https://arm.sputniknews.ru/20230221/grigvori-khachaturvovi-dem-voreve-meky-cucmunq-chi-tvel-pastabany-manramasner-hajtnec-55681187.html
Գրիգորի Խաչատուրովի դեմ որևէ մեկը ցուցմունք չի տվել. փաստաբանը մանրամասներ հայտնեց
Գրիգորի Խաչատուրովի դեմ որևէ մեկը ցուցմունք չի տվել. փաստաբանը մանրամասներ հայտնեց
Sputnik Արմենիա
Հակոբ Ենոքյանը հայտնեց, որ Գրիգորի Խաչատուրովը դատարանում ելույթով է հանդես եկել։ 21.02.2023, Sputnik Արմենիա
2023-02-21T15:32+0400
2023-02-21T15:32+0400
2023-02-21T15:40+0400
գրիգորի խաչատուրով
քրեական գործ
փաստաբան
ցուցմունք
դատարան
հակոբ ենոքյան
https://cdn.am.sputniknews.ru/img/07e6/05/15/42318435_0:0:1601:901_1920x0_80_0_0_80c4096529df6ecf6a397a1577c58097.jpg
ԵՐԵՎԱՆ, 21 փետրվարի – Sputnik. Երրորդ բանակային կորպուսի նախկին հրամանատար, գեներալ–մայոր Գրիգորի Խաչատուրովի դեմ որևէ մեկը ցուցմունք չի տվել։ Տեղեկությունը Sputnik Արմենիային հայտնեց նրա փաստաբան Հակոբ Ենոքյանը։Նշենք, որ Խաչատուրովի կալանքի վերաբերյալ որոշումը դատարանը կհրապարակի այսօր՝ 17:30-ին:Փաստաբանը նշեց, որ արդար գործելու դեպքում հնարավոր չէ, որ դատարանը կալանքի որոշում կայացնի. այլ հարց է` կհամարձակվի՞ հիմիկվանից ասել` հանցակազմ չկա այդ գործում, թե՞ կալանավորելու որոշում չի կայացվի կալանքի հիմքերի բացակայության հիմնավորմամբ ։Իսկ եթե կալանքի որոշում կայացվի, ապա, ըստ Ենոքյանի, աբսուրդ կլինի։ Նա հիշեցրեց, որ 11 ամիս է մնացել այս գործի վաղեմության ժամկետը լրանալուն, ինչը ենթադրում է, որ վերջնական վճռում ազատազրկման ձևով պատիժ չի կարող լինել։Փաստաբանն ավելի վաղ հայտնել էր, որ Խաչատուրովին վերագրվող արարքը 14 տարի առաջ տեղի ունեցած իրադարձության հետ է կապված, իսկ այդ պարագայում 15 տարի է վաղեմության ժամկետը։Նշենք, որ երեկ հայտնի դարձավ Խաչատուրովի ձերբակալման մասին։ Այս պահին Հակակոռուպցիոն դատարանում քննվում է նրան կալանավորելու հարցը։Հիշեցնենք, որ գլխավոր դատախազ Աննա Վարդապետյանը, ԱԺ-ում ներկայացնելով Սեյրան Օհանյանին առաջադրված մեղադրանքը, հայտնել էր, որ 2022 թվականի նոյեմբերի 15-ին ԱԱԾ քրեական վարույթով տվյալներ են ձեռք բերվել, որ Արարատի մարզի Արմաշ համայնքի ղեկավարը 2005-ի հուլիսի 11-ի որոշումներով անհատույց օգտագործման իրավունքով ՊՆ–ին է տրամադրել Արմաշ համայնքի Երևանյան խճուղի 24/1 հասցեում գտնվող 1.2 հա և Երևանյան խճուղի 1/4Գ 0.9 հա հատուկ նշանակության հողերը։Ըստ դատախազի` այդ հողամասերից մեկը ձեռք էր բերել Գրիգորի Խաչատուրովը։ Վարդապետյանի խոսքով` Արմաշ համայնքի Երևանյան խճուղու 24/1 հասցեում գտնվող հողամասն ու շինությունները, որոնք 4 մլն դրամով վաճառվել են Գրիգորի Խաչատուրովին, վերջինս 18 մլն դրամով է գրավ դրել։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
