https://arm.sputniknews.ru/20230913/hh-inqnishkhan-taratsqi-okupacumic-1-tari-anc-adrbejany-patzhvats-che-agn-65772422.html
ՀՀ ինքնիշխան տարածքի օկուպացումից 1 տարի անց Ադրբեջանը պատժված չէ. ԱԳՆ
ՀՀ ինքնիշխան տարածքի օկուպացումից 1 տարի անց Ադրբեջանը պատժված չէ. ԱԳՆ
Sputnik Արմենիա
Հայաստանը վերահաստատում է իր առաջարկը զորքերի հայելային հետքաշման մասին։ 13.09.2023, Sputnik Արմենիա
2023-09-13T22:10+0400
2023-09-13T22:10+0400
2023-09-13T22:16+0400
սահմանային խախտումներ. իրադրությունը սյունիքում և գեղարքունիքում
հայաստան
արտաքին գործերի նախարարություն (ագն)
հհ արտաքին գործերի նախարարություն. ագն
հայ-ադրբեջանական
ադրբեջան
https://cdn.am.sputniknews.ru/img/2325/74/23257477_0:0:1600:901_1920x0_80_0_0_f0528d49cc1e1172f03ab427581acbbb.jpg
ԵՐԵՎԱՆ, 13 սեպտեմբերի–Sputnik. Մեկ տարի առաջ այս օրը՝ սեպտեմբերի 13-ին, Ադրբեջանի զինված ուժերը ռազմական ագրեսիա ձեռնարկեցին Հայաստանի Հանրապետության ինքնիշխան տարածքի նկատմամբ՝ օկուպացնելով շուրջ 150 կմ քառ տարածք։ ՀՀ արտաքին գործերի նախարարությունը հիշեցնում է, որ ադրբեջանական այս ագրեսիային նախորդել էին 2021թ. մայիս և նոյեմբեր ամիսներին ՀՀ ինքնիշխան տարածք ներխուժումն ու օկուպացիան։Ագրեսիայի ընթացքում Ադրբեջանը թիրախավորել էր բնակավայրեր, քաղաքացիական և բնապահպանական ենթակառուցվածքներ` կիրառելով խոշոր տրամաչափի զինատեսակներ և անօդաչու սարքեր։ Ադրբեջանի վերահսկողության տակ անցած տարածքներում խոշտանգվել են հայ զինծառայողների, այդ թվում՝ կանանց մարմիններ։ ԱԳՆ–ից շեշտում են` ադրբեջանական ռազմական հանցագործությունները պետք է արժանանան նաև միջազգային հստակ իրավական քննության և համընդհանուր գնահատականի։Ավելացել են Ադրբեջանի կողմից ՀՀ զինված ուժերի դիրքերի թիրախավորման և ԼՂ-ում հրադադարի ռեժիմի խախտման դեպքերը:Հայաստանի Հանրապետությունը բարձր է գնահատում այն գործընկերների հայտարարությունները և գործողությունները, որոնք մեկ տարի առաջ հստակորեն արձանագրեցին ՀՀ տարածքային ամբողջականության խախտման փաստը։ Նրանք նաև ընդգծեցին Ադրբեջանի կողմից ուժի կիրառման անթույլատրելիությունը՝ որպես հետագայում նման գործելաոճի կանխման հստակ ուղերձ:ՀՀ արտաքին քաղաքական գերատեսչությունը շեշտում է` Ադրբեջանի զինված ուժերը պետք է դուրս բերվեն ՀՀ ինքնիշխան տարածքից։ ՀՀ-ն վերահաստատում է իր առաջարկը` իրականացնել զորքերի հայելային հետքաշում Հայաստանի և Ադրբեջանի միջև միջպետական սահմանից՝ հիմք ընդունելով 1975թ. ԽՍՀՄ ԳՇ քարտեզները։Գերատեսչությունից ակնկալում են, որ տարածաշրջանում խաղաղությամբ և անվտանգությամբ շահագրգռված դերակատարները, այդ հարցում մանդատ ունեցող կառույցները կձեռնարկեն բոլոր ջանքերը և կկիրառեն բոլոր մեխանիզմները՝ կանխելու մեր տարածաշրջանում հերթական ապակայունացման, ուժի անօրինական կիրառման փորձերը:Հիշեցնենք` Ադրբեջանի ԶՈւ ստորաբաժանումները 2022–ի սեպտեմբերի 13-ից Գորիսի, Սոթքի և Ջերմուկի ուղղությամբ ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ:Սեպտեմբերի 14-ին ադրբեջանցիները կրկին հրետակոծել են Ջերմուկն ու Վերին Շորժան, իսկ ավելի ուշ մարտերը վերսկսվել են նաև Սյունիքի մարզի Իշխանասարի հատվածում։Նիկոլ Փաշինյանը սեպտեմբերի 16–ի կառավարության նիստի ժամանակ հայտնեց, որ հայկական կողմի զոհերի ճշտված թիվը 135 է։
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
