https://arm.sputniknews.ru/20230209/hetkhorhrdajin-hajastanum-shinararakan-normery-bavakanin-khstacvel-en-55114816.html
Հետխորհրդային Հայաստանում շինարարական նորմերը բավականին խստացվել են. սեյսմոլոգ
Հետխորհրդային Հայաստանում շինարարական նորմերը բավականին խստացվել են. սեյսմոլոգ
Sputnik Արմենիա
ԳԱԱ երկրաբանական գիտությունների ինստիտուտի գիտաշխատող, սեյսմոլոգ Հրաչյա Պետրոսյանը Sputnik Արմենիայի եթերում անդրադարձել է նախկինում կառուցված և այժմ կառուցվող... 09.02.2023, Sputnik Արմենիա
2023-02-09T18:57+0400
2023-02-09T18:57+0400
2023-02-09T18:57+0400
ռադիո
սեյսմոլոգ
սեյսմիկ պաշտպանության տարածքային ծառայություն
շենք
շինարարություն
հայաստան
պոդկաստ
վթարային շենք
https://cdn.am.sputniknews.ru/img/07e7/02/09/55110197_0:257:2731:1793_1920x0_80_0_0_e25b236903838ff2513bed3d555e15b8.jpg
Պետրոսյան. Յուրաքանչյուր շենք պետք է ունենա իր քաղաքաշինական ու սեյսմիկ անձնագիրը
Sputnik Արմենիա
Պետրոսյան. Յուրաքանչյուր շենք պետք է ունենա իր քաղաքաշինական ու սեյսմիկ անձնագիրը
Հետխորհրդային Հայաստանում շինարարական նորմերը բավականին խստացվել են, և հիմա Երևանի ամբողջ տարածքում, ինչպես և մյուս քաղաքներում, շենքերը պարտադիր պետք է ունենան 9 բալանոց սեյսմակայունություն։ Sputnik Արմենիայի հետ զրույցում այս տեսակետը հայտնեց ԳԱԱ երկրաբանական գիտությունների ինստիտուտի գիտաշխատող, սեյսմոլոգ Հրաչյա Պետրոսյանը։ ՀՀ Ազգային ժողովում կառավարության հետ հարցուպատասխանի ժամանակ տարածքային կառավարման և ենթակառուցվածքների նախարար Գնել Սանոսյանը հայտնել էր` Հայաստանում գլխավոր խնդիրն այն է, որ խորհրդային տարիներին կառուցված շենքերի սեյսմիկ հզորությունն ու ներկայիս նորմատիվները չեն համընկնում։ Ըստ նրա` խորհրդային տարիներին կառուցված շենքերն անհրաժեշտ է մոտ 10 տարվա ընթացքում փոխարինել նորերով, որոնք կհամապատասխանեն սեյսմիկ անվտանգության նոր նորմերին։ Նրա տեղեկացմամբ` սեյսմոլոգները կազմել են Հայաստանի երկարաժամկետ սեյսմիկ վտանգի քարտեզը. յուրաքանչյուր բնակավայրի դիմաց նշված է, թե քանի բալ սեյսմակայունությամբ պետք է կառուցվեն տեղի շենք–շինությունները։ Անդրադառնալով խորհրդային ժամանակաշրջանում կառուցված շենքերի սեյսմակայունության խնդրին` Պետրոսյանն ընդգծեց, որ դրանց շահագործման ժամկետներն անցել են, թեև դրանք կանգուն են ու ոչ բոլորն են վթարային։«Առհասարակ գոյություն ունի վթարայնության չորս աստիճան։ Բոլոր շենքերը չեն, որ համարվում են, օրինակ, երրորդ կամ չորրորդ աստիճանի վթարային շինություններ։ Եթե ամբողջ շենքը չորրորդ կարգի վթարային է, ապա ենթակա է ապամոնտաժման` տեղում նորը կառուցելու պայմանով։ Նման շենքեր կային, օրինակ, մայրաքաղաքի Աջափնյակ թաղամասում, որտեղ դրանք ապամոնտաժվել են, իսկ բնակիչները՝ վերաբնակեցվել։ Այսօր կան նաև այնպիսի շենքեր, որոնց տարբեր մուտքերն ունեն վթարայնության տարբեր աստիճաններ։ Նման դեպքերում շենքերը պետք է պարտադիր ամրակայվեն»,– նշեց մեր զրուցակիցը։ Նորակառույցները հուսալի չեն. մասնագետը` երևանյան շենքերի սեյսմակայունության մասինՊետրոսյանի դիտարկմամբ` յուրաքանչյուր շենք ունի իր յուրահատկությունը։ Թվում է, թե նման են իրար, բայց իրականում կառուցված են երկրաբանական տարբեր հիմքերի վրա։ Ըստ այդմ` յուրաքանչյուր շենք պետք է ունենա իր անձնագիրը, որում պետք է նշվեն թերություններն ու վթարայնության աստիճանը, եթե այդպիսիք կան։ Պետրոսյանն ասաց, որ շենքերի քանակը շատ է, իսկ մասնագետներինը՝ խիստ սահմանափակ, բայց նույնիսկ նման պայմաններում պարբերաբար իրականացվում են շենքերի սեյսմակայունության ստուգման աշխատանքներ։Նշենք, որ նոր կառուցվող շենքերը սեյսմիկ անվտանգության նորմատիվներին համապատասխանեցնելու ուղղությամբ բազմաթիվ իրավական գործընթացներ են իրականացվում, և ընդհանուր նորմատիվներում պարտադիր պահանջ է բոլոր ստանդարտների հաշվառումն ու կիրառումը։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