գրիգորի խաչատուրով, քրեական գործ, փաստաբան, ցուցմունք, դատարան, հակոբ ենոքյան
գրիգորի խաչատուրով, քրեական գործ, փաստաբան, ցուցմունք, դատարան, հակոբ ենոքյան
Գրիգորի Խաչատուրովի դեմ որևէ մեկը ցուցմունք չի տվել. փաստաբանը մանրամասներ հայտնեց
15:32 21.02.2023 (Թարմացված է: 15:40 21.02.2023) Հակոբ Ենոքյանը հայտնեց, որ Գրիգորի Խաչատուրովը դատարանում ելույթով է հանդես եկել։
ԵՐԵՎԱՆ, 21 փետրվարի – Sputnik. Երրորդ բանակային կորպուսի նախկին հրամանատար, գեներալ–մայոր Գրիգորի Խաչատուրովի դեմ որևէ մեկը ցուցմունք չի տվել։ Տեղեկությունը
Sputnik Արմենիային հայտնեց նրա փաստաբան Հակոբ Ենոքյանը։
Նշենք, որ Խաչատուրովի կալանքի վերաբերյալ որոշումը դատարանը կհրապարակի այսօր՝ 17:30-ին:
«Դատարանում Խաչատուրովը ելույթով է հանդես եկել, դեպքի հետ կապված մանրամասն ինչ հնարավոր է` ներկայացրել է: Այսինքն` նա խոսել է այն մասին, ինչ նախկինում էլ ասել էր` գույքի հետ որևէ կապ չունի։ Ավելին` Խաչատուրովի դեմ որևէ ցուցմունք չկա, այսինքն` «փողերի լվացման» հանգամանքը լրիվ ենթադրություն է»,–ասաց Ենոքյանը։
Փաստաբանը նշեց, որ արդար գործելու դեպքում հնարավոր չէ, որ դատարանը կալանքի որոշում կայացնի. այլ հարց է` կհամարձակվի՞ հիմիկվանից ասել` հանցակազմ չկա այդ գործում, թե՞ կալանավորելու որոշում չի կայացվի կալանքի հիմքերի բացակայության հիմնավորմամբ ։
Իսկ եթե կալանքի որոշում կայացվի, ապա, ըստ Ենոքյանի, աբսուրդ կլինի։ Նա հիշեցրեց, որ 11 ամիս է մնացել այս գործի վաղեմության ժամկետը լրանալուն, ինչը ենթադրում է, որ վերջնական վճռում ազատազրկման ձևով պատիժ չի կարող լինել։
Փաստաբանն ավելի վաղ հայտնել էր, որ Խաչատուրովին վերագրվող արարքը 14 տարի առաջ տեղի ունեցած իրադարձության հետ է կապված, իսկ այդ պարագայում 15 տարի է վաղեմության ժամկետը։
Նշենք, որ երեկ հայտնի դարձավ Խաչատուրովի
ձերբակալման մասին։ Այս պահին Հակակոռուպցիոն դատարանում քննվում է նրան կալանավորելու հարցը։
Հիշեցնենք, որ գլխավոր դատախազ Աննա Վարդապետյանը, ԱԺ-ում ներկայացնելով Սեյրան Օհանյանին առաջադրված մեղադրանքը, հայտնել էր, որ 2022 թվականի նոյեմբերի 15-ին ԱԱԾ քրեական վարույթով տվյալներ են ձեռք բերվել, որ Արարատի մարզի Արմաշ համայնքի ղեկավարը 2005-ի հուլիսի 11-ի որոշումներով անհատույց օգտագործման իրավունքով ՊՆ–ին է տրամադրել Արմաշ համայնքի Երևանյան խճուղի 24/1 հասցեում գտնվող 1.2 հա և Երևանյան խճուղի 1/4Գ 0.9 հա հատուկ նշանակության հողերը։
Ըստ դատախազի` այդ հողամասերից մեկը ձեռք էր բերել Գրիգորի Խաչատուրովը։ Վարդապետյանի խոսքով` Արմաշ համայնքի Երևանյան խճուղու 24/1 հասցեում գտնվող հողամասն ու շինությունները, որոնք 4 մլն դրամով վաճառվել են Գրիգորի Խաչատուրովին, վերջինս 18 մլն դրամով է գրավ դրել։