սահմանային խախտումներ. իրադրությունը սյունիքում և գեղարքունիքում, հայաստան, արտաքին գործերի նախարարություն (ագն), հհ արտաքին գործերի նախարարություն. ագն, հայ-ադրբեջանական, ադրբեջան
սահմանային խախտումներ. իրադրությունը սյունիքում և գեղարքունիքում, հայաստան, արտաքին գործերի նախարարություն (ագն), հհ արտաքին գործերի նախարարություն. ագն, հայ-ադրբեջանական, ադրբեջան
ՀՀ ինքնիշխան տարածքի օկուպացումից 1 տարի անց Ադրբեջանը պատժված չէ. ԱԳՆ
22:10 13.09.2023 (Թարմացված է: 22:16 13.09.2023) Հայաստանը վերահաստատում է իր առաջարկը զորքերի հայելային հետքաշման մասին։
ԵՐԵՎԱՆ, 13 սեպտեմբերի–Sputnik. Մեկ տարի առաջ այս օրը՝ սեպտեմբերի 13-ին, Ադրբեջանի զինված ուժերը ռազմական ագրեսիա ձեռնարկեցին Հայաստանի Հանրապետության ինքնիշխան տարածքի նկատմամբ՝ օկուպացնելով շուրջ 150 կմ քառ տարածք։
ՀՀ արտաքին գործերի նախարարությունը հիշեցնում է, որ ադրբեջանական այս ագրեսիային նախորդել էին 2021թ. մայիս և նոյեմբեր ամիսներին ՀՀ ինքնիշխան տարածք ներխուժումն ու օկուպացիան։
Ագրեսիայի ընթացքում Ադրբեջանը թիրախավորել էր բնակավայրեր, քաղաքացիական և բնապահպանական ենթակառուցվածքներ` կիրառելով խոշոր տրամաչափի զինատեսակներ և անօդաչու սարքեր։ Ադրբեջանի վերահսկողության տակ անցած տարածքներում խոշտանգվել են հայ զինծառայողների, այդ թվում՝ կանանց մարմիններ։ ԱԳՆ–ից շեշտում են` ադրբեջանական ռազմական հանցագործությունները պետք է արժանանան նաև միջազգային հստակ իրավական քննության և համընդհանուր գնահատականի։
«Առաջնորդվելով անպատժելիության զգացումով՝ Ադրբեջանն այսօր էլ շարունակում է վտանգել խաղաղությունը և կայունությունը Հարավային Կովկասում. այս օրերին սոցիալական ցանցերում տարածվում են բազմաթիվ տեսանյութեր, որոնք վկայում են, որ Ադրբեջանը զորք և խոշոր տրամաչափի զինտեխնիկա է կուտակում ինչպես ՀՀ հետ պետական սահմանի, այնպես էլ ԼՂ հետ շփման գծի երկայնքով՝ ռուսական խաղաղապահ զորախմբի պատասխանատվության գոտու մերձակայքում»,– նշված է հաղորդագրության մեջ։
Ավելացել են Ադրբեջանի կողմից ՀՀ զինված ուժերի դիրքերի թիրախավորման և ԼՂ-ում հրադադարի ռեժիմի խախտման դեպքերը:
Հայաստանի Հանրապետությունը բարձր է գնահատում այն գործընկերների հայտարարությունները և գործողությունները, որոնք մեկ տարի առաջ հստակորեն արձանագրեցին ՀՀ տարածքային ամբողջականության խախտման փաստը։ Նրանք նաև ընդգծեցին Ադրբեջանի կողմից ուժի կիրառման անթույլատրելիությունը՝ որպես հետագայում նման գործելաոճի կանխման հստակ ուղերձ:
ՀՀ արտաքին քաղաքական գերատեսչությունը շեշտում է` Ադրբեջանի զինված ուժերը պետք է դուրս բերվեն ՀՀ ինքնիշխան տարածքից։ ՀՀ-ն վերահաստատում է իր առաջարկը` իրականացնել զորքերի հայելային հետքաշում Հայաստանի և Ադրբեջանի միջև միջպետական սահմանից՝ հիմք ընդունելով 1975թ. ԽՍՀՄ ԳՇ քարտեզները։
Գերատեսչությունից ակնկալում են, որ տարածաշրջանում խաղաղությամբ և անվտանգությամբ շահագրգռված դերակատարները, այդ հարցում մանդատ ունեցող կառույցները կձեռնարկեն բոլոր ջանքերը և կկիրառեն բոլոր մեխանիզմները՝ կանխելու մեր տարածաշրջանում հերթական ապակայունացման, ուժի անօրինական կիրառման փորձերը:
Հիշեցնենք` Ադրբեջանի ԶՈւ ստորաբաժանումները 2022–ի սեպտեմբերի 13-ից Գորիսի, Սոթքի և Ջերմուկի ուղղությամբ
ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ:
Նիկոլ Փաշինյանը սեպտեմբերի 16–ի կառավարության նիստի ժամանակ հայտնեց, որ
հայկական կողմի զոհերի ճշտված թիվը 135 է։
