https://arm.sputniknews.ru/20230809/erevancineri-50ic-avelin-chi-havatum-vor-qaghaqapeti-yntrutjunnern-ardar-klinen-harcum-64138807.html
Երևանցիների 50%–ից ավելին չի հավատում, որ քաղաքապետի ընտրություններն արդար կլինեն. հարցում
Երևանցիների 50%–ից ավելին չի հավատում, որ քաղաքապետի ընտրություններն արդար կլինեն. հարցում
Sputnik Արմենիա
Թեպետ հարցումների արդյունքում ակնհայտ առաջատար չկա, բայց ամենաշատ պոտենցիալ ձայներ ստացել է Տիգրան Ավինյանը։ 09.08.2023, Sputnik Արմենիա
2023-08-09T12:47+0400
2023-08-09T12:47+0400
2023-08-09T12:53+0400
հայաստան
երևանի ավագանու ընտրություններ
հարցում
երևանցիներ
տիգրան ավինյան
հայկ մարության
https://cdn.am.sputniknews.ru/img/07e6/07/17/45674280_0:13:1600:913_1920x0_80_0_0_e5adb7818dabe35fd249feb6b4f1674b.jpg
ԵՐԵՎԱՆ, 9 օգոստոսի – Sputnik. Երևանի ավագանու ընտրությունների արդար անցկացմանը չի հավատում հեռախոսային հարցմանը մասնակցած երևանցիների ավելի քան 50 տոկոսը։ Հարցման արդյունքները այսօր հրավիրված ասուլիսի ժամանակ ներկայացրեց «GALLUP International association»-ի հայաստանյան ներկայացուցչության տնօրեն Արամ Նավասարդյանը։Նրա խոսքով` հարցվածների միայն 16,1 տոկոսն է միանշանակ հավատում ընտրությունների արդար անցկացմանը, «ավելի շուտ այո» է պատասխանել 28,9 տոկոսը, «ավելի շուտ ոչ»` 19,9 տոկոսը, «միանշանակ ոչ»` 32,1 տոկոսը, հարցին դժվարացել է պատասխանել 3,3 տոկոսը։ Ըստ Նավասարդյանի` սա ևս կասկածի մասին է խոսում։Հարցման արդյունքում պարզ է դարձել, որ առաջադրված թեկնածուների շարքում միանշանակ ֆավորիտներ չկան։ Մեծամասնությունը` 33, 4 տոկոսը, դժվարացել է պատասխանել հարցին, 11 տոկոսը նշել է, որ ոչ մեկի օգտին չի պատրաստվում քվեարկել, 19,2 տոկոսը որոշել է չմասնակցել քվեարկությանը, 5,7 տոկոսը հրաժարվել է պատասխանել։Մնացած ձայները բաշխվել են տարբեր թեկնածուների միջև։ Ընդ որում` հետազոտությունն իրականացվել է հուլիսի 27–ից մինչև օգոստոսի 5-ը, այսինքն` հիմք է ընդունվել այն հանգամանքը, թե ովքեր են խոսել առհասարակ առաջադրվելու մտադրության մասին։Դաշնակցությունը Երևանի ավագանու ընտրություններին չի մասնակցի. ՀՅԴ ԳՄ«Քաղաքացիական պայմանագրի» կողմից առաջադրված Տիգրան Ավինյանի օգտին քվեարկելու պատրաստակամություն է հայտնել հարցվածների 9,3 տոկոսը, Հայկ Մարությանի օգտին` 3,7 տոկոսը, «Հայաստան» դաշինքի օգտին` 2,8 տոկոսը, «Ապրելու երկիր» կուսակցության կողմից առաջադրված Մանե Թանդիլյանի օգտին` 2,2 տոկոսը, «Լուսավոր Հայաստան» կուսակցության առաջադրած Դավիթ Խաժակյանի օգտին` 2 տոկոսը, ՀՀԿ–ի օգտին` 1,2 տոկոս, «Ուժը հայրենյաց» կուսակցության և Նատալյա Ռոտենբերգի համար պատրաստ է քվեարկել 0,7 տոկոսը, իսկ «Բարգավաճ Հայաստանի» օգտին` 0,1 տոկոսը։Հարցումների ընթացքում նաև փորձել են հասկանալ, թե որոնք են մայրաքաղաքի առջև ծառացած հիմնական խնդիրները։ Առաջին տեղում քաղաքացիներն աղբահանության հարցն են մատնանշել` 33,4 տոկոս, հետո հասարակական տրանսպորտի խնդիրը` 29 տոկոս, բնապահպանական խնդիրները` 7 տոկոս, ճանապարհների վատ վիճակն ու խցանումները` 10,5 տոկոս (անցած տարի այս խնդիրը մատնանշել է հարցվածների 3,9 տոկոսը):Հիշեցնենք` Երևանի ավագանու ընտրությունները նախատեսված են սեպտեմբերի 17-ին:Այս պահի դրությամբ Երևանի ավագանու ընտրություններին մասնակցելու և քաղաքապետի պաշտոնին հավակնելու մասին հայտարարել են հետևյալ անձինք ու քաղաքական ուժերը.
