https://arm.sputniknews.ru/20230730/fransian-nigeri-ishkhanutjunnerin-kvoch-e-anum-apahvovel-despanatan-anvtangutjuny-63679065.html
Ֆրանսիան Նիգերի իշխանություններին կոչ է անում ապահովել դեսպանատան անվտանգությունը
Ֆրանսիան Նիգերի իշխանություններին կոչ է անում ապահովել դեսպանատան անվտանգությունը
Sputnik Արմենիա
Նիգերում հազարավոր մարդիկ մասնակցել են Ֆրանսիայի և Արևմտյան Աֆրիկայի երկրների տնտեսական ընկերակցության դեմ բողոքի ակցիային: 30.07.2023, Sputnik Արմենիա
2023-07-30T19:10+0400
2023-07-30T19:10+0400
2023-07-30T19:10+0400
աֆրիկա
աֆրիկացի
ֆրանսիա
բողոքի ակցիա
նիգեր
https://cdn.am.sputniknews.ru/img/07e7/07/1e/63676570_0:121:1600:1022_1920x0_80_0_0_844d8c8dda1ec41d2ed4000cc016fb80.jpg
ԵՐԵՎԱՆ, 30 հուլիսի - Sputnik. Ֆրանսիան Նիգերի իշխանություններին կոչ է անում ապահովել երկրի մայրաքաղաք Նիամեյում գտնվող դեսպանատան անվտանգությունը: Այդ մասին կիրակի օրը հայտարարել է հանրապետության ԱԳՆ-ն։Ավելի վաղ ԶԼՄ-ները հայտնել էին, որ Նիգերում հազարավոր մարդիկ մասնակցել են Ֆրանսիայի և Արևմտյան Աֆրիկայի երկրների տնտեսական ընկերակցության դեմ (ԱԱԵՏԸ), ինչպես նաև հեղաշրջման մասնակիցների կողմից ձևավորված «Հայրենիքի պաշտպանության ազգային խորհրդին» ի պաշտպանություն կազմակերպված ցույցին: Ակցիան կայացել է, այլ վայրերի թվում, նաև Նիամեյում Ֆրանսիայի դեսպանատան դիմաց։ Նշվում էր, որ ակցիայի մասնակիցները Ֆրանսիայի և ԱԱԵՏԸ -ի դեմ ուղղված կարգախոսներ են վանկարկել։Ֆրանսիայի ԱԳՆ-ի տվյալներով՝ այս պահին Նիգերում գտնվում է Ֆրանսիայի մոտ 600 քաղաքացի։Ավելի վաղ Նիգերի զինվորականները ազգային հեռուստատեսությամբ հայտարարել էին, որ նախագահ Մուհամեդ Բազումը պաշտոնանկ է արվել, սահմանները փակ են, պարետային ժամ է հայտարարվել:Բազումի գրասենյակը պնդում էր, որ բանակը չի աջակցել ապստամբներին, սակայն ավելի ուշ ԶՈւ հրամանատարությունը հայտարարել է նրանց հետ համերաշխության մասին։ Նախագահը շարունակում է մնալ իր նստավայրում: Ուրբաթ օրը նախագահական գվարդիայի հրամանատար գեներալ Տչիանին Նիգերի պետական հեռուստատեսության եթերում հայտնվել է հեղաշրջման մասնակիցների կողմից ձևավորված «Հայրենիքի պաշտպանության ազգային խորհրդի» ղեկավարի կարգավիճակով:Նիգերը նախկին ֆրանսիական գաղութ է և Սահելում արևմտյան երկրների վերջին դաշնակիցներից մեկն է։ Փարիզը ԱԹՍ-ներ, կործանիչներ էր մատակարարում երկրին և այնտեղ 1500 զինվորական է տեղակայել՝ Մալիի, Բուրկինա Ֆասոյի և Նիգերի սահմանին գործող ահաբեկչական խմբավորումների դեմ պայքարելու համար: Ֆրանսիայի ռազմական կոնտինգենտը նախկինում տեղակայված էր Մալիում և Բուրկինա Ֆասոյում, սակայն ֆրանսիական ուժերը երկու երկրներից արտաքսվել են համապատասխանաբար 2020 և 2022 թվականներին իրականացված պետական հեղաշրջումներից հետո:Բացի այդ, երկրում ուրանի հարուստ պաշարներ կան, որոնցից Ֆրանսիան մեծ կախում ունի։ Ավելի վաղ AtomInfo.ru ատոմային էներգետիկայի պորտալի գլխավոր խմբագիր Ալեքսանդր Ուվարովը ՌԻԱ Նովոստիին հայտնել էր, որ իշխանափոխության հետևանքով ֆրանսիական ատոմային ձեռնարկությունները ստիպված կլինեն վերանայել աշխատանքի տնտեսական պայմաններն այդ երկրում, ինչը կարող է հանգեցնել ֆրանսիական ԱԷԿ-ների համար միջուկային վառելիքի գների բարձրացմանը:
աֆրիկա
ֆրանսիա
նիգեր
