https://arm.sputniknews.ru/20230818/erekhanerin-hvogebanakan-ajakcutjun-e-petq-masnagety-skandalajin-depqi-masin-64605819.html
Երեխաներին հոգեբանական աջակցություն է պետք. մասնագետը` սկանդալային դեպքի մասին
Երեխաներին հոգեբանական աջակցություն է պետք. մասնագետը` սկանդալային դեպքի մասին
Sputnik Արմենիա
Կարինե Նալչաջյանը նշեց, որ բռնության ենթարկված աղջիկը և այդ ընտանիքի մյուս երեխաները մեծացել են մայրական և հայրական աղավաղված սիմվոլիկայով։ 18.08.2023, Sputnik Արմենիա
2023-08-18T19:30+0400
2023-08-18T19:30+0400
2023-08-18T19:40+0400
կարինե նալչաջյան
բռնություն
հոգեբան
սեռական բռնություն
երեխա
https://cdn.am.sputniknews.ru/img/07e7/08/12/64588833_0:0:1600:901_1920x0_80_0_0_653229f7dbf00a71b434e3a53a0e6ee9.jpg
ԵՐԵՎԱՆ, 18 օգոստոսի – Sputnik. Գավառում ծեծի և նվաստացման դեպքը աղջկա և այդ ընտանիքի մյուս երեխաների կյանքում առաջին և միակը չի եղել, նրանց անպայման հոգեբանական աջակցություն է պետք։ Այս մասին Sputnik Արմենիայի հետ զրույցում ասաց հոգեբան Կարինե Նալչաջյանը։Նշենք, որ օգոստոսի 18-ին համացանցում տեսանյութ է տարածվել, որտեղ մի կին բռնության է ենթարկում անչափահաս աղջկան, մյուս երեխաներին ներգրավում է, որպեսզի այդ աղջկան նվաստացնեն:«Սա չի կարող իրենց կյանքում միակ նմանատիպ էպիզոդը լինել, այդ երեխաների կյանքն ընթացել է աղավաղված, սադիստական և անմարդկային մթնոլորտում։ Երեխաները միայն սոցիալական իմաստով չէ, որ խոցելի են։ Այդ երեխաները մեծացել են մայրական և հայրական աղավաղված սիմվոլիկայով, քույրերն էլ բռնություն են կիրառում, նվաստացուցիչ արարքներ են գործում իրենց մյուս քրոջ նկատմամբ։ Սա մեկ անգամ տեղի ունեցած դեպք չէ, ուղղակի հիմա հանրայնացել է։ Երեխաների հետ հիմա պետք է հոգեբանական լուրջ աշխատանքներ տանել` նրանց հոգեկան աշխարհը պետք է հնարավորինս ներդաշնակ դարձնել»,– նշեց Նալչաջյանը։ Երեխային այլ երկիր տանելը բարդ գործընթաց կլինի. Նելլի Դուրյանը` սկանդալային դեպքի մասինՆրա խոսքով` երեխաների մոտ կնոջ, ծնողների կերպարի, ընտանեկան դերերի փոխհարաբերությունների մասին բացարձակ այլ պատկերացումներ են։ Հոգեբանը շեշտեց, որ մանկությունը շատ զգայուն շրջան է, սակայն լինում են գերզգայուն շրջաններ և դա բաց թողնելու դեպքում հետո անհնարին է լինում կորցրածը վերականգնել։Ըստ Նալչաջյանի` երեխաները պետք է մասնագիտական միջավայրում լինեն, որպեսզի հետագայում էլ հասարակության թիրախ չդառնան ու կրկնակի հարված չստանան։Հարցին` արդյոք հնարավո՞ր է չնկատել այն, որ երեխաները նմանատիպ միջավայրում են ապրում, մեծանում, քանի որ նրանց ընտանիքը հասարակությունից թաքնված չի եղել, նա ընդգծեց` գուցե այդ երեխաներին սպառնացել են, որպեսզի նրանք չխոսեն այդ մասին։ Վստահեցրեց` երեխաներին կարելի է առավելագույնս օգնել, քանի որ միջոցներն ու մեթոդները կան, պետությունն էլ պետք է թիկունք կանգնի նրանց։Մեր դիտարկմանը, թե ինչու հենց հիմա տարածվեց այս տեսանյութը, քանի որ կադրերում երևում է, որ ջեռուցում է միացրած տանը, հագուստն էլ չի համապատասխանում ներկայիս եղանակին, Նալչաջյանը շեշտեց` ամենայն հավանականությամբ, ՀՀ–ում և Արցախում տիրող իրավիճակից մարդկանց շեղելու փորձ է։ Նրա պնդմամբ` այսօր հայությունը հիբրիդային պատերազմի թիրախում է, որը հոգեբանական բաղադրիչ ունի, քանի որ հոգեբանական հատուկ և լավ մշակված օպերացիաներ են իրականացվում։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
