https://arm.sputniknews.ru/20231030/vostikanutjan-zvorqery-kaparazmakanacven-fidanjany-apaga-gvardiaji-gvortsarujtneri-masin-67963500.html
Ոստիկանության զորքերը կապառազմականացվեն. Ֆիդանյանը` ապագա գվարդիայի գործառույթների մասին
Ոստիկանության զորքերը կապառազմականացվեն. Ֆիդանյանը` ապագա գվարդիայի գործառույթների մասին
Sputnik Արմենիա
Ոստիկանության գվարդիայի ստեղծմանը զուգահեռ հիմնովին կվերանայվեն ոստիկանության տարածքային բաժինների գործառույթները։ 30.10.2023, Sputnik Արմենիա
2023-10-30T15:23+0400
2023-10-30T15:23+0400
2023-10-30T15:38+0400
արա ֆիդանյան
հհ ոստիկանություն
ոստիկանության ազգային գվարդիա
աժ (ազգային ժողով)
բյուջե
https://cdn.am.sputniknews.ru/img/07e7/05/1d/60326516_0:34:1600:935_1920x0_80_0_0_3fb3c421eb380f58cdba216743234bd6.jpg
ԵՐԵՎԱՆ, 30 հոկտեմբերի – Sputnik. ՀՀ ներքին գործերի նախարարության ոստիկանության զորքերը կապառազմականացվեն։ Այս մասին ԱԺ պաշտպանության և անվտանգության մշտական հանձնաժողովի նիստում 2024 թվականի պետական բյուջեի քննարկումների ժամանակ ասաց ՀՀ ներքին գործերի նախարարության գլխավոր քարտուղար Արա Ֆիդանյանը։Նա ներկայացրեց առաջիկայում ստեղծվող ոստիկանության գվարդիայի գործառույթները։Նրա խոսքով` արդյունքում կստեղծվի զուտ ոստիկանական ծառայություն` միջազգային չափանիշներին համապատասխան նոր սպառազինությամբ և վերապատրաստված անձնակազմով։ՆԳՆ գլխավոր քարտուղարն ընդգծեց, որ համապատասխան օրինագծերը նախապատրաստման վերջնական փուլում են. դրանք Ազգային ժողովին կներկայացվեն իրավասու մարմինների և քաղաքացիական հասարակության հետ քննարկումներից հետո:Բացի այդ, Ֆիդանյանը տեղեկացրեց, որ սկզբունքորեն վերանայվելու են ոստիկանության տարածքային մարմինների գործառույթներն ու աշխատանքը: Աշխատանքը կենտրոնանալու է հանցագործությունների կանխարգելման վրա։«Հայեցակարգի համաձայն՝ Երևանում և մարզերում մարզային վարչությունների փոխարեն կձևավորվեն քրեական ոստիկանության գլխավոր վարչության ենթակայությամբ գործող ստորաբաժանումներ, որոնք կզբաղվեն ծանր և առանձնապես ծանր հանցագործությունների բացահայտման օպերատիվ հետախուզական միջոցառումներով»,- ասաց Ֆիդանյանը:2023 թվականի մարտին ՆԳՆ ղեկավար Վահե Ղազարյանը հայտնել էր, որ ՆԳՆ վերջնական կազմավորումից հետո ոստիկանության զորքերը կվերածվեն ոստիկանական գվարդիայի։Հիշեցնենք, որ ներքին գործերի նախարարությունը ՀՀ–ում ստեղծվել է 2023 թվականի հունվարի 1-ից, որտեղ ներառվել են արտակարգ իրավիճակների նախարարությունը, ինչպես նաև միգրացիոն ծառայությունը։Ոստիկանության պարեկային ծառայությունը մի քանի օրից կգործի ՀՀ ամբողջ տարածքում. Ղազարյան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
արա ֆիդանյան, հհ ոստիկանություն, ոստիկանության ազգային գվարդիա, աժ (ազգային ժողով), բյուջե