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
աֆրիկա, աֆրիկացի, ֆրանսիա, բողոքի ակցիա, նիգեր
աֆրիկա, աֆրիկացի, ֆրանսիա, բողոքի ակցիա, նիգեր
Ֆրանսիան Նիգերի իշխանություններին կոչ է անում ապահովել դեսպանատան անվտանգությունը
Նիգերում հազարավոր մարդիկ մասնակցել են Ֆրանսիայի և Արևմտյան Աֆրիկայի երկրների տնտեսական ընկերակցության դեմ բողոքի ակցիային:
ԵՐԵՎԱՆ, 30 հուլիսի - Sputnik. Ֆրանսիան Նիգերի իշխանություններին կոչ է անում ապահովել երկրի մայրաքաղաք Նիամեյում գտնվող դեսպանատան անվտանգությունը: Այդ մասին կիրակի օրը հայտարարել է հանրապետության ԱԳՆ-ն։
«Ֆրանսիան դատապարտում է ցանկացած բռնություն իր դիվանագիտական ինստիտուտների դեմ, որոնց անվտանգության ապահովումը տանտեր-երկրի իրավասության մեջ է։ Նիգերի ուժերը պարտավոր են ապահովել դիվանագիտական և հյուպատոսական ինստիտուտների անվտանգությունը Վիեննայի կոնվենցիայի համաձայն: Մենք անհապաղ կոչ ենք անում կատարել այդ պարտավորությունը, որը սահմանված է միջազգային իրավունքով»,-ասվում է փաստաթղթի տեքստում։
Ավելի վաղ ԶԼՄ-ները հայտնել էին, որ Նիգերում հազարավոր մարդիկ մասնակցել են Ֆրանսիայի և Արևմտյան Աֆրիկայի երկրների տնտեսական ընկերակցության դեմ (ԱԱԵՏԸ), ինչպես նաև հեղաշրջման մասնակիցների կողմից ձևավորված «Հայրենիքի պաշտպանության ազգային խորհրդին» ի պաշտպանություն կազմակերպված ցույցին: Ակցիան կայացել է, այլ վայրերի թվում, նաև Նիամեյում Ֆրանսիայի դեսպանատան դիմաց։ Նշվում էր, որ ակցիայի մասնակիցները Ֆրանսիայի և ԱԱԵՏԸ -ի դեմ ուղղված կարգախոսներ են վանկարկել։
Ֆրանսիայի ԱԳՆ-ի տվյալներով՝ այս պահին Նիգերում գտնվում է Ֆրանսիայի մոտ 600 քաղաքացի։
Ավելի վաղ Նիգերի զինվորականները ազգային հեռուստատեսությամբ հայտարարել էին, որ նախագահ Մուհամեդ Բազումը պաշտոնանկ է արվել, սահմանները փակ են, պարետային ժամ է հայտարարվել:
Բազումի գրասենյակը պնդում էր, որ բանակը չի աջակցել ապստամբներին, սակայն ավելի ուշ ԶՈւ հրամանատարությունը հայտարարել է նրանց հետ համերաշխության մասին։ Նախագահը շարունակում է մնալ իր նստավայրում: Ուրբաթ օրը նախագահական գվարդիայի հրամանատար գեներալ Տչիանին Նիգերի պետական հեռուստատեսության եթերում հայտնվել է հեղաշրջման մասնակիցների կողմից ձևավորված «Հայրենիքի պաշտպանության ազգային խորհրդի» ղեկավարի կարգավիճակով:
Նիգերը նախկին ֆրանսիական գաղութ է և Սահելում արևմտյան երկրների վերջին դաշնակիցներից մեկն է։ Փարիզը ԱԹՍ-ներ, կործանիչներ էր մատակարարում երկրին և այնտեղ 1500 զինվորական է տեղակայել՝ Մալիի, Բուրկինա Ֆասոյի և Նիգերի սահմանին գործող ահաբեկչական խմբավորումների դեմ պայքարելու համար: Ֆրանսիայի ռազմական կոնտինգենտը նախկինում տեղակայված էր Մալիում և Բուրկինա Ֆասոյում, սակայն ֆրանսիական ուժերը երկու երկրներից արտաքսվել են համապատասխանաբար 2020 և 2022 թվականներին իրականացված պետական հեղաշրջումներից հետո:
Բացի այդ, երկրում ուրանի հարուստ պաշարներ կան, որոնցից Ֆրանսիան մեծ կախում ունի։ Ավելի վաղ AtomInfo.ru ատոմային էներգետիկայի պորտալի գլխավոր խմբագիր Ալեքսանդր Ուվարովը ՌԻԱ Նովոստիին հայտնել էր, որ իշխանափոխության հետևանքով ֆրանսիական ատոմային ձեռնարկությունները ստիպված կլինեն վերանայել աշխատանքի տնտեսական պայմաններն այդ երկրում, ինչը կարող է հանգեցնել ֆրանսիական ԱԷԿ-ների համար միջուկային վառելիքի գների բարձրացմանը:
