https://arm.sputniknews.ru/20230809/prkeq-erekhanerin-amerikahajery-lachini-mijancqi-bacman-pahanjvov-shifi-bnakarani-mvot-en-64134371.html
«Փրկե՛ք երեխաներին». ամերիկահայերը Լաչինի միջանցքի բացման պահանջով Շիֆի բնակարանի մոտ են
«Փրկե՛ք երեխաներին». ամերիկահայերը Լաչինի միջանցքի բացման պահանջով Շիֆի բնակարանի մոտ են
Sputnik Արմենիա
Ամերիկահայերը 3 օր նստացույց են արել ԱՄՆ կոնգրեսականի գրասենյակի մոտ, իսկ այժմ արդեն որոշել են այլ քայլերի դիմել` պահանջելով բացել Արցախի կյանքի ճանապարհը։ 09.08.2023, Sputnik Արմենիա
2023-08-09T11:35+0400
2023-08-09T11:35+0400
2023-08-09T11:36+0400
տեսանյութեր
ամն
լոս անջելես
ադամ շիֆ
լաչինի միջանցք
լեռնային ղարաբաղ
արցախ
https://cdn.am.sputniknews.ru/img/07e7/08/09/64133249_0:0:1600:900_1920x0_80_0_0_670b535a59bf83e4ca87d771b182df6f.jpg
Լոս Անջելեսի Բըրբանք քաղաքում ամերիկահայերն անհնազանդության խաղաղ ակցիա են իրականացնում` ի աջակցություն Արցախի: Նրանք փողոց են փակել և արդեն ԱՄՆ կոնգրեսական Ադամ Շիֆի բնակարանի մոտ են:Նշենք, որ ակցիայի մասնակիցները, մինչ այս, 3 օր նստացույց էին անում Շիֆի գրասենյակի առաջ` կոչ անելով նրան մեկնել Հայաստան` Կոռնիձոր, այնուհետև գնալ նաև Լաչինի միջանցք` տեղում ծանոթանալու իրավիճակին։Արդեն բնակարանի մոտ քաղաքացիները Ադամ Շիֆից պահանջում էին դուրս գալ և խոսել իրենց հետ ու վանկարկում էին, որ ինքը կարող է կանխել նոր ցեղասպանությունը, հայերն իր կարիքն ունեն։Ամերիկահայերը նաև կոչ են անում միջազգային հանրությանը կոշտ արձագանք տալ Ադրբեջանի գործողություններին:Հիշեցնենք` 2022–ի դեկտեմբերի 12-ին քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը Հայաստանին կապող Ստեփանակերտ-Գորիս մայրուղին, որտեղից հեռացան ապրիլի 28-ին, քանի որ ապրիլի 23-ին Ադրբեջանն անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև Հայաստանից մատակարարվող գազից և էլեկտրաէներգիայից։Հուլիսի 26-ին առաջին անհրաժեշտության շուրջ 400 տոննա ապրանքով բեռնված 19 բեռնատար Երևանից ուղևորվեցին ավելի քան 225 օր շրջափակման մեջ գտնվող Արցախ։ Բեռնատարները հասել են Սյունիքի Կոռնիձոր համայնք և մինչ օրս կանգնած են Լաչինի միջանցքի սահմանին։
ամն
լոս անջելես
լաչինի միջանցք
լեռնային ղարաբաղ
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տեսանյութեր, видео, ամն, լոս անջելես, ադամ շիֆ, լաչինի միջանցք, լեռնային ղարաբաղ, արցախ
տեսանյութեր, видео, ամն, լոս անջելես, ադամ շիֆ, լաչինի միջանցք, լեռնային ղարաբաղ, արցախ
«Փրկե՛ք երեխաներին». ամերիկահայերը Լաչինի միջանցքի բացման պահանջով Շիֆի բնակարանի մոտ են
11:35 09.08.2023 (Թարմացված է: 11:36 09.08.2023) Ամերիկահայերը 3 օր նստացույց են արել ԱՄՆ կոնգրեսականի գրասենյակի մոտ, իսկ այժմ արդեն որոշել են այլ քայլերի դիմել` պահանջելով բացել Արցախի կյանքի ճանապարհը։
Լոս Անջելեսի Բըրբանք քաղաքում ամերիկահայերն անհնազանդության խաղաղ ակցիա են իրականացնում` ի աջակցություն Արցախի: Նրանք փողոց են փակել և արդեն ԱՄՆ կոնգրեսական Ադամ Շիֆի բնակարանի մոտ են:
Նշենք, որ ակցիայի մասնակիցները, մինչ այս, 3 օր
նստացույց էին անում Շիֆի գրասենյակի առաջ` կոչ անելով նրան մեկնել Հայաստան` Կոռնիձոր, այնուհետև գնալ նաև Լաչինի միջանցք` տեղում ծանոթանալու իրավիճակին։
Ակցիայի մասնակիցները կոչ են անում պահանջել բացել Արցախի կյանքի ճանապարհը` Լաչինի միջանցքը, կանգնեցնել ցեղասպանությունը: Ակտիվիստներն իրենց ձեռքերում պահում են Հայաստանի և Արցախի դրոշները, ինչպես նաև «Արցախում հումանիտար ճգնաժամ է», «Դադարեցրեք ցեղասպանությունը» և այլ գրառումներով պաստառներ։ Նրանք նաև վանկարկում են` «փրկե՛ք երեխաներին», «դադարեցրե՛ք շրջափակումը», «Արցախը Հայաստան է»։
Արդեն բնակարանի մոտ քաղաքացիները Ադամ Շիֆից պահանջում էին դուրս գալ և խոսել իրենց հետ ու վանկարկում էին, որ ինքը կարող է կանխել նոր ցեղասպանությունը, հայերն իր կարիքն ունեն։
Ամերիկահայերը նաև կոչ են անում միջազգային հանրությանը կոշտ արձագանք տալ Ադրբեջանի գործողություններին:
Հիշեցնենք` 2022–ի դեկտեմբերի 12-ին
քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը Հայաստանին կապող Ստեփանակերտ-Գորիս մայրուղին, որտեղից
հեռացան ապրիլի 28-ին, քանի որ ապրիլի 23-ին Ադրբեջանն
անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև Հայաստանից մատակարարվող գազից և էլեկտրաէներգիայից։
Հուլիսի 26-ին առաջին անհրաժեշտության շուրջ 400 տոննա ապրանքով բեռնված 19 բեռնատար Երևանից
ուղևորվեցին ավելի քան 225 օր շրջափակման մեջ գտնվող Արցախ։ Բեռնատարները հասել են Սյունիքի Կոռնիձոր համայնք և մինչ օրս կանգնած են Լաչինի միջանցքի սահմանին։