կարինե նալչաջյան, բռնություն, հոգեբան, սեռական բռնություն, երեխա
կարինե նալչաջյան, բռնություն, հոգեբան, սեռական բռնություն, երեխա
Երեխաներին հոգեբանական աջակցություն է պետք. մասնագետը` սկանդալային դեպքի մասին
19:30 18.08.2023 (Թարմացված է: 19:40 18.08.2023) Կարինե Նալչաջյանը նշեց, որ բռնության ենթարկված աղջիկը և այդ ընտանիքի մյուս երեխաները մեծացել են մայրական և հայրական աղավաղված սիմվոլիկայով։
ԵՐԵՎԱՆ, 18 օգոստոսի – Sputnik. Գավառում ծեծի և նվաստացման դեպքը աղջկա և այդ ընտանիքի մյուս երեխաների կյանքում առաջին և միակը չի եղել, նրանց անպայման հոգեբանական աջակցություն է պետք։ Այս մասին
Sputnik Արմենիայի հետ զրույցում ասաց հոգեբան Կարինե Նալչաջյանը։
Նշենք, որ օգոստոսի 18-ին համացանցում
տեսանյութ է տարածվել, որտեղ մի կին բռնության է ենթարկում անչափահաս աղջկան, մյուս երեխաներին ներգրավում է, որպեսզի այդ աղջկան նվաստացնեն:
«Սա չի կարող իրենց կյանքում միակ նմանատիպ էպիզոդը լինել, այդ երեխաների կյանքն ընթացել է աղավաղված, սադիստական և անմարդկային մթնոլորտում։ Երեխաները միայն սոցիալական իմաստով չէ, որ խոցելի են։ Այդ երեխաները մեծացել են մայրական և հայրական աղավաղված սիմվոլիկայով, քույրերն էլ բռնություն են կիրառում, նվաստացուցիչ արարքներ են գործում իրենց մյուս քրոջ նկատմամբ։ Սա մեկ անգամ տեղի ունեցած դեպք չէ, ուղղակի հիմա հանրայնացել է։ Երեխաների հետ հիմա պետք է հոգեբանական լուրջ աշխատանքներ տանել` նրանց հոգեկան աշխարհը պետք է հնարավորինս ներդաշնակ դարձնել»,– նշեց Նալչաջյանը։
Նրա խոսքով` երեխաների մոտ կնոջ, ծնողների կերպարի, ընտանեկան դերերի փոխհարաբերությունների մասին բացարձակ այլ պատկերացումներ են։ Հոգեբանը շեշտեց, որ մանկությունը շատ զգայուն շրջան է, սակայն լինում են գերզգայուն շրջաններ և դա բաց թողնելու դեպքում հետո անհնարին է լինում կորցրածը վերականգնել։
Ըստ Նալչաջյանի` երեխաները պետք է մասնագիտական միջավայրում լինեն, որպեսզի հետագայում էլ հասարակության թիրախ չդառնան ու կրկնակի հարված չստանան։
«Կարծում եմ, որ մեր երկրում կան բռնության ենթարկված, նվաստացված երեխաների համար նախատեսված կենտրոններ, և դեռ ամեն ինչ քանդված չէ։ Ենթադրում եմ, որ տարբեր հաստատությունների ինստիտուցիոնալ հիշողությունը դեռ պահպանվում է, իսկ մասնագետներն իրենց տեղում են»,– ասաց Նալչաջյանը։
Հարցին` արդյոք հնարավո՞ր է չնկատել այն, որ երեխաները նմանատիպ միջավայրում են ապրում, մեծանում, քանի որ նրանց ընտանիքը հասարակությունից թաքնված չի եղել, նա ընդգծեց` գուցե այդ երեխաներին սպառնացել են, որպեսզի նրանք չխոսեն այդ մասին։ Վստահեցրեց` երեխաներին կարելի է առավելագույնս օգնել, քանի որ միջոցներն ու մեթոդները կան, պետությունն էլ պետք է թիկունք կանգնի նրանց։
Մեր դիտարկմանը, թե ինչու հենց հիմա տարածվեց այս տեսանյութը, քանի որ կադրերում երևում է, որ ջեռուցում է միացրած տանը, հագուստն էլ չի համապատասխանում ներկայիս եղանակին, Նալչաջյանը շեշտեց` ամենայն հավանականությամբ, ՀՀ–ում և Արցախում տիրող իրավիճակից մարդկանց շեղելու փորձ է։ Նրա պնդմամբ` այսօր հայությունը հիբրիդային պատերազմի թիրախում է, որը հոգեբանական բաղադրիչ ունի, քանի որ հոգեբանական հատուկ և լավ մշակված օպերացիաներ են իրականացվում։
