https://arm.sputniknews.ru/20231014/isk-duq-meghr-khmel-eq-vanadzvorum-nvorararakan-bazhaknervov-ympeliq-e-hajtnvel-67265803.html
Իսկ դուք մեղր խմե՞լ եք. Վանաձորում նորարարական բաժակներով ըմպելիք է հայտնվել
Իսկ դուք մեղր խմե՞լ եք. Վանաձորում նորարարական բաժակներով ըմպելիք է հայտնվել
Sputnik Արմենիա
Կրկնակի հատակով բաժակներում ջուրն ու հիմնական բաղադրիչը (մեղր, սուրճի փոշի, օշարակ և այլն) առանձին են պահվում: Բաժակի հատակին սեղմելիս միջնապատը ճեղքվում է, և... 14.10.2023, Sputnik Արմենիա
2023-10-14T18:51+0400
2023-10-14T18:51+0400
2023-10-14T18:51+0400
հայաստան
վանաձոր
ըմպելիք
մեղր
ջուր
վաճառք
երևան
տիգրան հարությունյան
https://cdn.am.sputniknews.ru/img/07e7/0a/0a/67117619_0:149:1601:1049_1920x0_80_0_0_43421e1fec7c3c26c4d19cd14cb62b81.jpg
ԵՐԵՎԱՆ, 14 հոկտեմբերի – Sputnik, Արամ Գարեգինյան. Վանաձորցի Տիգրան Հարությունյանը հեղինակային բաժակներով մեղրային ըմպելիքի արտադրություն է բացել: Նա մասնագիտությամբ նկարիչ է, մի քանի տարի դասավանդել է տեղի արվեստի դպրոցում (քոլեջում), այնուհետև Վանաձորի Դրամատիկական թատրոնի գլխավոր բեմանկարիչն է եղել։ Բայց նրա հորինած բաժակները ոչ թե գեղարվեստական, այլ ինժեներական նորույթ են։Երեք տարի ժամանակ է պահանջվել, որպեսզի Տիգրանն ավարտին հասցնի կոնստրուկցիան և արտոնագրի։ Ընդամենը մեկ ամիս առաջ է հաջողվել արտադրություն սկսել։ Առաջին օրինակները ներկայացվել են վերջերս Երևանում կայացած «PanArmenian Expo» ցուցահանդեսում։Բաժակը ստեղծելիս Տիգրանին ոգեշնչել են զավակները, որոնք ամեն առավոտ խնդրել են մեղրաջուր պատրաստել իրենց համար։ Նա էլ սկսել է մտածել՝ կարելի է միանգամից մեծ քանակով մեղրաջուր սարքել և պահել, օրինակ, բանկաներում, ինչպես կոմպոտը։ Բայց ծանոթները բացատրել են, որ ջրին խառնած մեղրը սկսում է թթվել և վերածվում է ալկոհոլային խմիչքի։ Եվ Տիգրանը որոշել է կրկնակի հատակով բաժակ սարքել, որում ջուրն ու մեղրը մինչև օգտագործելը չեն խառնվի։Բաժակը կարող էր և չհնարվել, եթե Տիգրանին չօգնեին տեղացի ինժեներները, որոնք խորհրդային տարիներին աշխատել են Վանաձորի «Էլեկտրոն» գործարանում։ Թիմը ստիպված է եղել մոտ մեկ տասնյակ փորձարկումներ անել, մինչև հաջողվել է բաժակների վրա պլաստմասսայից կոճակ տեղադրել։ Այն սեղմելիս ներսում գտնվող «միջնորմը», որ բաժանում է մեղրն ու ջուրը, խառնվում է։ Մնում է միայն թափահարել բաժակն ու մի քիչ սպասել։Կրթել մասնագետներ, որոնց չունենք. Մերգելյանի հայտնի աշակերտի նախագիծը ՀայաստանումՄեղրը, որը ոչ մի նորարարությամբ չես փոխարինի, Տիգրանի համար բերում են Լոռու մարզի Ահնիձոր և Վահագնաձոր անտառային գյուղերից, որտեղ ապրում են նրա հորեղբայրները։ Առայժմ ըմպելիքը վաճառվում է միայն Վանաձորի խանութներում, ինչն էլ տեղացիներին հնարավորություն է տալիս հերթական անգամ հայտարարելու․ «Էդ ձեր Երևանում սենց բան կգտնե՞ք»։Տիգրանը մտադիր է տեսականին ընդլայնել և իր ֆիրմային բաժակներով նաև լուծվող սուրճ վաճառել։ Այդ և այլ ըմպելիքների պահպանման ժամկետը կարող է մի քանի անգամ աճել, քանի որ հիմնական բաղադրիչը մինչև օգտագործման պահը չոր է մնում։Հաջորդ քայլը բաժակների սերիական արտադրություն սկսելն է՝ թե՛ սեփական արտադրանքի, թե՛ այլ ցանկացողների համար՝ խմիչք կամ գուցե դեղամիջոցներ արտադրողների:Զուգահեռ նա ցանկանում է վաճառք սկսել Երևանում։ Ժամանակին որպես էներգետիկ ըմպելիք առաջարկել է ֆիտնես ակումբներին, բայց, իր իսկ խոստովանությամբ, մարկետինգին ուշադրություն չի դարձրել` փաթեթավորումն այնքան ներկայանալի չի թվում, որքան արտասահմանյան բրենդային ըմպելիքներինը։ Հիմա Տիգրանն ուզում է երևանցիներին երկրորդ շանս տալ։Հավելենք, որ իր ստեղծած կոնստրուկցիան նա արդեն արտոնագրել է Հայաստանում և ավարտում է գրանցումը Ժնևի արտոնագրման բյուրոյում։Գազի բալոնները Վանաձորից արտահանվում են Ռուսաստան, Հարավային Աֆրիկա և․․․ երկինք
վանաձոր
երևան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, վանաձոր, ըմպելիք, մեղր, ջուր, վաճառք, երևան, տիգրան հարությունյան
հայաստան, վանաձոր, ըմպելիք, մեղր, ջուր, վաճառք, երևան, տիգրան հարությունյան
Իսկ դուք մեղր խմե՞լ եք. Վանաձորում նորարարական բաժակներով ըմպելիք է հայտնվել
Կրկնակի հատակով բաժակներում ջուրն ու հիմնական բաղադրիչը (մեղր, սուրճի փոշի, օշարակ և այլն) առանձին են պահվում: Բաժակի հատակին սեղմելիս միջնապատը ճեղքվում է, և նյութերը խառնվում են: Առայժմ այդպիսի ըմպելիք կարելի է համտեսել միայն Վանաձորում։
ԵՐԵՎԱՆ, 14 հոկտեմբերի – Sputnik, Արամ Գարեգինյան. Վանաձորցի Տիգրան Հարությունյանը հեղինակային բաժակներով մեղրային ըմպելիքի արտադրություն է բացել: Նա մասնագիտությամբ նկարիչ է, մի քանի տարի դասավանդել է տեղի արվեստի դպրոցում (քոլեջում), այնուհետև Վանաձորի Դրամատիկական թատրոնի գլխավոր բեմանկարիչն է եղել։ Բայց նրա հորինած բաժակները ոչ թե գեղարվեստական, այլ ինժեներական նորույթ են։
Երեք տարի ժամանակ է պահանջվել, որպեսզի Տիգրանն ավարտին հասցնի կոնստրուկցիան և արտոնագրի։ Ընդամենը մեկ ամիս առաջ է հաջողվել արտադրություն սկսել։ Առաջին օրինակները ներկայացվել են վերջերս Երևանում կայացած «PanArmenian Expo» ցուցահանդեսում։
Բաժակը ստեղծելիս Տիգրանին ոգեշնչել են զավակները, որոնք ամեն առավոտ խնդրել են մեղրաջուր պատրաստել իրենց համար։ Նա էլ սկսել է մտածել՝ կարելի է միանգամից մեծ քանակով մեղրաջուր սարքել և պահել, օրինակ, բանկաներում, ինչպես կոմպոտը։ Բայց ծանոթները բացատրել են, որ ջրին խառնած մեղրը սկսում է թթվել և վերածվում է ալկոհոլային խմիչքի։ Եվ Տիգրանը որոշել է կրկնակի հատակով բաժակ սարքել, որում ջուրն ու մեղրը մինչև օգտագործելը չեն խառնվի։
Բաժակը կարող էր և չհնարվել, եթե Տիգրանին չօգնեին տեղացի ինժեներները, որոնք խորհրդային տարիներին աշխատել են Վանաձորի «Էլեկտրոն» գործարանում։ Թիմը ստիպված է եղել մոտ մեկ տասնյակ փորձարկումներ անել, մինչև հաջողվել է բաժակների վրա պլաստմասսայից կոճակ տեղադրել։ Այն սեղմելիս ներսում գտնվող «միջնորմը», որ բաժանում է մեղրն ու ջուրը, խառնվում է։ Մնում է միայն թափահարել բաժակն ու մի քիչ սպասել։
Մեղրը, որը ոչ մի նորարարությամբ չես փոխարինի, Տիգրանի համար բերում են Լոռու մարզի Ահնիձոր և Վահագնաձոր անտառային գյուղերից, որտեղ ապրում են նրա հորեղբայրները։ Առայժմ ըմպելիքը վաճառվում է միայն Վանաձորի խանութներում, ինչն էլ տեղացիներին հնարավորություն է տալիս հերթական անգամ հայտարարելու․ «Էդ ձեր Երևանում սենց բան կգտնե՞ք»։
Տիգրանը մտադիր է տեսականին ընդլայնել և իր ֆիրմային բաժակներով նաև լուծվող սուրճ վաճառել։ Այդ և այլ ըմպելիքների պահպանման ժամկետը կարող է մի քանի անգամ աճել, քանի որ հիմնական բաղադրիչը մինչև օգտագործման պահը չոր է մնում։
«Սովորական սուրճի պահպանման ժամկետը 15-40 օր է, իսկ այսպիսի բաժակում կարող է 9 ամիս լինել, եթե, իհարկե, ջուրը ֆիլտրված է և ուլտրամանուշակագույն ճառագայթումով մանրէազերծված»,-պարզաբանում է Հարությունյանը։
Հաջորդ քայլը բաժակների սերիական արտադրություն սկսելն է՝ թե՛ սեփական արտադրանքի, թե՛ այլ ցանկացողների համար՝ խմիչք կամ գուցե դեղամիջոցներ արտադրողների:
Զուգահեռ նա ցանկանում է վաճառք սկսել Երևանում։ Ժամանակին որպես էներգետիկ ըմպելիք առաջարկել է ֆիտնես ակումբներին, բայց, իր իսկ խոստովանությամբ, մարկետինգին ուշադրություն չի դարձրել` փաթեթավորումն այնքան ներկայանալի չի թվում, որքան արտասահմանյան բրենդային ըմպելիքներինը։ Հիմա Տիգրանն ուզում է երևանցիներին երկրորդ շանս տալ։
Հավելենք, որ իր ստեղծած կոնստրուկցիան նա արդեն արտոնագրել է
Հայաստանում և ավարտում է գրանցումը Ժնևի արտոնագրման բյուրոյում։