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, երևանի ավագանու ընտրություններ, հարցում, երևանցիներ, տիգրան ավինյան, հայկ մարության
հայաստան, երևանի ավագանու ընտրություններ, հարցում, երևանցիներ, տիգրան ավինյան, հայկ մարության
Երևանցիների 50%–ից ավելին չի հավատում, որ քաղաքապետի ընտրություններն արդար կլինեն. հարցում
12:47 09.08.2023 (Թարմացված է: 12:53 09.08.2023) Թեպետ հարցումների արդյունքում ակնհայտ առաջատար չկա, բայց ամենաշատ պոտենցիալ ձայներ ստացել է Տիգրան Ավինյանը։
ԵՐԵՎԱՆ, 9 օգոստոսի – Sputnik. Երևանի ավագանու ընտրությունների արդար անցկացմանը չի հավատում հեռախոսային հարցմանը մասնակցած երևանցիների ավելի քան 50 տոկոսը։ Հարցման արդյունքները այսօր հրավիրված ասուլիսի ժամանակ ներկայացրեց «GALLUP International association»-ի հայաստանյան ներկայացուցչության տնօրեն Արամ Նավասարդյանը։
Նրա խոսքով` հարցվածների միայն 16,1 տոկոսն է միանշանակ հավատում ընտրությունների արդար անցկացմանը, «ավելի շուտ այո» է պատասխանել 28,9 տոկոսը, «ավելի շուտ ոչ»` 19,9 տոկոսը, «միանշանակ ոչ»` 32,1 տոկոսը, հարցին դժվարացել է պատասխանել 3,3 տոկոսը։ Ըստ Նավասարդյանի` սա ևս կասկածի մասին է խոսում։
«Եթե մենք բացասական տիրույթում պատասխանները գումարենք, կստացվի, որ շուրջ 52-55 տոկոսը չի վստահում արդար ընտրությունների անցկացմանը, ինչը կարևոր խնդիր է. կա թերահավատություն»,– ասաց Նավասարդյանը։
Հարցման արդյունքում պարզ է դարձել, որ առաջադրված թեկնածուների շարքում միանշանակ ֆավորիտներ չկան։ Մեծամասնությունը` 33, 4 տոկոսը, դժվարացել է պատասխանել հարցին, 11 տոկոսը նշել է, որ ոչ մեկի օգտին չի պատրաստվում քվեարկել, 19,2 տոկոսը որոշել է չմասնակցել քվեարկությանը, 5,7 տոկոսը հրաժարվել է պատասխանել։
Մնացած ձայները բաշխվել են տարբեր թեկնածուների միջև։ Ընդ որում` հետազոտությունն իրականացվել է հուլիսի 27–ից մինչև օգոստոսի 5-ը, այսինքն` հիմք է ընդունվել այն հանգամանքը, թե ովքեր են խոսել առհասարակ առաջադրվելու մտադրության մասին։
«Քաղաքացիական պայմանագրի» կողմից առաջադրված Տիգրան Ավինյանի օգտին քվեարկելու պատրաստակամություն է հայտնել հարցվածների 9,3 տոկոսը, Հայկ Մարությանի օգտին` 3,7 տոկոսը, «Հայաստան» դաշինքի օգտին` 2,8 տոկոսը, «Ապրելու երկիր» կուսակցության կողմից առաջադրված Մանե Թանդիլյանի օգտին` 2,2 տոկոսը, «Լուսավոր Հայաստան» կուսակցության առաջադրած Դավիթ Խաժակյանի օգտին` 2 տոկոսը, ՀՀԿ–ի օգտին` 1,2 տոկոս, «Ուժը հայրենյաց» կուսակցության և Նատալյա Ռոտենբերգի համար պատրաստ է քվեարկել 0,7 տոկոսը, իսկ «Բարգավաճ Հայաստանի» օգտին` 0,1 տոկոսը։
Հարցումների ընթացքում նաև փորձել են հասկանալ, թե որոնք են մայրաքաղաքի առջև ծառացած հիմնական խնդիրները։ Առաջին տեղում քաղաքացիներն աղբահանության հարցն են մատնանշել` 33,4 տոկոս, հետո հասարակական տրանսպորտի խնդիրը` 29 տոկոս, բնապահպանական խնդիրները` 7 տոկոս, ճանապարհների վատ վիճակն ու խցանումները` 10,5 տոկոս (անցած տարի այս խնդիրը մատնանշել է հարցվածների 3,9 տոկոսը):
Հիշեցնենք` Երևանի ավագանու ընտրությունները նախատեսված են սեպտեմբերի 17-ին:
Այս պահի դրությամբ Երևանի ավագանու ընտրություններին մասնակցելու և քաղաքապետի պաշտոնին հավակնելու մասին հայտարարել են հետևյալ անձինք ու քաղաքական ուժերը.
Նախկին փոխվարչապետ, այժմ Երևանի փոխքաղաքապետ
Տիգրան Ավինյան (իշխող «Քաղաքացիական պայմանագիր» կուսակցություն),
Երևանի ավագանու «Լույս» խմբակցության ղեկավար
Դավիթ Խաժակյան,
Երևանի Կենտրոն վարչական շրջանի նախկին ղեկավար
Վիկտոր Մնացականյան,
«Ապրելու երկիր» կուսակցության նախագահ
Մանե Թանդիլյան,
«Ազգային առաջընթաց» կուսակցության վարչության անդամ
Հայկ Գրիգորյան,
ՀՀ արդարադատության նախկին նախարար, «Հանրապետություն» կուսակցության քաղխորհրդի անդամ
Արտակ Զեյնալյան,
Տիգրան Արզաքանցյանի «Ուժը Հայրենյաց» կուսակցություն
(ցուցակը գլխավորում է
Նելլի Հարությունյանը),
«Մայր Հայաստան» շարժման համակարգող
Անդրանիկ Թևանյան,
Երևանի նախկին քաղաքապետ
Հայկ Մարության։