արա ֆիդանյան, հհ ոստիկանություն, ոստիկանության ազգային գվարդիա, աժ (ազգային ժողով), բյուջե
Ոստիկանության զորքերը կապառազմականացվեն. Ֆիդանյանը` ապագա գվարդիայի գործառույթների մասին
15:23 30.10.2023 (Թարմացված է: 15:38 30.10.2023) Ոստիկանության գվարդիայի ստեղծմանը զուգահեռ հիմնովին կվերանայվեն ոստիկանության տարածքային բաժինների գործառույթները։
ԵՐԵՎԱՆ, 30 հոկտեմբերի – Sputnik. ՀՀ ներքին գործերի նախարարության ոստիկանության զորքերը կապառազմականացվեն։ Այս մասին ԱԺ պաշտպանության և անվտանգության մշտական հանձնաժողովի նիստում 2024 թվականի պետական բյուջեի քննարկումների ժամանակ ասաց ՀՀ ներքին գործերի նախարարության գլխավոր քարտուղար Արա Ֆիդանյանը։
Նա ներկայացրեց առաջիկայում ստեղծվող ոստիկանության գվարդիայի գործառույթները։
«2024 թվականին նախատեսվում է ապառազմականացնել ոստիկանության զորքերը, և վերակազմակերպել այն ոստիկանության գվարդիայի։ Այդ ստորաբաժանմանը կվերապահվեն հասարակական կարգի և անվտանգության պահպանման, պետական շենքերի և կարևորագույն օբյեկտների պահպանության, պետական արարողակարգի շրջանակներում պատվիրակության ուղեկցման, ինչպես նաև ռազմական և արտակարգ դրության իրավական ռեժիմի ապահովման և այլ գործառույթներ»,– ասաց Ֆիդանյանը։
Նրա խոսքով` արդյունքում կստեղծվի զուտ ոստիկանական ծառայություն` միջազգային չափանիշներին համապատասխան նոր սպառազինությամբ և վերապատրաստված անձնակազմով։
ՆԳՆ գլխավոր քարտուղարն ընդգծեց, որ համապատասխան օրինագծերը նախապատրաստման վերջնական փուլում են. դրանք Ազգային ժողովին կներկայացվեն իրավասու մարմինների և քաղաքացիական հասարակության հետ քննարկումներից հետո:
Բացի այդ, Ֆիդանյանը տեղեկացրեց, որ սկզբունքորեն վերանայվելու են ոստիկանության տարածքային մարմինների գործառույթներն ու աշխատանքը: Աշխատանքը կենտրոնանալու է հանցագործությունների կանխարգելման վրա։
«Հայեցակարգի համաձայն՝ Երևանում և մարզերում մարզային վարչությունների փոխարեն կձևավորվեն քրեական ոստիկանության գլխավոր վարչության ենթակայությամբ գործող ստորաբաժանումներ, որոնք կզբաղվեն ծանր և առանձնապես ծանր հանցագործությունների բացահայտման օպերատիվ հետախուզական միջոցառումներով»,- ասաց Ֆիդանյանը:
Նրա խոսքով` ներկայիս տարածքային բաժանմունքները կվերակազմակերպվեն համայնքային ոստիկանության։ Նրանք զբաղվելու են ոչ ծանր և միջին ծանրության հանցագործություններով։ Դրանց գործառույթներից է լինելու ընտանեկան բռնության դեպքերի դեմ պայքարը, անչափահասների կողմից հանցագործությունների կանխարգելումը։
2023 թվականի մարտին ՆԳՆ ղեկավար Վահե Ղազարյանը հայտնել էր, որ ՆԳՆ վերջնական կազմավորումից հետո ոստիկանության զորքերը կվերածվեն ոստիկանական գվարդիայի։
Հիշեցնենք, որ ներքին գործերի նախարարությունը ՀՀ–ում ստեղծվել է 2023 թվականի հունվարի 1-ից, որտեղ ներառվել են արտակարգ իրավիճակների նախարարությունը, ինչպես նաև միգրացիոն ծառայությունը։