սեյսմոլոգ, սեյսմիկ պաշտպանության տարածքային ծառայություն, շենք, շինարարություն, հայաստան, պոդկաստ, վթարային շենք, аудио
սեյսմոլոգ, սեյսմիկ պաշտպանության տարածքային ծառայություն, շենք, շինարարություն, հայաստան, պոդկաստ, վթարային շենք, аудио
Հետխորհրդային Հայաստանում շինարարական նորմերը բավականին խստացվել են. սեյսմոլոգ
ԳԱԱ երկրաբանական գիտությունների ինստիտուտի գիտաշխատող, սեյսմոլոգ Հրաչյա Պետրոսյանը Sputnik Արմենիայի եթերում անդրադարձել է նախկինում կառուցված և այժմ կառուցվող շենքերի սեյսմակայունության թեմային։
Հետխորհրդային Հայաստանում շինարարական նորմերը բավականին խստացվել են, և հիմա Երևանի ամբողջ տարածքում, ինչպես և մյուս քաղաքներում, շենքերը պարտադիր պետք է ունենան 9 բալանոց սեյսմակայունություն։
Sputnik Արմենիայի հետ զրույցում այս տեսակետը հայտնեց ԳԱԱ երկրաբանական գիտությունների ինստիտուտի գիտաշխատող, սեյսմոլոգ Հրաչյա Պետրոսյանը։
ՀՀ Ազգային ժողովում կառավարության հետ հարցուպատասխանի ժամանակ տարածքային կառավարման և ենթակառուցվածքների նախարար
Գնել Սանոսյանը հայտնել էր` Հայաստանում գլխավոր խնդիրն այն է, որ խորհրդային տարիներին կառուցված շենքերի սեյսմիկ հզորությունն ու ներկայիս նորմատիվները չեն համընկնում։ Ըստ նրա` խորհրդային տարիներին կառուցված շենքերն անհրաժեշտ է մոտ 10 տարվա ընթացքում փոխարինել նորերով, որոնք կհամապատասխանեն սեյսմիկ անվտանգության նոր նորմերին։
«Ներկայումս գործում են չափանիշներ, որոնց կիրառման դեպքում նոր կառուցվող շենքերը դառնում են բավականին սեյսմակայուն։ Օրինակ` Երևան քաղաքում շենքերը պետք է կառուցվեն այնպես, որ երկրաշարժի ժամանակ դիմանան 9 բալ և ավելի ուժգնությանը, մինչդեռ խորհրդային տարիներին սահմանված էր 7 բալը»,– ասաց Պետրոսյանը։
Նրա տեղեկացմամբ` սեյսմոլոգները կազմել են Հայաստանի երկարաժամկետ սեյսմիկ վտանգի քարտեզը. յուրաքանչյուր բնակավայրի դիմաց նշված է, թե քանի բալ սեյսմակայունությամբ պետք է կառուցվեն տեղի շենք–շինությունները։
Անդրադառնալով խորհրդային ժամանակաշրջանում կառուցված շենքերի սեյսմակայունության խնդրին` Պետրոսյանն ընդգծեց, որ դրանց շահագործման ժամկետներն անցել են, թեև դրանք կանգուն են ու ոչ բոլորն են վթարային։
«Առհասարակ գոյություն ունի վթարայնության չորս աստիճան։ Բոլոր շենքերը չեն, որ համարվում են, օրինակ, երրորդ կամ չորրորդ աստիճանի վթարային շինություններ։ Եթե ամբողջ շենքը չորրորդ կարգի վթարային է, ապա ենթակա է ապամոնտաժման` տեղում նորը կառուցելու պայմանով։ Նման շենքեր կային, օրինակ, մայրաքաղաքի Աջափնյակ թաղամասում, որտեղ դրանք ապամոնտաժվել են, իսկ բնակիչները՝ վերաբնակեցվել։ Այսօր կան նաև այնպիսի շենքեր, որոնց տարբեր մուտքերն ունեն վթարայնության տարբեր աստիճաններ։ Նման դեպքերում շենքերը պետք է պարտադիր ամրակայվեն»,– նշեց մեր զրուցակիցը։
Պետրոսյանի դիտարկմամբ` յուրաքանչյուր շենք ունի իր յուրահատկությունը։ Թվում է, թե նման են իրար, բայց իրականում կառուցված են երկրաբանական տարբեր հիմքերի վրա։ Ըստ այդմ` յուրաքանչյուր շենք պետք է ունենա իր անձնագիրը, որում պետք է նշվեն թերություններն ու վթարայնության աստիճանը, եթե այդպիսիք կան։ Պետրոսյանն ասաց, որ շենքերի քանակը շատ է, իսկ մասնագետներինը՝ խիստ սահմանափակ, բայց նույնիսկ նման պայմաններում պարբերաբար իրականացվում են շենքերի սեյսմակայունության ստուգման աշխատանքներ։
Նշենք, որ նոր կառուցվող շենքերը սեյսմիկ անվտանգության նորմատիվներին համապատասխանեցնելու ուղղությամբ բազմաթիվ իրավական գործընթացներ են իրականացվում, և ընդհանուր նորմատիվներում պարտադիր պահանջ է բոլոր ստանդարտների հաշվառումն ու կիրառումը։
