաստը. ԲՏԱ նախարարություն
Պայմանավորվածություն է ձեռք բերվել քայլեր ձեռնարկել համաձայնագրի բոլոր կետերի պատշաճ պահպանման ուղղությամբ:
ԵՐԵՎԱՆ, 14 դեկտեմբերի – Sputnik. Հայաստանի հեռուստատեսության և ռադիոյի հանձնաժողովի արձանագրած խախտումների փաստը ռուսական կողմը ընդունել է, ինչի արդյունքում երկու երկրների միջև ստորագրվել է համատեղ հայտարարություն։ Այս մասին հայտնում է
ՀՀ ԲՏԱ նախարարությունը։
Համատեղ հայտարարությունը ստորագվել է այսօր Երևանում ՀՀ բարձր տեխնոլոգիական արդյունաբերության և ՌԴ թվային զարգացման, կապի և զանգվածային հաղորդակցության նախարարությունների միջև երկկողմ խորհրդակցությունների արդյունքով։
Պայմանավորվածություն է ձեռք բերվել քայլեր ձեռնարկել համաձայնագրի բոլոր կետերի պատշաճ պահպանման ուղղությամբ:
Հիշեցնենք` իշխող «Քաղաքացիական պայմանագիր» խմբակցության պատգամավոր Լուսինե Բադալյանը շաբաթներ առաջ հայտարարել էր, որ անհրաժեշտ է անջատել ռուսական հեռուստաալիքները «հակահայկական կոնտենտի» պատճառով, որը վտանգ է ներկայացնում երկրի ազգային անվտանգության համար: Նա նաև նշել էր, որ նման նախաձեռնության քննարկումն անցկացվում է արդեն տևական ժամանակ և քննարկման կդրվի Ազգային ժողովում:
ՌԴ Դաշնային խորհրդի միջազգային հարցերով կոմիտեի ղեկավար Գրիգորի Կարասինն անդրադարձել էր ՔՊ–ական պատգամավորի հայտարարություններին և ասել, որ համոզված է` ՀՀ–ում նման լցոնումները աջակցություն չեն գտնի և չեն խաթարի երկու ժողովուրդների դարավոր բարեկամության հիմքերը՝ ի շահ ինչ-որ քաղաքական կոնյունկտուրայի։
ՀՀ վարչապետ Նիկոլ Փաշինյանը դրանից հետո հայտնել էր հայկական կողմի հրավերի մասին և հույս հայտնել, որ այդ խորհրդակցությունները
հնարավորինս արագ տեղի կունենան, որպեսզի հնարավոր լինի հարցերը կարգավորել աշխատանքային, նորմալ, բարեկամական մթնոլորտում։
Հավելենք, որ զանգվածային հեռահաղորդակցության ոլորտում համագործակցության մասին համաձայնագիրը Հայաստանի և Ռուսաստանի կառավարությունների միջև գործում է 2020թ․ դեկտեմբերի 30-ից։ Այն կարգավորում է ռուսական ալիքների հեռարձակումը Հայաստանում, հայկական հեռուստաալիքներինը` ՌԴ–ում։
