Հայ դպրոցականները 3 բրոնզե մեդալ են նվաճել ինֆորմատիկայի միջազգային 35-րդ օլիմպիադայում
13:46 04.09.2023 (Թարմացված է: 13:48 04.09.2023)
© Photo : official site of MESCS of RA / IOIՀայ դպրոցականները 3 բրոնզե մեդալ են նվաճել ինֆորմատիկայի միջազգային 35-րդ օլիմպիադայում
Հայ դպրոցականները 3 բրոնզե մեդալ են նվաճել ինֆորմատիկայի միջազգային 35-րդ օլիմպիադայում
© Photo : official site of MESCS of RA / IOI
Բաժանորդագրվել
Հայաստանը ներկայացրել են ֆիզմաթ դպրոցի և «Քվանտ» վարժարանի աշակերտները։
ԵՐԵՎԱՆ, 4 սեպտեմբերի – Sputnik. Հայաստանը ներկայացնող դպրոցականները 3 բրոնզե մեդալ են նվաճել ինֆորմատիկայի միջազգային 35-րդ օլիմպիադայում, որը օգոստոսի 28-ից սեպտեմբերի 4-n անցկացվել է Հունգարիայի Սեգեդ քաղաքում։ Տեղեկությունը հայտնում է ՀՀ կրթության, գիտության, մշակույթի և սպորտի նախարարությունը։
Օլիմպիադային մասնակցել է 89 երկրի 355 աշակերտ: Յուրաքանչյուր երկիր կարող էր ներկայացնել առավելագույնը 4 աշակերտ։ Հայաստանի թիմը ներկայացրել են Ա. Շահինյանի անվան ֆիզմաթ հատուկ դպրոցի (Սամվել Աբելյան, 12-րդ դասարան և Ծովակ Եգորյան, 10-րդ դասարան) և «Քվանտ» վարժարանի (Համլետ Պետրոսյան, 12-րդ դասարան և Գագիկ Գևորգյան, 10-րդ դասարան) աշակերտները։
«ՀՀ թիմից բրոնզե մեդալների են արժանացել Ա. Շահինյանի անվան ֆիզմաթ հատուկ դպրոցի աշակերտներ Ծովակ Եգորյանը ու Սամվել Աբելյանը, ինչպես նաև «Քվանտ» վարժարանի աշակերտ Գագիկ Գևորգյանը»,– ասված է հաղորդագրությունում։
© Photo : official site of MESCS of RA / IOIՀայ դպրոցականները 3 բրոնզե մեդալ են նվաճել ինֆորմատիկայի միջազգային 35-րդ օլիմպիադայում
Հայ դպրոցականները 3 բրոնզե մեդալ են նվաճել ինֆորմատիկայի միջազգային 35-րդ օլիմպիադայում
© Photo : official site of MESCS of RA / IOI
Հայաստանի թիմը ղեկավարել են ԵՊՀ-ից Արմեն Անդրեասյանը և Սամվել Անդրեասյանը։
Օլիմպիադան անցկացվել է 2 փուլով՝ յուրաքանչյուրում 3-ական առաջադրանք։
Հիշեցնենք, որ 2022 թ. Հայաստանի թիմը ինֆորմատիկայի 34-րդ օլիմպիադայում, որն անցկացվել էր Ինդոնեզիայում, արժանացել էր 2 բրոնզե մեդալի։