https://arm.sputniknews.ru/20230801/meghrium-hstak-hamadrvats-hamagvortsakcutjun-eghav-rd-sahmanapah-uzheri-het-tvonvojan-63747741.html
Պատերազմի ժամանակ Մեղրիում հստակ համագործակցություն եղավ ՌԴ սահմանապահ ուժերի հետ. Տոնոյան
Պատերազմի ժամանակ Մեղրիում հստակ համագործակցություն եղավ ՌԴ սահմանապահ ուժերի հետ. Տոնոյան
Sputnik Արմենիա
ՀՀ պաշտպանության նախկին նախարարը պատմեց, որ իր աչքերով է տեսել, թե ինչպես է գնդակոծվում ռուսական զորքերի ստորաբաժանման կայանը Մեղրիում։ 01.08.2023, Sputnik Արմենիա
2023-08-01T12:51+0400
2023-08-01T12:51+0400
2023-08-01T12:57+0400
մեղրի
դավիթ տոնոյան
44-օրյա պատերազմի հանգամանքներն ուսումնասիրող քննիչ հանձնաժողով
պատերազմ
https://cdn.am.sputniknews.ru/img/07e7/06/0f/61242047_0:109:1600:1009_1920x0_80_0_0_a2cc2e67ffbf197f75b91e52d64c799d.jpg
ԵՐԵՎԱՆ, 1 օգոստոսի – Sputnik. Ին՞չ էր անում Դավիթ Տոնոյանը` որպես ՀՀ պաշտպանության նախարար, 2020 թ. հոկտեմբերի 21-29–ը Մեղրիում։ ՀՀ ԱԺ 44-օրյա պատերազմի հանգամանքներն ուսումնասիրող քննիչ հանձնաժողովի այսօրվա նիստում Տոնոյանը հայտարարեց, որ Մեղրիում իր գտնվելու գնահատականը կարող է տալ միայն իր վերադասը։Նա պատմեց, որ այդ ժամանակ ՀՀ պետական սահմանից ընդամենը 2-3 կմ հեռավորության վրա արդեն կային բավականին մեծ քանակությամբ զոհեր, վիրավորված էր Մեղրիի համայնքի ղեկավարը, գնդի հրամանատարը, ձևավորվում էր հարավային շրջանի հատուկ հրամանատարություն, որը ղեկավարեց այսօր արդեն գեներալ Գյոզալյանը։Տոնոյանի համոզմամբ` իր` որպես պաշտպանության նախարար, հայտնվելը Մեղրիում բավականին լուրջ ազդեցություն ունեցավ և զինուժի, և բնակչության վրա։Տոնոյանը վստահեցրեց, որ ինչ հնարավոր էր, արվել է Մեղրիում 2020 թ. հոկտեմբերին. մոբիլիզացիայի փոքր խնդիր կար, սակայն դա էլ արագ լուծվեց։Վերջում նա ավելացրեց, որ Մեղրիից հետ է կանչվել ՀՀ վարչապետի կողմից` տեղի իրավիճակը գնահատելուց հետո։Հիշեցնենք, որ 2020 թ. հոկտեմբերի 29–ին ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը հայտնել էր, որ հարավում հակառակորդի հիմնական նպատակը Մեղրին է։ Իսկ ՀՀ վարչապետ Նիկոլ Փաշինյանը հաստատել էր Հայաստանի և Արցախի սահմանին ռուս սահմանապահների տեղակայված լինելու մասին լուրերը։ Նա բացատրել էր, որ ռուս սահմանապահները կանգնած են Թուրքիայի և Իրանի հետ Հայաստանի սահմաններին, և այդպես միշտ է եղել։ Նրա խոսքով` իրադարձությունների վերջին զարգացումների հետ կապված` ռուս սահմանապահները կանգնած են նաև Հայաստանի հարավարևմտյան սահմանին։
մեղրի
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
մեղրի, դավիթ տոնոյան, 44-օրյա պատերազմի հանգամանքներն ուսումնասիրող քննիչ հանձնաժողով, պատերազմ
մեղրի, դավիթ տոնոյան, 44-օրյա պատերազմի հանգամանքներն ուսումնասիրող քննիչ հանձնաժողով, պատերազմ
Պատերազմի ժամանակ Մեղրիում հստակ համագործակցություն եղավ ՌԴ սահմանապահ ուժերի հետ. Տոնոյան
12:51 01.08.2023 (Թարմացված է: 12:57 01.08.2023) ՀՀ պաշտպանության նախկին նախարարը պատմեց, որ իր աչքերով է տեսել, թե ինչպես է գնդակոծվում ռուսական զորքերի ստորաբաժանման կայանը Մեղրիում։
ԵՐԵՎԱՆ, 1 օգոստոսի – Sputnik. Ին՞չ էր անում Դավիթ Տոնոյանը` որպես ՀՀ պաշտպանության նախարար, 2020 թ. հոկտեմբերի 21-29–ը Մեղրիում։ ՀՀ ԱԺ 44-օրյա պատերազմի հանգամանքներն ուսումնասիրող քննիչ հանձնաժողովի այսօրվա նիստում Տոնոյանը հայտարարեց, որ Մեղրիում իր գտնվելու գնահատականը կարող է տալ միայն իր վերադասը։
Նա պատմեց, որ այդ ժամանակ ՀՀ պետական սահմանից ընդամենը 2-3 կմ հեռավորության վրա արդեն կային բավականին մեծ քանակությամբ զոհեր, վիրավորված էր Մեղրիի համայնքի ղեկավարը, գնդի հրամանատարը, ձևավորվում էր հարավային շրջանի հատուկ հրամանատարություն, որը ղեկավարեց այսօր արդեն գեներալ Գյոզալյանը։
Տոնոյանի համոզմամբ` իր` որպես պաշտպանության նախարար, հայտնվելը Մեղրիում բավականին լուրջ ազդեցություն ունեցավ և զինուժի, և բնակչության վրա։
«Այդ ժամանակ ես իմ աչքերով տեսա, թե ինչպես է գնդակոծվում ռուսական զորքերի ստորաբաժանման կայանը Մեղրիում։ Ես ինքս եմ տեսանկարահանել դա։ Այդ ժամանակ Մեղրիում դրոշներ էին դրվում, դրոշներ էին հանվում, ուժեր էին տեղափոխվում։ Ամեն դեպքում ես ունեի նաև այլ գործառույթ` հստակ համադրված համագործակցություն ունենալ ՌԴ սահմանապահ ուժերի հետ, որը հաստատվեց ու շատ լուրջ համագործակցություն եղավ, որի համար ես շատ շնորհակալ եմ։ Այնպես ստացվեց, որ միայն ՌԴ սահմանապահ ուժերի ստորաբաժանումն էր, որ գտնվում էր անմիջական մարտական գործողությունների վարման շատ հասանելի տարածքում»,– ընդգծեց նա։
Տոնոյանը վստահեցրեց, որ ինչ հնարավոր էր, արվել է Մեղրիում 2020 թ. հոկտեմբերին. մոբիլիզացիայի փոքր խնդիր կար, սակայն դա էլ արագ լուծվեց։
Վերջում նա ավելացրեց, որ Մեղրիից հետ է կանչվել ՀՀ վարչապետի կողմից` տեղի իրավիճակը գնահատելուց հետո։
Հիշեցնենք, որ 2020 թ. հոկտեմբերի 29–ին ՀՀ ԱԺ պաշտպանության և անվտանգության հարցերի մշտական հանձնաժողովի նախագահ
Անդրանիկ Քոչարյանը հայտնել էր, որ հարավում հակառակորդի հիմնական նպատակը Մեղրին է։
Իսկ ՀՀ վարչապետ Նիկոլ Փաշինյանը հաստատել էր Հայաստանի և Արցախի սահմանին ռուս սահմանապահների տեղակայված լինելու մասին լուրերը։ Նա բացատրել էր, որ ռուս սահմանապահները կանգնած են Թուրքիայի և Իրանի հետ Հայաստանի սահմաններին, և այդպես միշտ է եղել։ Նրա խոսքով` իրադարձությունների վերջին զարգացումների հետ կապված` ռուս սահմանապահները կանգնած են նաև Հայաստանի հարավարևմտյան սահմանին։
